Agenda a Chofnodion
Lleoliad: Siambr y Cyngor - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd - 636824
Rhif | Eitem | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Datgeliadau o fuddiannau personol a rhagfarnol. Cofnodion: Rhoddodd y Prif Swyddog Cyfreithiol gyngor ynghylch y cysylltiadau personol
a rhagfarnol posib y gallai fod gan gynghorwyr a
swyddogion ag eitemau ar yr agenda. Atgoffodd Pennaeth y Gwasanaethau Democrataidd gynghorwyr a swyddogion y dylid
llenwi'r daflen "Datgeliadau o fuddiannau personol a rhagfarnol"
os oes gan y cynghorydd/swyddog fudd i'w ddatgan yn unig. Nid oes angen
dychwelyd ffurflenni os nad oes unrhyw beth i'w ddatgan. Hysbyswyd cynghorwyr a
swyddogion hefyd y dylid datgan unrhyw fudd ar lafar ac yn ysgrifenedig ar y
daflen. Yn unol â darpariaethau'r Côd Ymddygiad a
fabwysiadwyd gan Ddinas a Sir Abertawe, datganwyd y buddiannau canlynol: 1)
Datganodd y Cynghorydd T J
Hennegan gysylltiad personol â Chofnod 72 - “Polisi Cydymffurfio Diweddaredig Safon Ansawdd Tai Cymru"; 2)
Datganodd y Cynghorwyr P M
Black, J E Burtonshaw, A M Day, C R Doyle, M Durke, C R Evans, V M Evans, W
Evans, E W Fitzgerald, S J Gallagher, L S Gibbard, F M Gordon, K M Griffiths, T
J Hennegan, C A Holley, P R Hood-Williams, B Hopkins, D H Hopkins, O G James, L
James, J W Jones, L R Jones, M H Jones, P K Jones, S M Jones, E J King, M A
Langstone, A S Lewis, M B Lewis, R D Lewis, W G Lewis, C E Lloyd, P Lloyd, P M
Matthews, P N May, D Phillips, C L Philpott, S Pritchard, A Pugh, J A Raynor, C
Richards, B J Rowlands, M Sherwood, P B Smith, R V Smith, A H Stevens, R C
Stewart, D G Sullivan, M Sykes, D W W Thomas, L G
Thomas, M Thomas, W G Thomas, L J Tyler-Lloyd, L V Walton a T M White
gysylltiad personol â Chofnod 74 "Adolygiad Comisiwn Ffiniau a
Democratiaeth Leol Cymru o Drefniadau Etholiadol ar gyfer Dinas a Sir
Abertawe". Swyddogion 1)
Datganodd Pennaeth y
Gwasanaethau Democrataidd, H G Evans, gysylltiad personol a rhagfarnol
â Chofnod 75 "Penodi Dirprwy Swyddog Canlyniadau 'Sefydlog' a Dirprwy
Swyddog Cofrestru Etholiadol" a gadawodd y cyfarfod cyn y drafodaeth. |
|||||||||||||||||||||||
Cymeradwyo a llofnodi cofnodion y cyfarfod(ydd) blaenorol fel cofnod Cofnodion: Penderfynwyd cymeradwyo'r cofnodion canlynol a'u llofnodi fel cofnod cywir: 1)
Cyfarfod cyffredin y cyngor a
gynhaliwyd ar 29 Awst 2019 yn amodol ar y diwygiad canlynol mewn perthynas â
Chofnod 59 "Rhybudd o Gynnig - Gohirio'r Senedd": Mae gwall argraffyddol yn y nodyn ar frig tudalen 7. Dileu'r gair "withdrawn" a rhoi "withdrew"
yn ei le. |
|||||||||||||||||||||||
