Agenda, decisions and minutes

www.abertawe.gov.uk/DatgeluCysylltiadau

Dim

Rhoddodd y Prif Swyddog Cyfreithiol gyngor ynghylch y buddiannau personol a rhagfarnol posib a all fod gan gynghorwyr a/neu swyddogion ar yr agenda.

Atgoffodd Pennaeth y Gwasanaethau Democrataidd gynghorwyr a swyddogion y dylid llenwi'r daflen "Datgeliadau o fuddiannau personol a rhagfarnol" dim ond os oes gan y cynghorydd/swyddog fudd i'w ddatgan. Nid oes angen dychwelyd ffurflenni os nad oes unrhyw beth i'w ddatgan. Hysbyswyd cynghorwyr a swyddogion hefyd y dylid datgan unrhyw fudd ar lafar ac yn ysgrifenedig ar y daflen.

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Cymeradwywyd

Penderfynwyd cymeradwyo'r cofnodion canlynol a'u llofnodi fel cofnod cywir:

1)             Cyfarfod cyffredin y cyngor a gynhaliwyd ar 9 Tachwedd 2023.

Er Gwybodaeth

Cyflwynodd y Prif Swyddog Cyfreithiol adroddiad gwybodaeth a oedd yn nodi'r ymatebion ysgrifenedig i gwestiynau a ofynnwyd yn y cyfarfod cyffredin diwethaf o'r cyngor.

Er Gwybodaeth

a)             Cydymdeimladau

i)              Huw Mowbray - Rheolwr Strategol Datblygu ac Adfywio Ffisegol

Cyfeiriodd yr Aelod Llywyddol gyda thristwch at farwolaeth ddiweddar Huw Mowbray. Huw oedd Rheolwr Strategol Datblygu ac Adfywio Ffisegol y cyngor. Roedd Huw yn gyfaill ac yn gydweithiwr gwych i lawer ac roedd yn cael ei barchu'n fawr gan Gynghorwyr a Swyddogion am ei broffesiynoldeb a'i ymroddiad.

Am flynyddoedd lawer, helpodd Huw i lunio'r broses o adfywio Canol y Ddinas ac roedd yn cael ei barchu'n fawr gan ein Partneriaid a'n Datblygwyr. Gellir gweld effaith Huw ar y Ddinas heddiw yn y datblygiadau niferus sydd wedi helpu i drawsnewid Canol y Ddinas.

Dywedodd fod meddyliau a chydymdeimlad y cyngor gyda theulu, ffrindiau a chydweithwyr Huw.

ii)             Patrick Arran - Pennaeth y Gwasanaethau Cyfreithiol

Cyfeiriodd yr Aelod Llywyddol gyda thristwch at farwolaeth ddiweddar Patrick Arran. Roedd Patrick yn gyn-bennaeth y gwasanaethau cyfreithiol. Dywedodd fod meddyliau a chydymdeimlad y cyngor gyda theulu, ffrindiau a chydweithwyr Patrick.

Safodd bawb fel arwydd o gydymdeimlad a pharch.

b)            Adolygiad Dosbarth Etholiadol a Man Pleidleisio 2023

Dywedodd yr Aelod Llywyddol fod y Swyddog Canlyniadau'n cynnal Adolygiad Dosbarth Etholiadol a Man Pleidleisio 2023. Agorodd y Cyfnod Ymgynghori ar 8 Tachwedd 2023 ac mae'n cau ar 20 Rhagfyr 2023. Mae rhagor o wybodaeth am yr adolygiad ar gael ar-lein yn https://swansea.gov.uk/article/25356/Review-of-Polling-Districts-and-Polling-PlacesStations-2023

Dylid anfon ymatebion i'r ymgynghoriad at etholiadau@abertawe.gov.uk neu drwy lenwi ffurflen ar-lein https://online1.snapsurveys.com/pollingdistrictreview

c)             Gwobrau Cymunedau Mwy Diogel 2023

Dywedodd yr Aelod Llywyddol gynhaliwyd y Gwobrau Cymunedau Mwy Diogel cyntaf yn ddiweddar yng Ngwesty'r Village, Abertawe. Nod y gwobrau yw dathlu gwaith prosiectau, partneriaethau a phobl sy'n mynd ati i wneud cymunedau'n fwy diogel ar draws Cymru. Mae'r Gwobrau'n arddangos y gwaith gwych sy'n cael ei wneud ar draws Cymru i atal a lleihau Ymddygiad Gwrthgymdeithasol, Trais yn erbyn Menywod a Merched, a Chamfanteisio ac i wneud cymunedau'n fwy diogel o ran y meysydd hynny.

