Agenda a Chofnodion

www.abertawe.gov.uk/DatgeliadauBuddiannau

Rhoddodd Pennaeth Gwasanaethau Cyfreithiol, Democrataidd a Deallusrwydd Busnes gyngor ynghylch y buddiannau personol a rhagfarnol posib y gallai cynghorwyr a swyddogion eu cael mewn eitemau ar yr agenda.

Atgoffodd Pennaeth y Gwasanaethau Cyfreithiol Democrataidd a Deallusrwydd Busnes gynghorwyr a swyddogion y dylid ond llenwi'r daflen "Datgeliadau o fuddiannau personol a rhagfarnol" os oes gan y cynghorydd/swyddog fudd i'w ddatgan. Nid oedd angen dychwelyd ffurflenni os nad oedd unrhyw beth i'w ddatgan. Hysbyswyd cynghorwyr a swyddogion hefyd y dylid datgan unrhyw fudd ar lafar ac yn ysgrifenedig ar y daflen.

Yn unol â darpariaethau Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

1)   Datganodd y Cynghorwyr C Anderson, P M Black, J E Burtonshaw, M C Child, J P Curtice, A M Day, P Downing, V M Evans, M Durke, E W Fitzgerald, R Francis-Davies, W Evans, S J Gallagher, L S Gibbard, K M Griffiths, J A Hale, D W Helliwell, C A Holley, P R Hood-Williams, D H Hopkins, L James, O G James, J W Jones, L R Jones, S M Jones, E J King, M A Langstone, A S Lewis, M B Lewis, W G Lewis, C E Lloyd, P Lloyd, P M Matthews, P N May, S Pritchard, J A Raynor, B J Rowlands, M Sherwood, A H Stevens, R C Stewart, M Sykes, D W W Thomas, M Thomas, W G Thomas, L J Tyler-Lloyd, L V Walton a T M White fudd personol yng Nghofnod 35 “Penodi Prif Weithredwr”;

2)   Datganodd y Swyddogion G Borsden, H Evans, A Lowe, T Meredith, B Smith a S Rees fudd personol yng Nghofnod 35 “Penodi Prif Weithredwr”;

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitem fusnes/eitemau busnes a nodwyd yn argymhellion yr adroddiad ar y sail ei fod yn debygol o ddatgelu gwybodaeth eithriedig fel y nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes/eitemau busnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFFYNWYD y dylid gwahardd y cyhoedd ar gyfer yr eitemau busnes canlynol.

(SESIWN GAEËDIG)

Rhoddwyd trosolwg byr o'r Broses Recriwtio a Dethol gan Bennaeth Adnoddau Dynol.

PENDERFYNWYD y byddai'r hyfforddiant yn cael ei nodi.

Datganodd Pennaeth Adnoddau Dynol fod y Pwyllgor Penodiadau wedi cyfweld â dau ymgeisydd ar gyfer rôl y Prif Weithredwr yn ei gyfarfod yn gynharach yn y dydd.  Argymhellodd y Pwyllgor Penodiadau fod un ymgeisydd yn unig yn cael cyfweliad gan y cyngor.

Rhoddodd yr ymgeisydd gyflwyniad 10 munud ac atebodd nifer o gwestiynau a baratowyd ymlaen llaw.

PENDERFYNWYD y byddai Phil Roberts yn cael ei benodi'n Brif Weithredwr.