Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y buddiant canlynol:

Y Cynghorydd G J Tanner - personol - Cofnod Rhif.134 - Safon Ansawdd Tai Cymru - Yr wyf yn denant y cyngor.

Yn unol â Mesur Llywodraeth Leol (Cymru) 2011, ni chafwyd unrhyw ddatganiadau o bleidleisiau chwip na chwipiau'r pleidiau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cymeradwyo cofnodion cyfarfod Pwyllgor y Rhaglen Graffu a gynhaliwyd ar 9 Ionawr 2017 fel cofnod cywir.

Cwestiynau i aelodau'r cabinet sy'n bresennol neu i gadeirydd y pwyllgor ynglŷn â'r Rhaglen Waith Craffu.

Nid oedd unrhyw gwestiynau gan y cyhoedd.

Rhoddod y Cynghorydd Andrea Lewis, Aelod y Cabinet dros Wasanaethau'r Genhedlaeth Nesaf anerchiad llafar yn dilyn yr adroddiad ysgrifenedig a ddosbarthwyd a thynnodd sylw at y canlynol:

·         Prosiect Rhagor o Gartrefi Cyngor a'i gynnydd - cyfeiriodd at yr archwiliad dichonoldeb o dir ar gyfer tai sydd ar ddod a'r angen am fwy o dai fforddiadwy. Siaradodd am yr angen i sicrhau partner datblygu ar gyfer y gallu i ehangu'r cynlluniau adeiladu tai y tu hwnt i'r prosiectau peilot.

·         Cynnydd a gwelliannau o ran Safon Ansawdd Tai Cymru

·         Gwasanaethau Masnachol a'u pwysigrwydd wrth gefnogi staff ac

            adrannau o ran cynhyrchu incwm ac effeithlonrwydd

·         Gwasanaethau Adeiladau ac Eiddo Corfforaethol a'i chyfranogaeth yn y Rhaglen Cyfalaf Addysg.

Roedd y cwestiynau a'r trafodaethau agr Aelod y Cabinet yn canolbwyntio ar y canlynol: -

·         Prosiect Rhagor o Gartrefi Cyngor

- cynnydd â'r datblygiad cyntaf yn Ffordd Milford

- clustodi cartrefi newydd

- costau

- y gallu i adeiladu tai

- dysgu gan eraill

·         Safon Ansawdd Tai Cymru – camau gweithredu’n dilyn y Gweithgor Craffu diweddar (gan gynnwys canolbwyntio ar wella ymrwymiadau â thenantiaid ac Aelodau Wardiau Lleol)

·         Prentisiaethau hyfforddiant corfforaethol - llwyddiant trwy gyflawniadau crefftwyr cymwys a chanolbwyntio ar ddatblygu sgiliau lleol.

·         Tai gwag

·         Cynnydd ar leihau'r amser ar gyfer Grantiau Cyfleusterau i'r Anabl

·         Cynnydd o ran darparu safleoedd Sipsiwn a Theithwyr 

PENDERFYNWYD y bydd Cadeirydd Pwyllgor y Rhaglen Graffu'n ysgrifennu at Aelod y Cabinet, gan adlewyrchu'r drafodaeth a rhannu barn y pwyllgor.

Cyflwynodd y Cynghorydd Sybil Crouch, Cynullydd, yr adroddiad terfynol ynglŷn â'r gwaith a wnaed o ran yr Ymchwiliad Craffu Trechu Tlodi. Roedd yr archwiliad yn canolbwyntio'n benodol ar sut gellis gwella Strategaeth Trechu Tlodi'r cyngor. Crynhodd y canfyddiadau allweddol, y casgliadau a'r argymhellion fel y'u nodir yn yr adroddiad terfynol.

Ymhlith yr argymhellion amlygodd yr angen i:

·         gynnwys y rhai sy'n profi tlodi yn y strategaeth a sefydlu Comisiwn y Gwirionedd am Dlodi yn dilyn model Leeds  

·         datblygu Cynllun Gweithredu 'cyngor cyfan' newydd

·         cynnwys cyfrifoldebau trechi dlodi penodol o fewn pob portffolio cabinet.

