Agenda a Chofnodion

www.abertawe.gov.uk/DatgeluCysylltiadau

Rhoddodd y Prif Swyddog Cyfreithiol gyngor ynghylch cysylltiadau personol a rhagfarnol posib cynghorwyr a swyddogion ag eitemau ar yr agenda.

Atgoffodd Pennaeth y Gwasanaethau Democrataidd gynghorwyr a swyddogion y dylid llenwi'r daflen "Datgeliadau o gysylltiadau personol a rhagfarnol" os oes gan y cynghorydd/swyddog gysylltiad i'w ddatgan yn unig. Nid oes angen dychwelyd ffurflenni os nad oes unrhyw beth i'w ddatgan. Hysbyswyd Cynghorwyr a Swyddogion hefyd y dylid datgan unrhyw gysylltiad ar lafar ac yn ysgrifenedig ar y daflen.

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

1)        Datganodd y Cynghorydd C A Holley gysylltiad personol â Chofnod 149 "Ethol Arglwydd Faer ar gyfer Blwyddyn Ddinesig 2022-2023" a Chofnod 150 "Ethol Dirprwy Arglwydd Faer ar gyfer Blwyddyn Ddinesig 2022-2023".

Penderfynwyd ar gynnig y Cynghorydd C L Philpott, wedi'i eilio gan y Cynghorydd C A Holley, y dylid ethol y Cynghorydd A Mike Day yn Arglwydd Faer Dinas a Sir Abertawe ar gyfer Blwyddyn Ddinesig 2022-2023.

Yna llofnododd yr Arglwydd Faer ddatganiad yn derbyn y swydd.

Bu'r Cynghorydd A M Day (Arglwydd Faer) yn llywyddu

Penderfynwyd ar gynnig y Cynghorydd C A Holley, wedi'i eilio gan y Cynghorydd P M Black, y dylid ethol y Cynghorydd L Graham Thomas yn Ddirprwy Arglwydd Faer Dinas a Sir Abertawe ar gyfer Blwyddyn Ddinesig 2022-2023.

Yna llofnododd y Dirprwy Arglwydd Faer ddatganiad yn derbyn y swydd.