Agenda a chofnodion drafft

www.swansea.gov.uk/DisclosuresofInterests

Dim.

To approve & sign the Minutes of the previous meeting(s) as a correct record.

Penderfynwyd cytuno bod cofnodion cyfarfod y panel a gynhaliwyd ar 14 Hydref 2024 yn gofnod cywir.

 

Rhoddodd Chloe Dennis (Swyddog Amddiffyn/Atal Rhanbarthol ar gyfer y Tîm Troseddu Economaidd) ac aelod o dîm Tarian Heddlu De Cymru gyflwyniad PowerPoint i'r panel a oedd yn rhoi trosolwg o’r mathau gwahanol o dwyll y dylai pobl geisio amddiffyn eu hunain rhagddynt.

 

Nododd y byddai'n anfon copi o'r cyflwyniad i'w ddosbarthu yn dilyn y cyfarfod.

 

 

Adroddodd Fiona Pickwell y gall ei rôl a'i chyfrifoldebau newid wrth symud ymlaen yn dilyn gwerthusiad diweddar.

 

Amlinellodd fod Carers UK yn cynnal arolwg ar hyn o bryd i gasglu barn a phrofiadau cyn-filwyr sy'n ofalwyr neu'r rheini sy'n gofalu am gyn-filwyr.

 

Aeth y comig Coming Home newydd ar werth yn ddiweddar – mae’n canolbwyntio ar y gymuned LHDT+ ac yn cynnwys Ruth Birch o Fighting with Pride. Dymunodd y gorau i Ruth, sy'n symud i Ddyfnaint cyn bo hir, a dywedodd y bydd hi'n golled fawr i'r gymuned filwrol yng Nghymru. Roedd y Cadeirydd ac aelodau'r pwyllgor yn dymuno'r gorau iddi hefyd.

 

Dywedodd wrth aelodau'r panel am yr e-bost rheolaidd mae'n ei anfon at gymuned y lluoedd, sef  ‘Whats Occurrin’, sy'n cynnwys newyddion, gwybodaeth a chyngor a gofynnodd i’r aelodau hynny o'r panel a oedd eisiau cael eu hychwanegu at y rhestr ddosbarthu i gysylltu â hi.

 

Ar hyn o bryd mae'n drafftio calendr o ddigwyddiadau yn ei hardal a gofynnodd i aelodau'r panel rannu eu manylion â hi os hoffent rannu/hyrwyddo digwyddiad.

 

Amlinellodd hefyd y cyllid/grantiau sydd ar gael i grwpiau ar hyn o bryd, sy'n cynnwys y 3 maes canlynol:

·       Teuluoedd sy'n Gwasanaethu: Rhaglen On The Move 2024-25 - grantiau o hyd at £120 mil ar gyfer teuluoedd sy'n gwasanaethu y mae adleoli yn effeithio arnynt

·       Y Rhaglen Grantiau Cyfalaf Mawr - grantiau rhwng £75 mil a £500 mil tuag at brosiectau sy'n cefnogi gwaith ailwampio sylweddol/estyniadau/tai newydd ar gyfer llety ar rent i gyn-filwyr a chanddynt anghenion o ran tai;

·       Veterans' Foundation – mae grantiau o £500 hyd at £30 mil a grantiau cyflog hyd at £25 mil y flwyddyn ar gael;

·        Atgoffodd aelodau'r panel i ddefnyddio'r pecyn cymorth Turn2us wrth gyflwyno cais am grantiau.

 

Nododd ychydig o ddyddiadau ar gyfer y dyddiadur o gwmpas cyfnod y Cofio, sef:

25 Hydref - Diwrnod Gŵyl y Lluoedd Arfog ym Mhort Talbot

1 Tachwedd - Cyngerdd Goffa Arglwydd Faer CNPT yn y Neuadd Fawr, Campws y Bae, Prifysgol Abertawe.

8 Tachwedd - Gŵyl y Cofio Arglwydd Faer DASA/Y Lleng Brydeinig Frenhinol yn Neuadd Brangwyn, Abertawe.

 

Amlinellodd yr Is-gomander Andy Davies fod cynlluniau ar gyfer HMS Cambria yn arfer eu hawliau ar gyfer Rhyddid Abertawe ar 1 Mawrth yn parhau.

 

Nododd y bydd y gwasanaeth yn mynd i gynifer o'r digwyddiadau cynlluniedig â phosib, a gall unrhyw un sydd am gael cefnogaeth gan y gwasanaeth ar gyfer gweithgareddau etc gysylltu ynghylch hynny.