Dywedodd ei bod yn hapus iawn i gyhoeddi bod pedwar prosiect  Cyngor Abertawe yn cael eu hanrhydeddu yn ystod y gwobrau:

·                Cafodd brosiect Flip the Streets y Tîm Integreiddio Cymunedol gymeradwyaeth uchel yn y categori Cydraddoldeb, Cynhwysiant a Chydlyniant.

·                Cafodd brosiect Caban y Nadolig Abertawe Mwy Diogel y Tîm Integreiddio Cymunedol ei ganmol yn fawr yn y categori Partneriaethau.

·                Cafodd panel CMET (Coll, Camfanteisio a Masnachu Cyd-destunol) mewn Gwasanaethau Plant a Theuluoedd gymeradwyaeth uchel yn y categori Diogelu.

·                Y Tîm Cydlynu Ardaloedd Lleol mewn Gwasanaethau i Oedolion, y Gwasanaeth Atal a Threchu Tlodi oedd yr enillwyr cyffredinol yn y categori Cydraddoldeb, Cynhwysiant a Chydlyniant.

Rhoddodd longyfarchiadau i'r Tîm Cydlynu Ardaloedd Lleol ar ennill y wobr hon a diolchodd iddynt am eu gwaith yn ein cymunedau. Dylent fod yn falch o'r effaith y maent yn ei chael ar wella bywydau unigolion a chysylltu ein cymunedau ar draws y ddinas.

d)            Gyda'n gilydd dros y Nadolig

Dywedodd yr Aelod Llywyddol fod Cyngor Abertawe, mewn partneriaeth â JR Events & Catering, wedi cynnal menter Gyda'n gilydd dros y Nadolig ar 5 Rhagfyr 2023. Roedd y digwyddiad yn darparu cinio Nadolig am ddim i'r rheini sy'n ddigartref, yn unig neu mewn angen. Diolchodd i bawb a wnaeth helpu.

Dywedodd fod llawer o Gynghorwyr a Swyddogion yn gwisgo dillad Nadolig i gyfarfod y cyngor heno. Bydd yr arian a godir yn cael ei roi i gefnogi elusennau yn Abertawe.

Er Gwybodaeth

a)             Fforwm Cynghori'r Gweinidog ar gyfer Heneiddio gyda Llywodraeth Cymru

Dywedodd Arweinydd y Cyngor fod y Cynghorydd Hayley Gwilliam, Aelod y Cabinet dros y Gymuned wedi cael ei dewis i gymryd rhan yn Fforwm Cynghori'r Gweinidog ar gyfer Heneiddio gyda Llywodraeth Cymru. Bydd hi'n cymryd rhan fel Arweinydd Heneiddio'n Dda. Bydd y rhestr o Gyrff Allanol yn cael ei newid yn unol â hynny.

b)            Cartrefi i Wcráin

Dywedodd Arweinydd y Cyngor fod y Gweinidog Cyfiawnder Cymdeithasol, Jane Hutt wedi ysgrifennu ato yn diolch i Swyddogion y Cyngor am eu cefnogaeth a'u gwaith caled gyda'r rhaglen Cartrefi i Wcráin. Dywedodd y Gweinidog fod y cyngor yn chwarae rhan hanfodol wrth sicrhau y gallai Cymru gyflawni ei huchelgais o fod yn Genedl Noddfa. Roedd gwesteion o Wcráin a noddwyd gan Lywodraeth Cymru yn cael eu lletya mewn tri lleoliad llety cychwynnol ar draws Abertawe, sef y Mercure, Gwesty'r Village a Gwesty'r Grand. Roedd y lleoliadau hyn yn darparu llety mawr ei angen i deuluoedd y mae angen amgylchedd diogel a gofalgar arnynt yn ystod cyfnod o ansicrwydd sylweddol yn dilyn dechrau'r rhyfel yn Wcráin.

c)             Gorymdaith y Nadolig

Diolchodd Arweinydd y Cyngor i Dîm Digwyddiadau Arbennig y Cyngor am gynnal Gorymdaith Nadolig ardderchog.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu.

Gall y cyhoedd ddod a gofyn cwestiynau’n uniongyrchol os bydd amser.

Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Dim

Ni chafwyd unrhyw gwestiynau gan y cyhoedd.

