Agenda a Chofnodion

www.abertawe.gov.uk/DatgeluCysylltiadau

Rhoddodd y Dirprwy Brif Swyddog Cyfreithiol gyngor i Aelodau'r Pwyllgor ar ddatgelu buddiannau personol a rhagfarnol.

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

 

Y Cynghorydd Cyril Anderson – Personol – Cofnod rhif 29 – Aelod o'r Pwyllgor Cynllunio

 

Y Cynghorydd Jeff Jones – Personol – Cofnod Rhif 29 – Mae ei wraig yn aelod o'r Pwyllgor Cynllunio

 

Y Cynghorydd Will Thomas – Rhagfarnol – Cofnod Rhif 29 – Aelod o Gyngor Cymuned y Mwmbwls

 

Y Cynghorydd Mike White – Personol – Cofnod Rhif 29 - Aelod o'r Pwyllgor Cynllunio

Yn unol â Mesur Llywodraeth Leol (Cymru) 2011, ni ddatganwyd pleidleisiau chwip na chwipiau'r pleidiau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Pwyllgor y Rhaglen Graffu a gynhaliwyd ar 15 Rhagfyr 2020 fel cofnod cywir.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Cyflwynodd aelod o'r cyhoedd y cwestiynau canlynol: -

 

1)    Deallwn mai cylch gwaith y Pwyllgor yw penderfynu ar brydles safle Llwynderw i Gyngor Cymuned y Mwmbwls, gan fod cynllunio ar gyfer yr ailddatblygiad arfaethedig eisoes wedi bod drwy broses lawn ac wedi'i gymeradwyo. A allai'r Pwyllgor gadarnhau bod hyn yn gywir?

 

2)    Rydym yn ymwybodol o'r gefnogaeth gref i ailddatblygu safle Llwynderw gan y cymunedau sglefrfyddio, BMX a sgwter, ymhlith eraill, a'r pryderon a fynegwyd ynglŷn â'r amser y mae'r broses wedi'i gymryd hyd yma. Rydym hefyd yn ymwybodol y bydd y gymuned, wrth i'r cyfyngiadau symud ddod i ben, yn awyddus i fanteisio ar gyfleusterau a difyrion nad ydynt wedi gallu eu mwynhau ers peth amser. Gan ragdybio bod y cynnig yn cael ei gymeradwyo, beth fyddai'r amserlen ragweladwy ar gyfer llofnodi'r brydles, er mwyn galluogi'r ailddatblygiad i ddechrau o ddifri, ac a fyddai'n ymarferol gobeithio y gellid cwblhau'r datblygiad cyn haf 2021?

 

Cadarnhaodd y Cadeirydd mai nid cylch gwaith Pwyllgor y Rhaglen Graffu oedd gwneud penderfyniad ar y brydles, ond cwestiynu a thrafod y mater gydag aelodau perthnasol y Cabinet ac yna cyflwyno barn y Pwyllgor i'r Cabinet fel y gallai ystyried hyn fel rhan o'u penderfyniadau.

 

Cadarnhaodd Aelodau'r Cabinet hefyd, pe bai'r penderfyniad yn cael ei gymeradwyo yng nghyfarfod y Cabinet, y byddai'r cyngor yn ceisio symud y mater yn ei flaen cyn gynted â phosib, gan sicrhau hefyd y dilynir y broses briodol yn gywir a chan ystyried y pwysau presennol o ymdrin â pandemig COVID-19.

Cyflwynodd yr Arweinydd adroddiad ar benawdau allweddol Portffolio'r Economi, Cyllid a Strategaeth. Tynnodd sylw hefyd at natur ddigynsail y 9 mis diwethaf a diolchodd i'r holl staff gan gynnwys holl staff yr ysgol yn ogystal ag uwch-swyddogion a chydweithwyr yn y Cabinet sydd wedi gweithio'n galed i ddarparu ymateb i COVID-19.

 

Roedd y cwestiynau a'r trafodaethau'n canolbwyntio ar y canlynol:-

 

COVID-19

·                Cynnydd ar y rhaglen frechu – problemau cychwynnol – nodwyd bod bron 21,000 o frechiadau wedi'u rhoi erbyn hyn.

·                Rhaglen i roi ail ddos o'r ​​brechiadau.

·                Sefydlu tair Canolfan Brechu Torfol – Ysbyty'r Bae, Margam a Chanolfan Gorseinon.

·                Cynnydd da o ran brechu staff iechyd a gofal cymdeithasol yn ogystal â phreswylwyr cartrefi gofal.

·                Roedd y broses o roi brechiadau i bobl dros 75 oed a 70 oed, wedi dechrau.

·                Yr oedd pob un o'r 49 o feddygfeydd bellach yn cymryd rhan yn y rhaglen frechu.

·                Ar y trywydd iawn i gwblhau'r 4 grŵp blaenoriaeth cyntaf gan Lywodraeth Cymru erbyn tua 15 Chwefror 2021 – yn dibynnu ar gyflenwadau o'r brechlynnau ac adnoddau.