Dogfennau ychwanegol: Cofnodion: Cyflwynodd y Prif
Swyddog Cyfreithiol adroddiad gwybodaeth a oedd yn nodi'r ymatebion
ysgrifenedig i gwestiynau a ofynnwyd yn y cyfarfod cyffredin diwethaf o'r
cyngor. |
|||||||||||||||||||||||
Cyhoeddiadau'r Aelod Llywyddol. Cofnodion: 1)
Cydymdeimladau a)
Yr Henadur Anrhydeddus
Byron G Owen - Cydymdeimladau Mynegodd yr Aelod
Llywyddol ei dristwch wrth gyfeirio at farwolaeth ddiweddar yr Henadur
Anrhydeddus Byron G Owen. Roedd Byron yn cyn-Gynghorydd, yn gyn-Aelod y Cabinet
ac yn gyn-Faer. Bu'n gwasanaethu cymunedau Mynydd-bach a Phenderi
am bron 36 o flynyddoedd a bu'n Arglwydd Faer Dinas Abertawe ar gyfer blwyddyn
ddinesig 1991-1992. Roedd ei gyfnodau o wasanaethu'n cynnwys: Ø Cyngor Dinas Abertawe 10 Mai 1973 tan 5 Mai 1976; Ø Cyngor Dinas Abertawe 3 Mai 1979 tan 31 Mawrth 1996; Ø Dinas a Sir Abertawe 4 Mai 1995 tan 10 Mehefin 2004; Ø Dinas a Sir Abertawe 1 Mai 2008 tan 18 Mawrth 2016. b)
Y Cyn-Gynghorydd John B
Hague - Cydymdeimladau Mynegodd yr Aelod
Llywyddol ei dristwch wrth gyfeirio at farwolaeth ddiweddar y cyn-Gynghorydd
John B Hague. Roedd John yn gyn-Gynghorydd, yn gyn-Aelod y Cabinet ac yn
gyn-Ddirprwy Arweinydd y Cyngor, a bu'n gwasanaethu cymuned Bôn-y-maen am bron
16 o flynyddoedd. Roedd ei gyfnodau o wasanaeth yn cynnwys: Ø Dinas a Sir Abertawe 6 Mehefin 1996 tan 3 Mai 2012. c)
Y Cyn-Arglwydd Faeres Elaine Francis-Davies - Cydymdeimladau Mynegodd yr Aelod Llywyddol ei dristwch wrth gyfeirio at farwolaeth
ddiweddar y cyn-Arglwydd Faeres Elaine
Francis-Davies. Roedd Elaine yn Arglwydd Faeres yn
2001-2002 ac yn gyn-wraig y Cynghorydd Robert Francis-Davies. ch) Josh Gardener Mynegodd yr Aelod
Llywyddol ei dristwch wrth gyfeirio at farwolaeth ddiweddar Josh Gardener, diffoddwr tân a oedd yn gweithio i Wasanaeth Tân
ac Achub Canolbarth a Gorllewin Cymru a fu farw yn ystod sesiwn hyfforddiant
pan wrthdarodd dau gwch ym Moryd Cleddau, Sir Benfro, ar 17 Medi 2019. Safodd pawb i ddangos cydymdeimlad a pharch. 2)
Ffilmio, Recordio a Thynnu
Lluniau yn ystod Cyfarfodydd y Cyngor O dan Bolisi "Ffilmio, Recordio a Thynnu Lluniau yn ystod
Cyfarfodydd y Cyngor" yr Awdurdod (a fabwysiadwyd ar 24 Tachwedd 2011),
dywedodd yr Aelod Llywyddol ei fod wedi caniatáu criw ffilmio o Amazon News Media i ffilmio Cyfarfod
y Cyngor. 3)
Gwobrau
Buddsoddiadau Cronfeydd Pensiwn Awdurdodau Lleol (CPALl)
2019 Dywedodd yr Aelod
Llywyddol fod Cronfa Bensiwn Dinas a Sir Abertawe wedi ennill y Wobr Ymagwedd
Orau at Fuddsoddi'n Gynaliadwy yn ystod digwyddiad Gwobrau Buddsoddiadau CPALl 2019. Sefydlwyd Gwobrau
