Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatgelwyd unrhyw fuddiannau.

Yn unol â Mesur Llywodraeth Leol (Cymru) 2011, ni chyhoeddwyd unrhyw ddatganiadau o bleidleisiau chwip na chwipiau'r pleidiau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cymeradwyo cofnodion cyfarfod Pwyllgor y Rhaglen Graffu a gynhaliwyd ar 14 Tachwedd 2016 fel cofnod cywir.

Cwestiynau i aelodau'r cabinet sy'n bresennol, neu i gadeirydd y pwyllgor, ynglŷn â'r rhaglen waith craffu.

Nid oedd unrhyw gwestiynau gan y cyhoedd.

Rhoddodd y Cynghorydd J Harris, Aelod y Cabinet dros Oedolion a Phobl Ddiamddiffyn, anerchiad agoriadol byr ar ei Phortffolio Cabinet cyn derbyn cwestiynau gan y pwyllgor, a oedd yn canolbwyntio ar y canlynol:

·       Cefnogi pobl i fyw gartref ac Asesiad o Anghenion

·       System Taliadau Uniongyrchol

·       Statws cyflogwr Taliadau Uniongyrchol a'r gofyniad i ddarparu pensiynau  gweithle 

·       Sefydlogrwydd darparwyr sector preifat a'r;

·       Gallu i ymateb i fethiant yn y farchnad

·       Deddf Gwasanaethau Cymdeithasol a Llesiant (Cymru) 2014 ac Ailasesiadau

·       Partneriaethau â'r Gwasanaeth Iechyd ac Integreiddio Iechyd a Gofal Cymdeithasol

·       Arferion gweithio Cyngor Sir Fynwy

·       Y model 4 haen gan gynnwys:

o   Darparu gwasanaethau cludiant digonol

o   Rôl sefydliadau cymunedol wrth ddod o hyd i ffactorau risg

o   Gweithgareddau yn ystod y dydd i helpu pobl i gysylltu

o   Cynnydd mewn gofal cartref a'r pwysau ar y gyllideb

·       Y potensial i greu incwm

·       Teleofal a datblygu Technoleg Gynorthwyol

·       Penderfyniadau allweddol dros y misoedd i ddod - Adolygiadau Comisiynu, datblygu ymagwedd 'Hwb' at wasanaethau dydd. 

Nododd y Cynghorydd J Harris y byddai'n darparu rhagor o wybodaeth i'r pwyllgor am:

·       ofynion pensiynau gweithle o ran Taliadau Uniongyrchol e.e. cyflogi gofalwr; a

·       thaliadau ar gyfer Teleofal/Larymau Cymunedol.

Diolchodd y cadeirydd i'r Cynghorydd J Harris am ddod i'r cyfarfod.

PENDERFYNWYD y bydd Cadeirydd Pwyllgor y Rhaglen Graffu'n ysgrifennu at Aelod y Cabinet, gan adlewyrchu'r drafodaeth a rhannu barn y pwyllgor.

a) Gwella Gwasanaethau  a Chyllid  (y Cynghorydd Chris Holley, y Cynullydd).

Rhoddodd y Cynghorydd C Holley, y Cynullydd, y diweddaraf ar y gwaith a wnaed o ran Panel Perfformiad Craffu Gwella Gwasanaethau a Chyllid. Aeth ati i grynhoi'r gweithgareddau allweddol dros y chwe mis diwethaf, gan dynnu sylw at gyfranogaeth y panel wrth graffu ar adolygiadau comisiynu, materion sy'n codi a'r effaith a gafwyd gan y panel.

Siaradodd yn arbennig am:

•         Wariant cyfalaf

•         Eglurder adroddiadau perfformiad corfforaethol i'r cyhoedd

•         Y broses adolygiadau comisiynu a'r sylfaen dystiolaeth ar gyfer opsiynau a ffefrir e.e. safbwyntiau allanol, gwerth am arian

•         Datganiadau cyllidebol

•         Arian wrth gefn

•         Adrodd am gwynion corfforaethol

•         Strategaeth ddigidol

•         Llyfrgelloedd

•         Y Gronfa Drawsnewid

CYTUNWYD i gofnodi'r wybodaeth ddiweddaraf.