·                Ei nod oedd symud i Grwpiau Blaenoriaeth 5-9 erbyn y gwanwyn

·                Posibilrwydd ac ymarferoldeb canolfannau brechu gyrru drwyddo.

·                Cynllunio rhag Argyfyngau Lleol – parodrwydd ar gyfer y pandemig a'r gwersi a ddysgwyd, gan gynnwys strwythurau cadernid rhanbarthol sydd ar waith.

·                Ymateb i ddarparu ac ailgynllunio gwasanaethau yn ystod y pandemig a sefydlu gweithio o bell.

·                Roedd paratoadau ar gyfer Brexit heb gytundeb wedi darparu rhywfaint o gymorth wrth ymateb i COVID-19 a pharodrwydd.

·                Cyfradd tâl y gweithwyr rheng flaen/gweithwyr allweddol – mater cenedlaethol.

 

Brexit

·                Effaith Brexit ar Abertawe yn sgîl y cytundeb y cytunwyd arno – dyddiau cynnar, protestiadau gan y diwydiant pysgota, rhai problemau’n ymwneud â masnach ddiffwdan.

·                Anhawster gweld effaith lawn ochr yn ochr â'r pandemig.

·                Dangosodd asesiad blaenorol y byddai Cymru'n colli £1.5 biliwn o leiaf hyd yn oed pe byddai bargen dda.

·                Pwysigrwydd gwneud y gorau o'r sefyllfa bresennol.

·                Parhau i fonitro goblygiadau Brexit.

·                Cynnydd ac eglurder ynghylch y Gronfa Ffyniant Gyffredin.

·                Pwysigrwydd cynllun ERASMUS a'r posibilrwydd o barhau â'r cynllun.

·                Cynnal a gwella cysylltiadau â Mannheim – gefeillddinas Abertawe yn yr Almaen.

·                Diogelu hawliau gweithwyr – gweithlu medrus sy'n cael eu talu'n dda.

 

Cyllideb

·                Y gallu i gyflwyno cyllideb gytbwys yng ngoleuni Brexit a COVID-19 – rhagwelwyd y byddai cyllideb gytbwys yn cael ei chyflwyno a'r gobaith oedd cael cyllideb gadarnhaol.

·                Gwaith rhyfeddol y tîm cyllid wrth weinyddu cymorth/grantiau/cefnogaeth yn ystod y pandemig.

 

Gweithio mewn Partneriaeth a Gweithio'n Rhanbarthol

·                Edrych ar weithio mewn partneriaeth ac a fyddai'n werth dod â Bwrdd Gwasanaethau Cyhoeddus Abertawe, Bwrdd Gwasanaethau Cyhoeddus Castell-nedd Port Talbot a Bwrdd Partneriaeth Rhanbarthol Gorllewin Morgannwg at ei gilydd – gan edrych ar ôl troed gweithio'n rhanbarthol a symleiddio strwythurau.

 

Canol y ddinas

·                Cyfansoddiad y 467 o swyddi ychwanegol a ragwelir (cyfwerth ag amser llawn) a grëwyd yn sgîl datblygiad yr arena.

·                Sefyllfa bresennol Debenhams - siop a phenderfyniadau cenedlaethol, ond byddai'r cyngor yn ceisio cefnogi lle bo'n bosib.

 

Penderfynwyd y bydd Cadeirydd Pwyllgor y Rhaglen Graffu'n ysgrifennu at yr Arweinydd, gan adlewyrchu'r drafodaeth a rhannu barn y pwyllgor.   

a)       Rôl y pwyllgor.

b)       Ystyried Adroddiad y Cabinet a Chwestiynau.

c)       Barn y pwyllgor i'r Cabinet.

Roedd Aelod y Cabinet dros Fuddsoddi, Adfywio a Thwristiaeth, Aelod y Cabinet dros Gyflawni a Gweithrediadau, a swyddogion perthnasol yn bresennol er mwyn i'r Pwyllgor ystyried adroddiad y Cabinet ar 'Brydles Arfaethedig i Gyngor Cymuned y Mwmbwls dan y Polisi Trosglwyddo Asedau Cymunedol'

 

Roedd adroddiad y Cabinet yn ymwneud â gwaredu tir i Gyngor Cymuned y Mwmbwls er mwyn adeiladu a rheoli Parc Sglefrio newydd ar y safle y cyfeirir ato fel Llwynderw.

 

Amlygodd Aelod y Cabinet dros Gyflawni a Gweithrediadau yr adroddiad cynhwysfawr a nododd fod caniatâd cynllunio wedi'i roi. Roedd yn gyfle cyffrous i'r ddinas.

 

Amlygodd y Cadeirydd y ffaith nad oedd y Pwyllgor yn gwneud penderfyniad ar y brydles, ond ei fod am roi ei farn ac unrhyw argymhellion i'r Cabinet.