Buddsoddiadau CPALl yn 2015 er mwyn dathlu cyflawniad
eithriadol yng Nghynlluniau Pensiwn Llywodraethau Lleol (LGPS). Dros y
blynyddoedd, ystyriwyd bod gwobr gan Wobrau Buddsoddiadau CPALl
yn nodi rhagoriaeth ym maes darpariaeth pensiynau yn yr LGPS. Aeth ati i longyfarch y
Cynghorydd C E Lloyd, Jeff Dong, Karen Cobb, y Tîm Pensiynau ac Ymgynghorwyr yr
Awdurdod, Hymans Robertson, ac yn arbennig William
Marshall am eu gwaith. 4)
Gwobrau GIG Cymru 2019 Dywedodd yr Aelod
Llywyddol fod Tîm Plant sy'n derbyn Gofal Sylfaenol a Lles Teuluoedd Bae
Abertawe wedi ennill y categori Gwella Iechyd a Lles yn ystod Gwobrau GIG Cymru
2019. Cydnabuwyd y bartneriaeth â Bwrdd Iechyd Prifysgol Bae Abertawe a Chyngor
Abertawe am eu gwaith i leihau effaith profiadau niweidiol yn ystod plentyndod
yn ward Penderi, sy'n cynnwys rhai o'r ardaloedd mwyaf difreintiedig yn y ddinas. Mae Gwobrau GIG Cymru
yn arddangosfa genedlaethol ar gyfer rhagoriaeth ac maent yn dathlu arfer da
wrth ddarparu gofal cleifion gwell, o safon ledled Cymru. Lansiwyd y Gwobrau yn
2008 i ddathlu pen-blwydd y GIG yn 60 oed. Mae Gwobrau GIG Cymru'n agored i
Dimau a Sefydliadau, a'u nod yw datgelu, cydnabod a dathlu arfer da sydd wedi
helpu i drawsffurfio gofal cleifion. Llongyfarchodd bawb a
fu'n rhan o hyn. 5)
Gwobrau Stryd Fawr Orau
Prydain 2019 Mae
Stryd Fawr Abertawe'n arwain ymwelwyr i ganol y
ddinas. Mae Stryd Fawr Abertawe'n cymryd camau mawr
ymlaen i adfywio a diogelu'r stryd fawr ar gyfer y dyfodol a'r blynyddoedd i
ddod. Yn dilyn buddsoddiad gwerth £25 miliwn bydd Pentref Trefol Abertawe'n ehangu'r Stryd Fawr gyda siopau, busnesau a
chartrefi newydd. Fel rhan o'r Pentref Trefol, mae Technoleg Abertawe'n darparu lle i 20 busnes digidol newydd ac maent
yn cyflogi dros 300 o bobl. Mae cynlluniau hefyd ar waith i adeiladu dau floc
newydd o fflatiau i fyfyrwyr er mwyn lletya mwy na 1,300 o fyfyrwyr. Mae'r
arwerthiant cist car wythnosol yn ogystal â'r theatr a'r oriel yn denu
amrywiaeth eang o bobl i'r Stryd Fawr. Mae gwasanaeth cwsmeriaid gwych yn nodweddiadol
o'r Stryd Fawr gan fod pedwar busnes wedi ennill Gwobr Cam Ymhellach BID
Abertawe. Dywedodd yr Aelod
Llywyddol ei fod wrth ei fodd i gyhoeddi bod Stryd Fawr Abertawe wedi cyrraedd
rownd derfynol Gwobrau Stryd Fawr Orau Prydain 2019 yn dilyn ymweliad gan y
beirniaid yr wythnos diwethaf. Dilynwch y ddolen os hoffech bleidleisio dros
Stryd Fawr Abertawe https://thegreatbritishhighstreet.co.uk/high-street-of-the-year-awards/champion-finalist-swansea 6)
Ironman Cymru 2019 - Huw Evans, Pennaeth y Gwasanaethau Democrataidd Llongyfarchodd yr Aelod
