Agenda, decisions and minutes

www.abertawe.gov.uk/DatgeluCysylltiadau

 

 Y Cynghorydd  P Downing – Eitem 6 – 1 (2023/1965/FUL – personol

 

Y Cynghorydd M H Jones – Eitem 8 - personol

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

 

Y Cynghorydd P Downing – Eitem 6 (1) - 2023/1965/FUL - Personol

 

Y Cynghorydd M H Jones – Eitem 8 - Personol

 

 

 

 

Cymeradwyo a llofnodi cofnodion y cyfarfod(ydd) blaenorol fel cofnod cywir.

 

Cymeradwywyd

Penderfynwyd cymeradwyo a llofnodi cofnodion y cyfarfod a gynhaliwyd ar 9 Ebrill 2024 fel cofnod cywir

Dim

Dim.

Cymeradwywyd

Cyflwynwyd adroddiad gan y Swyddog Coed ar ran Pennaeth Cynllunio ac Adfywio'r Ddinas a oedd yn ceisio ystyriaeth ar gyfer cadarnhad, fel Gorchymyn llawn, o Orchymyn Diogelu Coed dros dro GCC 691, Rectory Cottage, Llanilltud Gŵyr. (2023).

 

Amlinellwyd a manylwyd ar hanes cefndir y cynnig a'r gorchymyn dros dro a gyflwynwyd ym mis Rhagfyr 2023, a'r gwrthwynebiadau a dderbyniwyd i'r cynnig yn yr adroddiad a'r cyflwyniad llafar.

 

Gohiriwyd yr eitem yng nghyfarfod mis Ebrill ar gyfer ymweliad safle, cynhaliwyd yr ymweliad safle y diwrnod cyn y cyfarfod.

 

Anerchwyd y pwyllgor gan Mr Gordon a Mr Coode (gwrthwynebwyr) a siaradodd yn erbyn y cadarnhad arfaethedig ar gyfer y GCC.

 

Penderfynwyd cadarnhau Gorchymyn Cadw Coed GCC 691 Rectory Cottage, Llanilltud Gŵyr (2023) heb ei addasu.

 

 

1.     2023/1965/FUL – Gohiriedig - ymweliad safle

2.     2024/0365/LBC – Cymeradwywyd

3.     2023/2630/FUL - Cymeradwywyd

 

Cyflwynwyd cyfres o geisiadau cynllunio ar ran Pennaeth Cynllunio ac Adfywio'r Ddinas.

  

Adroddwyd am ddiwygiadau/ddiweddariadau i'r atodlen hon a nodir y rhain isod â (#)

 

(Sylwer: Dosbarthwyd yr wybodaeth ddiweddaraf am yr adroddiad y cyfeirir ato isod i Aelodau'r Pwyllgor yn ogystal â'i chyhoeddi ar wefan y Cyngor y diwrnod cyn y cyfarfod.)

 

Penderfynwyd  

 

1) gohirio’r cais cynllunio a nodir isod er mwyn cynnal ymweliad safle.

 

#(Eitem 1) - Cais Cynllunio 2023/1965/FUL - Adeiladu 31 o anheddau fforddiadwy gyda gwaith isadeiledd cysylltiedig ar dir i'r dwyrain o Clordir Road, Pontlliw, Abertawe

 

Cyn gohirio.

 

Rhoddwyd cyflwyniad gweledol manwl.

 

Anerchwyd y pwyllgor gan Rob Davies (asiant ar gyfer ymgeiswyr) a siaradodd o blaid y cais.

 

Anerchwyd y pwyllgor gan Richard Bowen (asiant y Cyngor Cymuned - gwrthwynebwyr) a siaradodd yn erbyn y cynnig.

 

Anerchwyd y pwyllgor gan y Cynghorydd Victoria Holland (Aelod Lleol) a siaradodd yn erbyn y cynigion ar faterion parcio/diogelwch traffig yn unig.

 

Diweddarwyd yr adroddiad fel a ganlyn:

 

Mae gohebiaeth wedi’i derbyn yn dangos bod Cyngor Cymuned Pontlliw a Thircoed wedi ysgrifennu at Lywodraeth Cymru yn gofyn i Weinidogion Cymru alw'r cais i mewn i'w ystyried gan Weinidogion Cymru. Hyd yma, ni dderbyniwyd ymateb na chyfarwyddyd gan Lywodraeth Cymru.

 

Derbyniwyd dau lythyr ychwanegol yn gwrthwynebu'r cais gan breswylwyr lleol gyda'u sylwadau wedi'u crynhoi fel a ganlyn:

 

1.   Effaith newid yn yr hinsawdd gan gyfeirio at lifogydd a materion draenio

2.   Materion traffig a diogelwch priffyrdd, gan gynnwys agosrwydd at ysgol, anawsterau mynediad i gerbydau mawr a gwasanaeth bysus cyfyngedig

3.   Ni fyddai'r cynnig yn gwarchod yr amgylchedd naturiol a byddai’n niweidio buddiannau ecoleg/bioamrywiaeth

4.   Colli coed, gwrychoedd a llystyfiant

5.   Nid oes gan ysgolion lleol ddigon o leoedd nac adnoddau

6.   Amwynderau annigonol yn y pentref i ddarparu ar gyfer y datblygiad

7.   Colli amwynder i breswylwyr cyfagos gan gynnwys colli preifatrwydd ac aflonyddwch

8.   Safleoedd amgen ar gael yn yr ardal yn hytrach na thir glas ac nid yw'r cynnig yn addas ar gyfer y pentref

 

Mae'r materion a godwyd eisoes wedi cael sylw rhesymol yn adroddiad gwreiddiol y pwyllgor.

