Agenda, decisions and minutes

www.abertawe.gov.uk/DatgeluCysylltiadau

 

 Y Cynghorydd  M H Jones – Eitem 1 (2024/0277/S73) – Personol

 

 Y Cynghorydd  R A Williams – Eitem 6 (2024/0081/FUL) – Personol

 

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

 

Y Cynghorydd M H Jones - eitem 1 (2024/0277/S73) – personol

 

Y Cynghorydd R A Williams - eitem 6 (2024/0081/FUL) - personol

 

 

Cymeradwyo a llofnodi cofnodion y cyfarfod(ydd) blaenorol fel cofnod cywir.

 

Cymeradwywyd

Penderfynwyd cymeradwyo a llofnodi cofnodion y cyfarfod a gynhaliwyd ar 2 Gorffennaf 2024 fel cofnod cywir.

 

Dim

Dim.

1.     2024/0277/S73 – Cymeradwywyd

2.     2024/0733/FUL – Cymeradwywyd

3.     2023/1174/FUL – Cymeradwywyd

4.     2023/1175/LBC – Cymeradwywyd

5.     2024/0604/S73 – Cymeradwywyd

6.     2024/0081/FUL - Cymeradwywyd

Cyflwynwyd cyfres o geisiadau cynllunio ar ran Pennaeth Cynllunio ac Adfywio'r Ddinas. 

 

Adroddwyd am ddiwygiadau/ddiweddariadau i'r atodlen hon a nodir y rhain isod â (#) 

 

(Sylwer: Dosbarthwyd yr wybodaeth ddiweddaraf am yr adroddiad y cyfeirir ato isod i Aelodau'r Pwyllgor yn ogystal â'i chyhoeddi ar wefan y Cyngor cyn y cyfarfod.)

 

Penderfynwyd cymeradwyo'r ceisiadau cynllunio isod:

 

#(Eitem 1) - Cais Cynllunio - 2024/0277/S73 - Adeiladu adeilad ystafelloedd newid unllawr, un cae rygbi maint llawn, un cae hyfforddi, maes parcio â lle i 36 car a gosod colofnau llifoleuadau uchel 11 x 15m (amrywio amodau 20 a 22 caniatâd cynllunio 2014/0306 a roddwyd ar 27 Awst 2014 i ganiatáu i'r llifoleuadau weithredu o ddydd Llun i ddydd Gwener o 16:30 - 21:00 ac i'r cyfleusterau weithredu tan 21:00) yng Nghae Chwaraeon Casllwchwr, Ffordd Cae Duke, Gorseinon Abertawe.

 

Rhoddwyd cyflwyniad gweledol.

 

Diweddarwyd yr adroddiad fel a ganlyn:

a.   Derbyniwyd dau wrthwynebiad ychwanegol yn dilyn anfon llythyrau hysbysu'r pwyllgor at yr holl wrthwynebwyr, yn mynegi'r pryderon canlynol:

·       Mae'r ffurflen gais yn nodi'n anghywir nad yw'r safle'n weladwy o'r ffordd

·       Mae'r ddarpariaeth barcio ar gyfer 36 car ond mae 80 yn defnyddio'r safle

·       Materion diogelwch ar y briffordd

·       Materion preswyl ac amwynder cyffredinol, gan gynnwys sŵn a tharfu o ganlyniad i ddefnyddio cerbydau o fewn Ffordd  Cae Duke

·       Cyflymder troseddol defnyddwyr sy'n gadael Ffordd Cae Duke

·       Mae'r giatiau'n aml yn cael eu gadael heb eu cloi gan annog defnydd anawdurdodedig y tu hwnt i oriau gweithredu

 

Sylwadau'r Swyddog:

Mae'r ddau wrthwynebydd wedi cyflwyno sylwadau am y cais yn flaenorol gan fynegi pryderon tebyg (er y mae un gwrthwynebydd bellach yn cyfeirio at nifer uwch o gerbydau'n defnyddio'r safle). Fodd bynnag ystyrir bod y materion hyn eisoes wedi cael sylw sylweddol o fewn adroddiad gwreiddiol y pwyllgor

 

b. Nodwyd gwall yn y frawddeg gyntaf o dan yr is-bennawd 'Materion Eraill' lle cyfeirir at ddatblygiad preswyl (tudalen 13 adroddiad y pwyllgor). Er eglurder, mae'r cais yn ymwneud â chyfleusterau hamdden yn unig ac nid yw'n cynnwys unrhyw ddatblygiad preswyl.