Llywyddol Huw Evans, Pennaeth y Gwasanaethau Democrataidd, am gwblhau Ironman Cymru yn Ninbych-y-Pysgod, Sir Benfro ar 15 Medi
2019. Llwyddodd Huw i nofio 2.4 milltir, beicio 112 milltir ac yna rhedeg
marathon llawn 26.2 milltir o fewn 14 awr, 22 munud a 5 eiliad. Cafodd llwyddiant Huw
ei gymeradwyo gan Arweinydd y Cyngor a'r Cynghorwyr. 7)
Cywiriadau/Diwygiadau i
Wŷs y Cyngor Eitem 11 “Adolygiad
Comisiwn Ffiniau a Democratiaeth Leol Cymru o Drefniadau Etholiadol ar gyfer
Dinas a Sir Abertawe". Cyfeiriodd yr Aelod
Llywyddol at dudalen 73, Tabl 2 dan ddweud bod y llinell sy'n ymwneud â
"Dynfant a De Cilâ" yn cynnwys gwall argraffyddol. Roedd colofn 2 yn
ymwneud â'r enw "Arfaethedig Cymraeg" ar gyfer Dynfant a De Cilâ gan
Gomisiwn Ffiniau a Democratiaeth Leol Cymru. Mae'r cofnod printiedig yn nodi
"Dyfnant a De Cilâ" sef yr hyn y mae'r adroddiad yn ei gynnig, ond
dylai ddarllen “Dynfant a De Cilâ” gan mai dyma a awgrymir gan Gomisiwn
Ffiniau a Democratiaeth Leol Cymru (LDBCW). |
|||||||||||||||||||||||
Cyhoeddiadau Arweinydd y Cyngor. Cofnodion: 1)
Caffael Theatr y Palace, Stryd Fawr, Abertawe Cyfeiriodd
Arweinydd y Cyngor at benderfyniad diweddar y Cabinet i gaffael Theatr y Palace, Abertawe. Dywedodd ei fod yn adeilad rhestredig
Gradd II, sy'n adnabyddus am ei siâp lletem nodedig. Dyma'r theatr hynaf yng
Nghymru sy'n goroesi. Byddai Theatr y Palace yn
cael ei adnewyddu'n llwyr ac yn cael ei defnyddio fel gweithle. Diolchodd
i Paul Relf a'r Cynghorydd Robert Francis-Davies am eu gwaith caled wrth
gaffael yr adeilad. 2)
Diwygiadau i
Bortffolios y Cabinet Dywedodd
Arweinydd y Cyngor ei fod wedi gwneud diwygiadau i Bortffolios y Cabinet a fydd
yn weithredol o 1 Hydref 2019. Cylchredwyd taflen a oedd yn amlinellu'r
newidiadau a chaiff y Portffolios newydd eu gosod yng Nghyfansoddiad y Cyngor. Mae'r newidiadau'n
cynnwys y Cynghorydd C E Lloyd yn camu i lawr o'i swydd fel Dirprwy Arweinydd y
Cyngor am resymau personol. Trefniant dros dro yw hwn hyd nes y clywir yn
wahanol. Bydd y Cynghorwyr D H Hopkins ac A S Lewis yn ymgymryd â Rôl Dirprwy
Arweinydd y Cyngor ar y cyd dros dro. Newidiwyd teitlau
Portffolio'r Cabinet y Cynghorwyr D H Hopkins, C E Lloyd ac A S Lewis hefyd a
rhannwyd rhai o gyfrifoldebau Portffolio'r Cabinet rhwng y 3 Chynghorydd gan
ychwanegu rhai ychwanegol. Mae'r tabl yn nodi
Portffolios y Cabinet a'r Cynghorwyr perthnasol o 1 Hydref 2019:
|
|||||||||||||||||||||||
Cwestiynau gan y Cyhoedd. Rhaid i'r cwestiynau ymwneud â materion ar ran
agored agenda'r cyfarfod, ac ymdrinnir â hwy o fewn 10 munud. Cofnodion: Gofynnwyd sawl cwestiwn gan aelodau'r cyhoedd.