Trafodaeth ar:

(a) Gynllun gwaith y pwyllgor.

(b) Cyfleoedd am graffu cyn penderfynu

(c) Cynnydd paneli craffu cyfredol a gweithgorau.

Cyflwynodd y cadeirydd y Rhaglen Waith Craffu ar gyfer 2016/17.

Darparodd yr adroddiad y canlynol i'r pwyllgor:

·       Y Rhaglen Waith Craffu bresennol;

·       Cyfleoedd am graffu cyn penderfynu;

·       Cynnydd â'r paneli craffu a'r gweithgorau cyfredol.

Nodwyd y byddai'r Panel Ymchwilio Trechu Tlodi bellach yn anelu at adrodd i gyfarfod y pwyllgor ar 13 Chwefror.

Hysbyswyd y pwyllgor y pennwyd dyddiad posib, sef 17 Ionawr, i gynnal cyfarfod arbennig er mwyn craffu cyn penderfynu ar adroddiad nesaf y Cabinet ar ddatblygu Sgwâr y Castell.  Roedd hyn yn amodol ar gyhoeddi adroddiad y Cabinet yn ei agenda ar gyfer 19 Ionawr.

Cadarnhaodd y Cadeirydd mai gweithgor 'Cynhwysiad Digidol' fyddai'r un nesaf a fyddai'n cael ei sefydlu.

Nododd y Cadeirydd hefyd fod y tîm craffu wedi derbyn adborth cadarnhaol ar gyfer y gefnogaeth a ddarparwyd ganddynt i Grŵp Cynghorwyr Craffu ERW. Cynhelir y Cyfarfod Craffu Rhanbarthol nesaf ar 27 Chwefror 2017.

Amlygodd y Cydlynydd Craffu y cafwyd mwy o sylw gan y cyfryngau drwy'r wasg leol eleni, a chyfeiriodd at hyn fel un o'r canlyniadau gwella ar gyfer y maes craffu. Rhoddodd enghreifftiau o straeon sydd wedi deillio o'r Adroddiadau Craffu.  

PENDERFYNWYD nodi cynnwys yr adroddiad.

Cyflwynodd y Cadeirydd adroddiad a oedd yn amlinellu diwygiadau arfaethedig i aelodaeth y paneli/gweithgorau craffu.

PENDERFYNWYD cymeradwyo'r diwygiadau canlynol i'r paneli/grwpiau, fel y'u hamlinellir yn yr adroddiad:

•         Panel Perfformiad Ysgolion - tynnu enw'r Cyng. Tony Colburn

•         Gweithgor Tai Amlfeddiannaeth - tynnu enw'r Cyng. Wendy Fitzgerald

•         Ymchwiliad Partneriaethau a Chydweithio  – tynnu enw'r Cyng. David Cole.

Adroddodd y cadeirydd am gofnod llythyrau'r Tîm Craffu. Adroddwyd am yr ohebiaeth a gafwyd oddi wrth Panel y Bwrdd Gwasanaethau Cyhoeddus.

PENDERFYNWYD y dylid NODI cofnod llythyrau'r Tîm Craffu.

Ni chynhaliwyd unrhyw ddigwyddiadau craffu'n ddiweddar.

Nid oedd dim digwyddiadau craffu ar ddod.

NODWYD cynllun gwaith y Pwyllgor Archwilio ar gyfer 2016/2017.

NODWYD dyddiadau ac amserau cyfarfodydd y pwyllgor ar gyfer blwyddyn ddinesig 2016-2017.

Rhoddwyd dyddiad ac amser cyfarfodydd paneli/gweithgorau sydd ar ddod, er gwybodaeth.