 

Adroddwyd am lythyr gwrthwynebu hwyr ar lafar.

 

Anerchodd y Cynghorydd Robert Smith (Aelod Lleol) y pwyllgor a siaradodd o blaid y cais oherwydd y mesurau lliniaru a roddwyd ar waith sy'n golygu bod y safle’n  addas i'w ddefnyddio.

 

 

(Eitem 2) - Cais Cynllunio 2024/0733/FUL - Adeiladu 22 annedd preswyl fforddiadwy a gwaith isadeiledd cysylltiedig ar dir i'r gogledd o Heol Dynys, Ravenhill, Abertawe.

 

Rhoddwyd cyflwyniad gweledol.

 

Ychwanegwyd nodyn cynghori ychwanegol yn cyfeirio at nwy pwll

 

 

(Eitem 3) - Cais Cynllunio 2023/1174/FUL - Ailddatblygu hen Sinema'r Castell i ddarparu cynllun defnydd cymysg o unedau masnachol a 30 fflat preswyl sy'n cynnwys ailwampio, estyniad a gwaith cysylltiedig yn hen Sinema'r Castell, Worcester Place, Abertawe

 

Rhoddwyd cyflwyniad gweledol manwl a chynhwysfawr.

 

 

(Eitem 4) - Cais Cynllunio 2023/1175/LBC - Ailddatblygu hen Sinema'r Castell er mwyn darparu cynllun defnydd cymysg o unedau masnachol a 30 fflat preswyl sy'n cynnwys ailwampio, estyniad a gwaith cysylltiedig (cais am gydsyniad adeilad rhestredig) yn hen Sinema'r Castell, Worcester Place, Abertawe

 

Rhoddwyd cyflwyniad gweledol.

 

Caiff y cais ei gyfeirio at CADW.

 

 

(Eitem 5) - Cais Cynllunio 2024/0604/S73 - Adeiladu 166 o anheddau gyda mynedfa gysylltiedig, tirlunio, man agored, isadeiledd gwyrdd, isadeiledd draenio a gwaith cysylltiedig - amrywiad ar amod 2 caniatâd cynllunio 2021/1495/FUL a roddwyd ar 5 Gorffennaf 2022 i alluogi ar gyfer amnewid mathau o dai cymeradwy ar 47 llain ar dir i'r gogledd o Llewellyn Road, Penlle'r-gaer, Abertawe.

 

Rhoddwyd cyflwyniad gweledol.

 

Cymeradwywyd y cais yn amodol ar addasiad i A106.

 

 

(Eitem 6) - Cais Cynllunio 2024/0081/FUL - Defnyddio tir ar gyfer lleoli 4 cwt bugail i'w gosod fel llety gwyliau tymor byr yn Fferm Tyle House, Llangynydd, Abertawe

 

Rhoddwyd cyflwyniad gweledol

Cymeradwywyd

Cyflwynodd yr Arweinydd Tîm Ardal ar ran Pennaeth Cynllunio ac Adfywio'r Ddinas adroddiad a oedd yn ceisio awdurdodiad i addasu'r Cytundeb A106 mewn perthynas â Chaniatâd Cynllunio 2016/1478 (ar gyfer y datblygiad a ddisgrifir uchod).

 

Cyflwynwyd y cais gan yr ymgeisydd o dan A106(A)(1)(a) o Ddeddf Cynllunio Gwlad a Thref 1990 (fel y'i diwygiwyd) a gofynnwyd i wneud y diwygiad canlynol:

·                 Diwygio'r drydedd atodlen i alluogi Cyngor Abertawe i fod yn ddewis ar gyfer derbyn / trosglwyddo'r cartrefi fforddiadwy, yn ogystal â/yn lle'r Landlord Cymdeithasol Cofrestredig.

 

Amlinellwyd a manylwyd ar hanes cefndir y mater yn yr adroddiad.

 

Penderfynwyd rhoi caniatâd i addasu trydedd atodlen y Cytundeb A106 i alluogi Cyngor Abertawe i fod yn ddewis ar gyfer derbyn / trosglwyddo'r cartrefi fforddiadwy, yn ogystal â/yn lle'r Landlord Cymdeithasol Cofrestredig.