Ymatebodd aelod(au) perthnasol y Cabinet. Rhestrir y cwestiynau hynny a oedd yn gofyn am
ymateb ysgrifenedig isod: a)
Gofynnodd Sue Lyle y
cwestiwn canlynol mewn perthynas â Chofnod 72 "Polisi Cydymffurfio Diweddaredig Safon Ansawdd Tai Cymru": "Gan
ystyried bod tai yn defnyddio 30% o'r holl ynni tanwydd ffosil, ac mae pob
ffaith sydd gennym am yr hinsawdd yn dangos bod angen gweithredu ar frys, pryd
caiff yr holl dai yn y sector cyhoeddus eu hôl-osod er mwyn lleihau allyriadau
carbon a fydd hefyd yn helpu i frwydro yn erbyn tlodi tanwydd ac yn hybu'r
economi werdd?" Dywedodd Aelod y
Cabinet dros Gartrefi ac Ynni y byddai ymateb ysgrifenedig yn cael ei ddarparu. b)
Gofynnodd Peter
Anderson y cwestiwn canlynol mewn perthynas â Chofnod 78 "Newidiadau i'r
cyfansoddiad": "O gofio bod Newid yn yr Hinsawdd bellach yn
rhan o gylch gorchwyl Pwyllgor Datblygu Polisi Cydraddoldebau
a Chenedlaethau'r Dyfodol, oes modd i rywun esbonio - beth yw prif
flaenoriaethau'r cyngor ar gyfer mynd i'r afael â newid yn yr hinsawdd er mwyn
diwallu anghenion cenedlaethau'r dyfodol a pha gynlluniau sydd ar y gweill i'w
rhoi ar waith?" Dywedodd Arweinydd y
Cyngor y darperir ymateb ysgrifenedig. |
|||||||||||||||||||||||
Cyflwyniad - Dim un Cofnodion: Ni dderbyniwyd cyflwyniad. |
|||||||||||||||||||||||
Polisi Cydymffurfio â Safon Ansawdd Tai Cymru wedi'i ddiweddaru. PDF 309 KB Dogfennau ychwanegol:
Cofnodion: Cyflwynodd Aelod y Cabinet dros Gartrefi ac Ynni
gyflwyniad a oedd yn ceisio diweddaru Polisi Cydymffurfio Safon Ansawdd Tai
Cymru sydd eisoes yn bodoli, a gymeradwywyd yn wreiddiol gan y cyngor yn 2016. Penderfynwyd y byddai'r adroddiad yn
cael ei gymeradwyo. |
|||||||||||||||||||||||
Cynnydd tuag at fodloni Safon Ansawdd Tai Cymru. PDF 403 KB Dogfennau ychwanegol: Cofnodion: Cyflwynodd Aelod y Cabinet dros Gartrefi ac Ynni
adroddiad gwybodaeth yn unig a oedd yn cynnwys y diweddaraf am gynnydd wrth
gyflawni Safon Ansawdd Tai Cymru ar eiddo a berchnogir gan y cyngor hyd at 31
Mawrth 2019. Sylwer: Cyfeiriodd y Cynghorydd P M Black at Baragraff 5.8
yr adroddiad a gofynnodd am ddadansoddiad o'r rhesymau dros y 4,734 eiddo o
fewn Methiant Derbyniol o ran Sgôr Ynni. Dywedodd Aelod y Cabinet dros Gartrefi ac Ynni y
byddai ymateb ysgrifenedig yn cael ei ddarparu. |
|||||||||||||||||||||||
Cofnodion: Cyflwynodd y Swyddog Canlyniadau a
Phennaeth y Gwasanaethau Democrataidd adroddiad ar y cyd, a oedd yn darparu
ymateb i Gynigion Drafft Comisiwn Ffiniau a Democratiaeth Leol Cymru mewn
perthynas â'u Hadolygiad o'r Trefniadau Etholiadol ar gyfer Dinas a Sir
Abertawe. Dywedodd Pennaeth y Gwasanaethau
Democrataidd fod yr adroddiad hwn wedi cael ei ystyried gan Weithgor y
Cyfansoddiad ar 4 Medi 2019. Cynghorodd y grŵp hwnnw y dylai'r cyngor
gymeradwyo'r adroddiad i'w gyflwyno fel rhan o'r cyfnod ymgynghori. Dywedodd y grŵp wrth Bennaeth y