 

Trafododd y Capten Huw Williams yr hyn yr oedd Sgwadron 223 a Chatrawd 157 (Cymru) wedi bod yn ei wneud dros y misoedd diwethaf a'r hyn maent yn bwriadu ei wneud yn y dyfodol.

 

Ers y cyfarfod diwethaf rydym wedi cymryd rhan yn yr ymarfer Winter Dragon fel rhan o The Commanding Officers Sword. Mae nifer o'n milwyr hefyd wedi mynychu cyrsiau hyfforddiant i gynyddu eu cymhwysedd . Mae'r rhain wedi cynnwys gweithgareddau sy'n canolbwyntio ar fasnachu, hyrwyddo neu drwyddedau gyrru. Fis Tachwedd diwethaf aeth milwyr y sgwadron i nifer o ddigwyddiadau coffa. Roedd y rhain yn gyfle i fyfyrio a dod ynghyd i fyfyrio.

 

Roedd y rhan fwyaf o'n pobl wedi cael cyfle i ymlacio dros y Nadolig ac maent bellach yn barod i ddechrau'r flwyddyn newydd â brwdfrydedd. Mae pedwar milwr wedi bod yn sgïo yn Norwy, Ffrainc ac Awstria, ac mae hyn yn dangos bod milwyr wrth gefn yn cael cyfleoedd gwych i ddatblygu eu hunain.  

 

Mae rhaglen lawn o ddigwyddiadau’n cael ei llunio eleni a chynhelir cyfarfod o'r Cyngor ddydd Iau i drafod y rhain. Ar ôl cynnal y cyfarfod hwn, caiff y digwyddiadau eu dosbarthu i aelodau'r panel fel eu bod yn ymwybodol ohonynt ac fel y gallant fynd iddynt. Mae digwyddiadau arwyddocaol i edrych ymlaen atynt yn 2025 yn cynnwys diwedd yr Ail Ryfel Byd yn Ewrop ym mis Mai, dathliadau Diwrnod y Lluoedd Arfog ar 28 Mehefin, y Sioe Awyr a diwedd yr Ail Ryfel Byd yn Japan ym mis Awst.

 

Ym mis Tachwedd, oherwydd newid i'r amseriad, bydd y gatrawd yn cymryd rhan yn ei hymarfer hyfforddiant blynyddol. O ganlyniad, gall fod llai o gynrychiolwyr yn bresennol yn y digwyddiadau coffa hyn nag yn y blynyddoedd blaenorol.

 

Dywedodd ei fod yma i helpu drwy gynnig cymorth neu drwy fynd i ddigwyddiadau os gall wneud hynny, ac mae croeso i grwpiau gysylltu ag ef.

 

Dywedodd Rob Woods, Comodor yr Awyrlu ei fod yn mynd i'w gyfarfod cyntaf o'r panel a'i fod yn edrych ymlaen at weithio gyda phawb yn y dyfodol a chefnogi cynifer o ddigwyddiadau lleol â phosib.

 

Byddai’n ymwneud ag ymweliad y Gweinidog Cyn-filwyr â Gogledd Cymru yn hwyrach yr wythnos hon lle trafodir materion ar draws Cymru. Bydd cyfle i roi adborth yn y dyfodol.  Trafododd hefyd gynlluniau'r RAF ar gyfer oddeutu 20 sioe ar draws y DU i hyrwyddo ac annog recriwtio. Cynhelir un ohonynt yn Abertawe ac mae'n debygol iawn y bydd yn cyd-fynd â'r Sioe Awyr. Mae'n bosib y gallai adnoddau ychwanegol fod ar gael i gefnogi'r digwyddiad. Bydd rhagor o fanylion i ddilyn pan fyddant yn hysbys.

 

Dywedodd Victoria Williams ar ran GIG Cymru i Gyn-filwyr fod 35 o atgyfeiriadau wedi'u derbyn yn ystod y 3 mis diwethaf ac o'r rhain, roedd 25 wedi dewis eu derbyn - roedd 18 o unigolion wedi'u hasesu a byddant yn derbyn therapi wrth symud ymlaen. 

 

Cynhaliwyd y cyfarfod rhwydwaith clinigol diwethaf ar 19 Rhagfyr 2024 ac roedd presenoldeb yn y cyfarfod yn dda. Ailadroddodd fod croeso i holl aelodau'r panel fynd i'r cyfarfodydd hyn.

 

Yn ystod y cyfarfod diwethaf gwnaeth tîm y Canolfannau Adfer o farics Aberhonddu friffio'r panel, a oedd yn wych.