Er Gwybodaeth

Rhoddodd y Swyddog Adran 151 ddiweddariad llafar ar Ddatganiad Cyllideb Canol Tymor 2023-2024.

Cymeradwywyd

Cyflwynodd Swyddog Adran 151 adroddiad a oedd yn amlinellu adolygiad canol blwyddyn o sefyllfa'r Refeniw Wrth Gefn ac yn ceisio cytundeb ar unrhyw ailddosbarthiad o gronfeydd wrth gefn yn seiliedig ar ofynion presennol.

Penderfynwyd:

1)             Nodi bod Cronfa wrth gefn Cyfartalu Cyfalaf wedi cael ei chreu o'r tanwariant ar daliadau dyled a'r adolygiad sylfaenol gan y cyngor o'r cyfrifiad o'r Ddarpariaeth Isafswm Refeniw. Dylid ychwanegu at y gronfa wrth gefn hon lle bynnag y bo modd, trwy danwariant ariannu cyfalaf mewn blwyddyn, i helpu gydag unrhyw faterion amseru sy'n ymwneud â'r angen i ariannu unrhyw brosiectau'r Fargen Ddinesig cyn derbyn cyllid gan gyrff eraill.

2)             I'r graddau hyn, ac yn dilyn adolygiad o'r cronfeydd wrth gefn a glustnodwyd ar hyn o bryd, cymeradwyo ailddosbarthu cronfeydd wrth gefn sydd wedi'u clustnodi fel y manylir isod ar yr adeg hon:

Cymeradwywyd

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn manylu ar gyfrifo sylfaen Treth y Cyngor ar gyfer Dinas a Sir Abertawe, ei Gynghorau Cymuned/Tref ac Awdurdod Iechyd Porthladd Bae Abertawe ar gyfer 2024/2025. Mae'n ofynnol i'r cyngor bennu Sylfeini Treth y Cyngor erbyn 31 Rhagfyr.

Penderfynwyd:

1)             Cymeradwyo'r Sylfeini Treth y Cyngor ar gyfer 2024/2025.

2)             Yn unol â Rheoliadau Awdurdodau Lleol (Cyfrifo Sylfaen Treth y Cyngor) (Cymru) 1995, fel y'u diwygiwyd, dyma fydd cyfrifiad Dinas a Sir Abertawe ar gyfer y flwyddyn 2024/2025:

Cymeradwywyd

Cyflwynodd Pennaeth y Gwasanaethau Democrataidd adroddiad a oedd yn amlinellu adolygiad o Lawlyfr y Cynghorwyr a cheisiodd gymeradwyaeth i gynnwys arweiniad ar Ddefnydd o Logo'r Cyngor yn Adran C,  "Protocolau".

Trafododd Bwyllgor y Gwasanaethau Democrataidd yr adroddiad yn ystod ei gyfarfod ar 6 Tachwedd 2023 ac argymhellodd Llawlyfr y Cynghorwyr diwygiedig a fyddai'n cynnwys Arweiniad ar Ddefnydd o Logo'r Cyngor i'r cyngor i'w fabwysiadu.

Penderfynwyd mabwysiadu Llawlyfr y Cynghorwyr diwygiedig a fyddai'n cynnwys yr Arweiniad ar Ddefnydd o Logo'r Cyngor.

Er Gwybodaeth

1)       ‘Cwestiynau Atodol’ Rhan A’

Cyflwynwyd deg (10) 'Cwestiwn Atodol' Rhan A. Ymatebodd Aelod(au) perthnasol y Cabinet ar ffurf atebion ysgrifenedig a gynhwyswyd yng Ngwŷs y Cyngor.

Dangosir y cwestiynau atodol hynny yr oedd angen ymateb ysgrifenedig arnynt isod.

Cwestiwn 2

Gofynnodd y Cynghorydd E W Fitzgerald:

i)               Oes modd i mi gael ateb 'ie' neu 'na' i'm cwestiwn ysgrifenedig?

ii)              Ble mae'r lleoliadau a nodwyd ar gyfer plannu coed yn dilyn yr Arolwg Canopi Coed?

Dywedodd Aelod y Cabinet dros y Gymuned y byddai ymateb ysgrifenedig yn cael ei ddarparu.

2)       Rhan B ‘Cwestiynau nad oes angen Cwestiynau Atodol ar eu cyfer'

Cyflwynwyd chwe (6) 'chwestiwn nad oedd angen cwestiynau atodol' ar eu cyfer Rhan B.