Gwasanaethau Democrataidd i sicrhau bod gan yr holl Wardiau Etholiadol a'r
Wardiau Cymunedol enw Cymraeg neu ddwyieithog. Amlinellwyd yr enwau arfaethedig
a'r ceisiadau am enwau arfaethedig yn Atodiadau B ac C yr adroddiad. Penderfynwyd: 1)
Cymeradwyo'r ymateb i'r
Cynigion Drafft fel y nodwyd ym Mharagraff 5 yr adroddiad a'u hanfon i Gomisiwn
Ffiniau a Democratiaeth Leol Cymru; 2)
Argymell yr enwau Cymraeg ar gyfer y Wardiau Etholiadol
fel a awgrymwyd gan yr Awdurdod hwn a'u nodi yn Atodiad B yr adroddiad i
Gomisiynydd y Gymraeg er mwyn eu gosod ar "Restr Enwau Lleoedd Safonol
Cymru"; 3)
Gofyn i Gomisiynydd y Gymraeg ailystyried y defnydd o
"Dynfant" fel ffurf Cymraeg "Dunvant" er mwyn i
"Dyfnant" gael ei ddefnyddio fel yr enw safonol ffurfiol; 4)
Argymell yr enwau Cymraeg ar gyfer y Wardiau Cymunedol
fel yr awgrymwyd gan yr Awdurdod hwn a'u nodi yn Atodiad C yr adroddiad
i Gomisiynydd y Gymraeg er mwyn eu gosod ar "Restr Enwau Lleoedd Safonol
Cymru"; 5)
Gofyn i Gomisiynydd y Gymraeg
ystyried enwau Wardiau Cymunedol Cymraeg neu ddwyieithog addas ar gyfer y
Wardiau Cymunedol hynny fel y'u hamlinellir yn Atodiad C yr adroddiad. Sylwer: Gofynnodd y Cynghorydd J W Jones ein bod yn nodi
er iddo gefnogi y rhan fwyaf o'r adroddiad nad oedd yn cefnogi'r argymhellion
mewn perthynas â Dyfnant a De Cilâ. |
|||||||||||||||||||||||
Penodi Dirprwy Swyddog Canlyniadau 'Sefydlog' a Dirprwy Swyddog Cofrestru Etholiadol. PDF 227 KB Cofnodion: Cyflwynodd y Swyddog Canlyniadau adroddiad a oedd
yn ceisio penodi Pennaeth y Gwasanaethau Democrataidd, Huw Evans, yn Ddirprwy
Swyddog Canlyniadau Sefydlog yn unol ag arfer da a'i benodi hefyd yn Ddirprwy
Swyddog Cofrestru Etholiadol. Penderfynwyd: 1)
Penodi Pennaeth y Gwasanaethau Democrataidd, Huw Evans yn
Ddirprwy Swyddog Canlyniadau Parhaol er mwyn cyflawni holl swyddogaethau'r Swyddog
Canlyniadau a gyflawnir ar hyn o bryd gan y Prif Weithredwr; 2)
Caiff Pennaeth y Gwasanaethau Democrataidd ei benodi'n
Ddirprwy Swyddog Cofrestru Etholiadol i gyflawni holl swyddogaethau'r Swyddog
Cofrestru Etholiadol a gyflawnir ar hyn o bryd gan y Prif Weithredwr; 3)
Gwneud unrhyw newidiadau canlyniadol i Gyfansoddiad y
Cyngor. |
|||||||||||||||||||||||
Dinas-ranbarth Bae Abertawe - Diwygiadau i Gytundeb y Cyd-bwyllgor PDF 155 KB Dogfennau ychwanegol:
Cofnodion: Cyflwynodd Arweinydd y Cyngor adroddiad a oedd yn
ceisio cymeradwyaeth ar gyfer y diwygiadau yng Nghytundeb Cyd-bwyllgor
Dinas-ranbarth Bae Abertawe. Penderfynwyd: 1)
Cytuno ar y diwygiadau yng Nghytundeb Cyd-bwyllgor
Dinas-ranbarth Bae Abertawe fel a amlinellir yn Atodiad B yr adroddiad; 2)
Awdurdodi'r Prif Swyddog
Cyfreithiol/Swyddog Monitro i ymrwymo i weithred amrywio i gyflawni'r
newidiadau i Gytundeb y Cyd-bwyllgor a rhoi awdurdod dirprwyedig i'r Prif
Weithredwr mewn ymgynghoriad ag Arweinydd y Cyngor i wneud unrhyw fân