 

 

2. cymeradwyo'r ceisiadau cynllunio isod.

 

(Eitem 2) - Cais Cynllunio 2024/0365/LBC - Ailadeiladu dwy bont hanesyddol adfeiliedig (a enwir yn Bont Morfa a Phont Silverstack) sy'n croesi Camlas Abertawe sydd bellach yn segur, ynghyd â'r llwybr halio ochr a waliau'r gamlas, i ddarparu cysylltiad rhwng Morfa Road a safle Gwaith Copr y Morfa (cais am Ganiatâd Adeilad Rhestredig) ym Mhontydd Morfa a Silverstack, Morfa Road, yr Hafod, Abertawe

 

Rhoddwyd cyflwyniad gweledol.

 

Caiff y cais ei gyfeirio at CADW.

 

 

#(Eitem 3) - Cais Cynllunio 2023/2630/FUL - Dymchwel adeilad rhannol unllawr, rhannol deulawr sy’n bodoli eisoes ac adeiladu annedd rhannol unllawr, rhannol deulawr newydd, gyda garej unllawr â tho gwastad ar wahân yn Cobwebs, Penmaen, Abertawe

 

Rhoddwyd cyflwyniad gweledol manwl.

 

Roedd ymweliad safle wedi'i gynnal â safle'r cais y diwrnod cyn y cyfarfod.

 

Anerchwyd y pwyllgor gan David Patton (gwrthwynebydd) a siaradodd yn erbyn y cynnig.

 

Anerchwyd y pwyllgor gan y Cynghorydd Lynda James (aelod lleol) a siaradodd yn erbyn y cynnig ar amwynder/dylunio gweledol.

 

Diweddarwyd yr adroddiad fel a ganlyn:

 

Diwygiwyd Amod 2 fel a ganlyn;

Rhaid ymgymryd â'r datblygiad yn unol â'r cynlluniau a'r dogfennau cymeradwy canlynol:

 

2023/CBWEBS/SLP - Cynllun Lleoliad Safle, 2023/COBWEBS/P01  - Cynllun Safle Arfaethedig, 2023/COBWEBS/P12 - Cynllun Llawr Cyntaf Arfaethedig, 2023/COBWEBS/P13 - Cynllun To Arfaethedig, 2023/COBWEBS/P17 - Gweddlun Ochr (Dwyreiniol) Arfaethedig, 2023/COBWEBS/P19 - Gweddlun Ochr (Gorllewinol) Arfaethedig a 2023/COBWEBS/P20 - Garej/Storfa Arfaethedig, a dderbyniwyd ar 19 Rhagfyr 2023.

 

2023/COBWEBS/P11 - Cynllun Llawr Gwaelod Arfaethedig, a dderbyniwyd ar 26 Chwefror 2024. 2023/COBWEBS/P16 B - Gweddlun Blaen (Gogleddol) Arfaethedig – Llun o’r Stryd, a dderbyniwyd ar 4 Mawrth 2024.

 

2023/COBWEBS/P15 B - Gweddlun Blaen (Gogleddol) Arfaethedig (O'r tu mewn i'r ffin) a Gweddlun Cefn (Deheuol) Arfaethedig P18, a dderbyniwyd ar 8 Mai 2024.

 

2023/COBWEBS/P14 B - Gweddlun Blaen (Gogleddol) Arfaethedig (O flaen y garej), a dderbyniwyd ar 14 Mai 2024.

 

Rheswm: I osgoi amheuaeth a sicrhau cydymffurfiaeth â'r cynlluniau a gymeradwywyd.

 

 

Cymeradwywyd

Cyflwynwyd adroddiad gan Arweinydd y Tîm Mynediad i Gefn Gwlad ar ran Pennaeth Cynllunio ac Adfywio'r Ddinas a oedd yn ceisio ystyriaeth ar gyfer cais a wnaed i'r Awdurdod hwn i wneud Gorchymyn Addasu i gywiro gwall sydd wedi digwydd ar y map diffiniol sy'n arwain at ddangos llwybr ceffyl 12, Llanmadog ar aliniad anghywir.

 

Amlinellwyd a manylwyd ar hanes cefndir y mater yn yr adroddiad.

 

Penderfynwyd gwneud gorchymyn addasu map diffiniol i gywiro'r gwall ar lwybr ceffyl 12, ac, os derbynnir gwrthwynebiadau, i'r gorchymyn a'r gwrthwynebiadau gael eu cyflwyno i Benderfyniadau Cynllunio ac Amgylchedd Cymru (PEDW).

Cymeradwywyd

Cyflwynwyd adroddiad gan Arweinydd y Tîm Mynediad Cefn Gwlad ar ran Pennaeth Cynllunio ac Adfywio'r Ddinas a oedd yn ceisio ystyriaeth ar gyfer cais a wnaed i'r Awdurdod hwn i wneud Gorchymyn Addasu i ychwanegu llwybr troed sy'n rhedeg o Stephenson Road i Olchfa Lane (llwybr ceffyl KI111) at Fap Diffiniol y Cyngor o Hawliau Tramwy Cyhoeddus.

 

Amlinellwyd a manylwyd ar hanes cefndir y mater yn yr adroddiad.

 

Penderfynwyd, gan fod llwybr troed eisoes wedi'i gofnodi drwy gytundeb cyflwyno gyda pherchennog y tir, y dylid gwrthod y cais ac ni chaiff Gorchymyn Addasu ei wneud i ychwanegu llwybr troed at y map diffiniol.