Cyfeiriodd y Cadeirydd at ohebiaeth a dderbyniwyd ganddi gan Aelod y Cabinet dros Wrthdlodi a Chymunedau am adroddiad terfynol yr ymchwiliad. Dilynodd trafodaeth  am gynnwys yr adroddiad ac y ddylid  ei gyflwyno i'r Cabinet am benderfyniad. Wrth wneud hynny ystyriodd y pwyllgor a gasglwyd tystiolaeth ddigonol i fynd i'r afael â'r cwestiwn yr oedd yr ymchwiliad yn ceisio’i ateb.

Nodwodd y pwyllgor fod meysydd niferus wedi'u nodi gan y panel i graffu arnynt yn y dyfodol. Nododd y cadeirydd y byddai'r awgrymiadau hyn yn cael eu bwydo i'r Gynhadledd Cynllunio Gwaith Craffu nesaf yn y flwyddyn ddinesig newydd.

Diolchodd y Cadeirydd y Cynullydd ac Aelodau'r Panel am eu gwaith.

PENDERFYNWYD:

1) y bydd adroddiad yn mynd gerbron y Cabinet am benderfyniad a

2) y darperir dolen gyswllt i'r 'Pecyn Tystiolaeth' a gyhoeddwyd gan y panel i Aelodau’r Pwyllgor.

(a)      Ysgolion (Y Cynghorydd Fiona Gordon, Cynullydd).

Darparwyd adroddiad cynnydd i'r Pwyllgor ar waith y Panel Perfformiad Ysgolion.

PENDERFYNWYD y byddai'r adroddiad yn cael ei nodi.

Trafodaeth ar y canlynol:

(a) Cynllun gwaith y pwyllgor.

(b) Cyfleoedd am graffu cyn penderfynu

(c) Cynnydd â'r paneli craffu a'r gweithgorau cyfredol.

Cyflwynodd y Cadeirydd y Rhaglen Waith Craffu ar gyfer 2016/2017 i’w adolygu.

Dywedodd y byddai cyfarfod arbennig o'r Pwyllgor  yn cael ei gynnal ar 9 Mawrth 2017 ar gyfer y sesiwn flynyddol ar droseddu ac anhrefn. Ychwanegodd, er mwyn rheoli llwyth gwaith y Pwyllgor, yr ymdrinnir â’r eitemau sefydlog arferol o ran y Rhaglen Waith a Busnes y Pwyllgor hefyd ar 9 Mawrth. Bydd hyn yn galluogi'r Pwyllgor i ganolbwyntio ar yr eitemau sydd i'w trafod yn y cyfarfod a drefnir ar gyfer 13 Mawrth. Disgwylid y byddai hyn yn cynnwys craffu cyn penderfynu o adroddiadau'r cabinet ar Sgwâr y Castell ac Adfywio Canol y Ddinas

PENDERFYNWYD y dylid nodi cynnwys yr adroddiad. 

Cyflwynodd y Cadeirydd adroddiad a oedd yn amlinellu diwygiadau arfaethedig i aelodaeth y paneli/gweithgorau craffu.

PENDERFYNWYD cymeradwyo'r diwygiadau canlynol i'r paneli/gweithgorau, fel y'u hamlinellir yn yr adroddiad:

Gweithgor Cynhwysiad Digidol

Tynnu enw’r Cynghorydd Tony Colburn

Adroddodd y Cadeirydd am gofnod llythyrau'r Tîm Craffu.

PENDERFYNWYD nodi cofnod llythyrau'r Tîm Craffu a'r wybodaeth ddiweddaraf.

Ni chynhaliwyd unrhyw ddigwyddiadau craffu'n ddiweddar.

Nid oedd dim digwyddiadau craffu ar ddod.

Nodwyd cynllun gwaith y Pwyllgor Archwilio ar gyfer 2016/2017.

Nododd y Cadeirydd ei fod yn bwriadu mynd i gyfarfod y Pwyllgor Archwilio sydd ar ddod.

Nodwyd dyddiadau ac amserau cyfarfodydd y pwyllgor ar gyfer blwyddyn ddinesig 2016-2017.

Rhoddwyd dyddiad ac amser cyfarfodydd paneli/gweithgorau sydd ar ddod, er gwybodaeth.