Agenda a Chofnodion

Etholwyd y Cynghorydd J A Raynor yn Gadeirydd Dros Dro.

Bu'r Cynghorydd J A Raynor (Cadeirydd Dros Dro) yn llywyddu.

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

Datganodd y Cynghorydd E J King fudd personol yng Nghofnod 61 'Cais i gronfa Teithio Llesol 2018/19' fel gweithiwr y DVLA.

Datganodd y Cynghorydd R S Stewart fudd personol yng Nghofnod 61 'Cais i gronfa Teithio Llesol  2018/19' fel gweithiwr y DVLA.

Bu'r cynghorydd RC Stewart (Cadeirydd) yn llywyddu.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cymeradwyo a llofnodi cofnodion y Panel Ariannu Allanol a gynhaliwyd ar 4 Gorffennaf 2018 fel cofnod cywir.

Cyflwynodd y Swyddog Strategaeth Cludiant adroddiad a oedd yn ceisio cymeradwyaeth mewn perthynas â chais am gyllid ar gyfer cronfa Teithio Llesol 2018/19.

Manylodd ar y cefndir, y ceisiadau a gyflwynwyd a manylion y cynllun arfaethedig.

Gofynnodd yr aelodau gwestiynau i'r swyddog a ymatebodd yn briodol.

Penderfynwyd cymeradwyo Cronfa Teithio Llesol 2018/19.

Darparodd cydweithwyr o Dîm Datblygu Economaidd a Chyllid Allanol a Chynllunio Strategol ac Amgylchedd Naturiol ddiweddariad ar geisiadau Ewropeaidd arfaethedig a cheisiadau eraill am gyllid allanol.

Gofynnodd aelodau gwestiynau i'r swyddogion a ymatebodd yn briodol.

Penderfynwyd:

1.     cymeradwyo cynlluniau busnes a gyflwynwyd i sicrhau cyllid gan raglen Adeiladu ar gyfer y Dyfodol Llywodraeth Cymru i adnewyddu adeilad Kings, Orchard House a hen adeilad BHS.

2.     cymeradwyo cyflwyno ffurflenni cais i Raglen Targedu Buddsoddiad mewn Adfywio Llywodraeth Cymru i sefydlu ac arwain y Gronfa Datblygu a Gwella Eiddo a'r Gronfa Byw'n Gynaliadwy ar ran y rhanbarth.

3.     cymeradwyo cyflwyno ceisiadau i grant Cyfoeth Naturiol Cymru er mwyn cyflwyno Gwrychoedd Gŵyr, Ein Natur: Ein Dyfodol a phrosiectau Gwirfoddolwyr Bywyd Gwyllt Abertawe.

4.     Mae'r panel yn cefnogi Cyngor Abertawe wrth iddo fabwysiadu rôl arweiniol ym mhrosiect Parc Briallu a chyflwyno ail-broffil er mwyn sicrhau cyllid gan WREN er mwyn cyflwyno'r prosiect.