ddiwygiadau i'r cytundeb yn ôl yr angen ac fel a gytunwyd rhwng yr Awdurdodau
Partner. |
|||||||||||||||||||||||
Adroddiad Blynyddol Rheoli'r Trysorlys 2018/19. PDF 623 KB Cofnodion: Cyflwynodd
y Swyddog 151 adroddiad gwybodaeth a oedd yn manylu ar weithgareddau Rheoli
Trysorlys y cyngor yn ystod 2018-2019 ac yn cymharu perfformiad gwirioneddol yn
erbyn y strategaeth a luniwyd ar ddechrau'r flwyddyn. |
|||||||||||||||||||||||
Newidiadau i'r Cyfansoddiad. PDF 222 KB Cofnodion: Cyflwynodd yr Aelod Llywyddol, y Swyddog Monitro a Phennaeth y Gwasanaethau
Democrataidd adroddiad ar y cyd yn ceisio diwygiad i Gyfansoddiad y Cyngor er
mwyn ei symleiddio, ei wella a/neu ychwanegu ato mewn perthynas â'r meysydd
canlynol: a)
Rhan
3 "Cyfrifoldeb am Swyddogaethau" - "Pwyllgorau Datblygu Polisi -
Cylch Gorchwyl". Penderfynwyd: 1)
Diwygio'r chweched cylch gorchwyl i ddarllen fel a
ganlyn: “vi) Datblygu
blaenoriaethau corfforaethol y cyngor mewn perthynas â Chydraddoldebau
a Chenedlaethau'r Dyfodol, gan gynnwys Newid yn yr Hinsawdd.” |
|||||||||||||||||||||||
Aelodaeth Pwyllgorau. PDF 117 KB Cofnodion: Cyflwynodd Aelod y Cabinet dros Drawsnewid Busnes a
Pherfformiad adroddiad a oedd yn ceisio cymeradwyaeth y cyngor ar gyfer yr
enwebiadau/diwygiadau i aelodaeth cyrff y cyngor. Cyfeiriodd at yr adroddiad gan nodi bod Arweinydd y
Cyngor hefyd wedi gwneud y newidiadau canlynol i gyrff allanol yr awdurdod: 1)
Cyngor Iechyd Cymuned Bae Abertawe Tynnu enwau'r Cynghorwyr H M Morris ac M Sykes. Ychwanegu'r Cynghorwyr V M Evans a P B Smith. Penderfynwyd y dylid diwygio aelodaeth cyrff y
cyngor a restrir isod fel a ganlyn: 1)
Pwyllgor Datblygu
Polisi Cydraddoldebau a Chenedlaethau'r Dyfodol Tynnu Swydd Wag y
Ceidwadwyr. Ychwanegu'r Cynghorydd
D W Helliwell. 2)
Pwyllgor Cynllunio Tynnu enw'r Cynghorydd S M Jones. Ychwanegu'r Cynghorydd M H Jones. 3)
Pwyllgor Datblygu
Polisi Lleihau Tlodi Tynnu enwau'r Cynghorwyr D W Helliwell ac L R
Jones. Ychwanegu Swyddi Gwag y Ceidwadwyr. |
|||||||||||||||||||||||
Cwestiynau gan y Cynghorwyr. PDF 529 KB Cofnodion: 1)
"Cwestiynau Atodol"
Rhan A Cyflwynwyd
(11) 'Cwestiwn Atodol' Rhan A. Ymatebodd Aelod(au)
perthnasol y Cabinet ar ffurf atebion ysgrifenedig a gynhwyswyd yng Ngwŷs
y Cyngor. Dangosir
y cwestiwn(cwestiynau) atodol hwnnw(hynny) yr oedd angen ymateb ysgrifenedig
arno(arnynt) isod: Cwestiwn 3 Gofynnodd
E W Fitzgerald i Aelod perthnasol y Cabinet: "Ydych chi'n ymwybodol o'r pryderon sy'n ymwneud â'r Comisiwn
Rhyngwladol ar Amddiffyn rhag Ymbelydredd nad yw'n ïoneiddio (ICNIRP) a'r
pryderon sy'n ymwneud â'r ffaith mai nhw sydd wedi darparu'r arweiniad?" Dywedodd
Aelod y Cabinet dros Reoli'r Amgylchedd ac Isadeiledd y byddai ymateb
ysgrifenedig yn cael ei ddarparu. 2)
‘Cwestiynau nad oes angen
Cwestiynau Atodol ar eu cyfer' Rhan B Cyflwynwyd
5 'Cwestiwn Rhan B nad oes angen Cwestiynau Atodol ar eu cyfer'. |