 

Cyfeiriwyd at y prosiect SPRING, sef menter ar-lein ar gyfer cyn-filwyr a chanddynt Anhwylder Straen Wedi Trawma, sy'n gweithio'n dda iawn.

 

Dywedodd fod recriwtio seiciatrydd ar gyfer y tîm yn her barhaus o hyd.

 

 

 

Nid oedd swyddog yn bresennol.

 

Gellir gweld y bwletin misol i ysgolion yn SSCE Cymru :: Bwletin misol i ysgolion.

 

 

The Poppy Factory

 

Dywedodd Andy Harris ei fod yn mynychu ei gyfarfod cyntaf yn dilyn ei benodiad diweddar i rôl newydd yn y sefydliad a oedd yn ymwneud â'r rhaglen Navigator, sy'n ceisio cefnogi cyn-filwyr mewn amrywiaeth o ffyrdd gan gynnwys rhoi cyngor ar faterion amrywiol megis caethiwed, tai a chymorth cyflogaeth.

 

Mae ei sefydliad yn parhau i gefnogi cyn-filwyr ac mae wedi derbyn atgyfeiriadau gan Victoria a'r canolfannau adfer yn Aberhonddu.

 

Veterans RV

 

Dywedodd Paul Smith fod grŵp Veterans RV yn cymryd rhan mewn astudiaeth gyda Phrifysgol Abertawe a SOFit sy'n edrych ar fuddion trochi mewn dŵr oer ar gyfer cyn-filwyr.

 

Mae'r grŵp yn parhau i nofio'n rheolaidd ym mae Caswell ar ddydd Sul a byddant yn cefnogi'r digwyddiad Dip for Tim ar 26 Ionawr sy'n gysylltiedig â chyn-filwr a fu farw yn ddiweddar.

 

Mae'r clwb modelwyr yn parhau i gwrdd yn rheolaidd a dywedodd y bydd y Bulldogs yn cynnal cwis ar 7 Chwefror - mae croeso i bawb.

 

 

 

Y Lleng Brydeinig Frenhinol

 

Dywedodd Adrian Leslie y bydd y ffigurau diweddaraf ynghylch y lles a'r cymorth a ddarperir i lengoedd yng Nghymru ar gael i'w dosbarthu cyn bo hir.

 

Mae digwyddiadau mawr wedi'u cynllunio eleni ar gyfer Diwrnod VE/VJ, a bydd digwyddiad i ddathlu Diwrnod Cofio'r Holocost ac 80 mlynedd ers rhyddhau Auschwitz hefyd yn cael ei gynnal ar 27 Ionawr.

 

Cyfeiriodd at gronfa Crossfield House sy'n gysylltiedig â digwyddiadau cofio ar gyfer Diwrnod VE/VJ, a gellir gwneud cais am arian i ariannu digwyddiadau sy'n cynnwys y Lleng Brydeinig Frenhinol ac sy'n bwriadu cynnwys cyn-filwyr, neu sy'n ceisio mynd i'r afael ag arwahanrwydd cymdeithasol ac annog cynhwysiant etc.

 

Cyfeiriodd Phil Flower at y cyfarfod a gynhelir ddydd Iau, fel a amlinellwyd gan y Capten Huw Williams yn gynharach, er mwyn trafod y digwyddiadau amrywiol a gynlluniwyd ar gyfer 2025. Caiff yr wybodaeth ei rhannu ag aelodau'r panel yn dilyn y cyfarfod.

 

 

Fighting With Pride

 

Nid oedd Ruth Birch yn bresennol ond darparodd y diweddariad canlynol:

 

Yn ddiweddar dathlwyd 25 mlynedd ers codi'r gwaharddiad ar bobl hoyw.

Gwnaethom hefyd gyhoeddi'r enillydd ar gyfer cofeb LHDT y Lluoedd Arfog a fydd yn cael ei hadeiladu yn y Goedardd Genedlaethol erbyn yr Hydref.

 

Y Swyddfa Materion Cyn-filwyr - Cyhoeddi Enillydd y Gofeb LHDT

https://www.youtube.com/shorts/0cowfxl4sJs

 

BBC Breakfast News - 12-01-2025 - Dathlu 25 mlynedd a Chofeb LHDT y Lluoedd Arfog

https://youtu.be/HgiFTuNYRbs

 

Comig Coming Home - Rhifyn 2

Front Row - Asif Kapadia's dystopian film 2073, anthology comic marks 25 years since armed forces "gay ban" lifted, Nick Frost in Get Away - BBC Sounds