 

Arhosodd y Cynghorydd Will Thomas yn y cyfarfod i roi barn yn unig, gan ddweud bod angen gwelliannau i'r broses o drosglwyddo asedau cymunedol, yna gadawodd y cyfarfod, heb gymryd unrhyw ran yn y drafodaeth ar yr eitem hon. 

 

Mynegodd y Cynghorydd Linda-Tyler Lloyd, y cymeradwywyd ei chais i annerch y Pwyllgor, farn fel aelod lleol am leoliad datblygiad arfaethedig y parc sglefrio gan Gyngor Cymuned y Mwmbwls a'r manteision o ddefnyddio safle Lido Blackpill ar gyfer y datblygiad yn lle.  

 

 

Roedd y cwestiynau a'r trafodaethau'n canolbwyntio ar y canlynol:-

 

·                Materion diogelwch am ei fod wrth ymyl y brif ffordd a mynediad i'r datblygiad

·                Effaith ar yr ardal gyfagos, gan ei bod yn Safle o Ddiddordeb Gwyddonol Arbennig

·                Caniatâd Cynllunio – asesiadau effaith adroddiadau priffyrdd ac ecolegol, yn ogystal ag argymhellion/gofynion cynllunio

·                Adroddiad annibynnol a luniwyd gan Gyngor Cymuned y Mwmbwls ar safleoedd posib

·                Ymateb i ymgynghoriad – ymatebion cadarnhaol ar y cyfan gydag ymateb mawr gan bobl ifanc hefyd

 

Diolchwyd Aelod y Cabinet a'r Swyddogion gan y Cadeirydd.

 

I gloi, cytunodd y Pwyllgor yr aethpwyd i'r afael â'r holl gwestiynau a godwyd a'u bod yn hapus i gefnogi'r penderfyniad arfaethedig yng ngoleuni'r ymateb cadarnhaol i'r ymgynghoriad ynglŷn â gwaredu, a'r tebygolrwydd y byddai'r datblygiad yn cael ei gyflawni'n llwyddiannus gan y Cyngor Cymuned a chanlyniad cadarnhaol i'r ddinas a defnyddwyr, yn enwedig pobl ifanc. 

 

Penderfynwyd y bydd Cadeirydd Pwyllgor y Rhaglen Graffu'n ysgrifennu at Aelod y Cabinet yn amlinellu barn y Pwyllgor, a chaiff adborth ei gyflwyno i'r Cabinet ar 21 Ionawr 2021 cyn iddynt benderfynu ar adroddiad y cabinet.

Cyflwynodd y Cadeirydd adroddiad ar 'Aelodaeth Paneli a Gweithgorau Craffu', yn dilyn cytuno ar raglen waith craffu

 

Penderfynwyd ychwanegu'r Cynghorydd June Burtonshaw at Weithgor Craffu'r Gwasanaethau Bysus. 

Trafodaeth am:

a)         Gynllun Gwaith y Pwyllgor

b)         Cyfleoedd Craffu Cyn Penderfynu

c)          Cynnydd gyda Phaneli a Gweithgorau Craffu

Cyflwynodd y cadeirydd adroddiad am Raglen Waith Craffu 2020/22.

 

Nododd y Cadeirydd fod cyfarfod nesaf Pwyllgor y Rhaglen Graffu ar 16 Chwefror 2021 lle trefnwyd cyflwyno Adroddiad Blynyddol y Cynllun Hawliau Plant a Phobl Ifanc. Hysbysodd y Pwyllgor hefyd y byddai'r gwaith craffu cyn penderfynu arfaethedig ar adroddiad y Cabinet 'Achos Busnes dros Adleoli'r Ganolfan Ddinesig' yn cael ei ohirio i gyfarfod y Pwyllgor ym mis Mawrth gan fod yr adroddiad hwn bellach wedi'i restru ar gyfer Cabinet mis Mawrth.

 

Rhybuddiodd y Cadeirydd Aelodau'r Pwyllgor am gyswllt cyhoeddus diweddar ynghylch cynlluniau Teithio Llesol y cyngor a phryderon penodol a ddygwyd i sylw'r pwyllgor craffu. Gwahoddodd Aelodau'r Pwyllgor i ystyried a ddylid gofyn i Aelod y Cabinet dros Wella'r Amgylchedd a Rheoli Isadeiledd i'r Pwyllgor ddod i drafodaeth a allai ganolbwyntio ar y broses ymgynghori a ddilynwyd, ac i fyfyrio ar brofiad diweddar a phryderon y cyhoedd.

 

Penderfynwyd y dylid gwahodd Aelod y Cabinet dros Wella'r Amgylchedd a Rheoli Isadeiledd i gyfarfod mis Chwefror y Pwyllgor i drafod y broses ymgynghori ar Deithio Llesol.

Cyflwynodd y Cadeirydd adroddiad ar 'Llythyrau Craffu' er gwybodaeth.

 

Penderfynwyd y dylid nodi cofnod llythyrau'r Tîm Craffu.

Nodwyd dyddiadau ac amserau cyfarfodydd nesaf paneli/gweithgorau.