Agenda a Chofnodion
Lleoliad: Ystafell Gyfarfod y Siambr - Canolfan Ddinesig, Abertawe. Cyfarwyddiadau
Cyswllt: Gareth Borsden - 01792 636824
Rhif | Eitem |
---|---|
Derbyn datgeliadau o fuddiannau personol a rhagfarnol. Cofnodion: Dim. |
|
Cymeradwyo a
llofnodi cofnodion y cyfarfod(ydd) blaenorol fel cofnod cywir Cofnodion: Penderfynwyd cytuno bod cofnodion y panel a gynhaliwyd
ar 4 Rhagfyr2017 yn gofnod cywir. |
|
Cyflwyniad - Blesma. Cofnodion: Rhoddodd Tom
Hall, Swyddog Cymorth (Gorllewin) o Blesma gyflwyniad PowerPoint a oedd yn
tynnu sylw at y pynciau canlynol: ·
Ei
gefndir milwrol; ·
Hanes
Sefydlu Blesma ar ôl y Rhyfel Byd Cyntaf (mae’n un o 10 elusen yn unig sy’n bodoli o
hyd o’r cyfnod hwnnw). ·
Prif nodau'r
elusen yw cynorthwyo cyn-filwyr – dynion a menywod - sydd wedi colli coesau neu
freichiau, (neu ddefnydd o goes/fraich) llygaid neu sy’n dioddef nam ar y
golwg; ·
Cynllun
y sefydliad a strwythur staffio: ·
Cenhadaeth
a gweledigaeth; ·
Mathau
o aelodaeth; ·
Meysydd
arbenigedd a chymorth/cyngor sydd ar gael: ·
Rôl
swyddogion cymorth rhanbarthol; ·
Ardaloedd
daearyddol a gynhwysir; ·
Hunan-ariannu; ·
Gweithgareddau
a digwyddiadau aelodau sydd ar gael; ·
Nifer
yr aelodau, yr ymweliadau/gweithgareddau a gynhelir a'r grantiau a roddir. |
|
Y diweddaraf gan aelodau'r panel. (Llafar) Cofnodion: Rhoddodd
aelodau'r panel y diweddaraf am weithgareddau, digwyddiadau a llwythi gwaith
presennol ac arfaethedig eu grwpiau a'u sefydliadau priodol, gan gynnwys y
meysydd canlynol: CGGA Cyfeiriodd Alex Baharie at gynllun grant Diwrnod y Lluoedd Arfog sy’n
derbyn ceisiadau o hyd a nododd y byddai'n rhaeadru dolen i'r cynllun. Clwb hen filwyr Dywedodd Sandy Shaw fod cyfarfodydd rheolaidd "galw heibio" ar
ddydd Llun a dydd Gwener ar fin dechrau yn y Schooner
Inn yn Abertawe. Y Lleng Brydeinig Frenhinol/Y Llu Awyr Brenhinol Adroddodd Phil Flower ar y gwahanol ddigwyddiadau a gynlluniwyd i goffáu
100 mlynedd y Llu Awyr Brenhinol, gan gynnwys cyngerdd Gala yn Neuadd Brangwyn ar 20 Ebrill a gwasanaeth eglwys yn y Santes Fair a gorymdaith o fwy na 400 o filwyr ar ôl hynny ar 22
Ebrill. Tynnodd sylw at y trafodaethau parhaus â Chyngor Abertawe ynghylch
digwyddiadau posib i goffáu 100 mlynedd y Rhyfel Byd Cyntaf, gan gynnwys
"goleuo" adeiladau, cae coffa, gorymdaith estynedig a digwyddiad ar
Sul y Cofio. Ymgymerir â thrafodaethau pellach ar y cynigion â phartneriaid
allweddol yn ystod y misoedd nesaf. Nododd fod Apêl Pabïau 2017 wedi codi mwy na £111 mil yn Abertawe, y
cyfanswm uchaf erioed. Care after Combat Nododd Rob Nicholls
mai prif rôl y sefydliad oedd cynorthwyo cyn-filwyr yn y system gyfreithiol.
Nododd eu bod yn gweithio'n dda gydag asiantaethau eraill i gynghori/gynorthwyo
cyn-filwyr cyn ac ar ôl iddynt gael eu rhyddhau a dywedodd fod ganddynt gyfradd
lwyddiant o 92% ddim yn aildroseddu o fewn blwyddyn o gael eu rhyddhau. Cymdeithas y
Milwyr, Morwyr, Awyrenwyr a'u Teuluoedd (SSAFA) Dywedodd Dave
Singletary fod y gymdeithas yn parhau â'i llwyth gwaith arferol a chyfeiriodd
at lwyddiant dawns SSAFA a gynhaliwyd yn ddiweddar yng Ngwesty Traeth Aberafan,
a gododd dros £1800. Blesma Cyfeiriodd Tom
Hall at fater ynglŷn â lleihau costau bathodynnau glas y bu'n ymgymryd ag
ef yn Lloegr a oedd yn ymwneud â hen filwyr, a holodd a ellid gwneud rhywbeth
tebyg yn lleol. Prifysgol Cymru Y Drindod Dewi
Sant Nododd Eve
Warburton fod y Brifysgol yn bwriadu ehangu ei chysylltiad â’r Cyfamod,
ail-lofnodi'r cytundeb a cheisio sefydlu canolfan yng Nghaerfyrddin ar y cyd â
Help for Heroes. Help for Heroes Nododd Amanda
Thomas mai ond 6 wythnos y bu yn y swydd, a chyfeiriodd at y boreau coffi i'w
cynnal yng nghampfa Bulldogs. Y Llynges
Frenhinol Cyfeiriodd Ruth
Fleming at ddigwyddiad Rhyddid y Ddinas ar gyfer HMS Cambria ar 17 Mawrth. Bydd
Band y Môr-filwyr Brenhinol yn perfformio. Cyfeiriodd hefyd
at gêm rygbi Menywod y Llynges Frenhinol yn erbyn Prifysgol Abertawe a gynhelir
yn San Helen. Nododd ei bod
hi'n hapus i gynorthwyo gyda “gweithlu” ar gyfer unrhyw ddigwyddiadau coffáu’r
Rhyfel Byd Cyntaf. Nododd fod
cyn-filwyr yn cael eu hannog i wisgo eu lifrai ar Ddydd y Cofio eleni. Y Fyddin Cyfeiriodd Chris
Evans at y trafodaethau a'r cynlluniau parhaus ar gyfer Diwrnod y Lluoedd Arfog
a'r Sioe Awyr eleni, a gynhelir ar yr un penwythnos. Cyfeiriodd at faterion
ynghylch codi baneri, pentref milwrol a digwyddiadau amrywiol dros y
penwythnos. Tynnodd sylw at y
ffaith fod y Weinyddiaeth Amddiffyn wedi cyhoeddi newid mewn perthynas â
gweithdrefn grantiau Cyfamod y Lluoedd Arfog. Mae holl geisiadau presennol
wedi'u gohirio nes rhoi’r system newydd ar waith. Cyfeiriodd at
ddigwyddiad arall sydd yn yr arfaeth yn The Grange. Cyngor
Abertawe Dywedodd Spencer
Martin fod yr awdurdod yn parhau i weithio tuag at ddyfarnu gwobr safon aur y
cyfamod. Dywedodd June Burtonshaw
ei bod hi'n parhau i weithio ar achosion unigol gyda SSAFA, a chyfeiriodd at y
cynlluniau ar gyfer cyfres o ddigwyddiadau posib ar gyfer Dydd y Cofio. |