Agenda a Chofnodion

Cyfeiriodd y Cadeirydd at farwolaeth drist John Barrow, cyn-aelod o Fforwm Cefn Gwlad Gŵyr, yn ddiweddar. Hefyd, talodd Roger Button deyrnged ar ran y Grŵp Partneriaeth. Safodd pawb i ddangos parch.  

Croesawodd y Cadeirydd bawb a oedd yn bresennol i Neuadd Bentref Reynoldston a dechrau'r cyfarfod. 

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir

Abertawe, ni ddatganwyd buddiannau.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

PENDERFYNWYD derbyn cofnodion cyfarfod Grŵp Llywio AoHNE Gŵyr

a gynhaliwyd ar 27 Mawrth 2017 fel cofnod cywir.

Derbyniad ffonau symudol a band llydan ym mhenrhyn Gŵyr   

Dywedodd Roger Button fod derbyniad ffonau symudol yn dal i fod yn wael iawn ym mhenrhyn Gŵyr, a bod hynny’n cael effaith andwyol ar yr apiau ffonau symudol ar gyfer cerdded a phrosiect Tirwedd Gŵyr.

Llygredd Golau

Nododd Chris Lindley, Arweinydd Tîm AoHNE Gŵyr, fod trafodaethau'n parhau ag AoHNE eraill a CNC o ran llonyddwch ac awyr dywyll yng Nghymru ar gyfer 2018/19, mater sydd wedi'i gynnwys ym mlaenraglen waith CNC.

Rhoddodd Mike Scott, Swyddog AoHNE Gŵyr, gyflwyniad ar waith Partneriaeth AoHNE Gŵyr.  Amlinellodd ddynodiad AoHNE Gŵyr, rôl Partneriaeth AoHNE Gŵyr a gwaith Tîm AoHNE yn Ninas a  Sir Abertawe.

Cymdeithas Gŵyr

Rhoddodd Gordon Howe, Cymdeithas Gŵyr, adroddiad am waith y gymdeithas, yn enwedig yn ystod y flwyddyn ddiwethaf. Cyfeiriodd at grantiau a'r gefnogaeth ariannol a roddwyd gan y gymdeithas yn ystod y flwyddyn flaenorol, gan dynnu sylw at rôl bwysig y gymdeithas ym mhenrhyn Gŵyr.

Cyfoeth Naturiol Cymru

Rhoddodd Hamish Osborne, Arweinydd Tîm Cyfoeth Naturiol Cymru (CNC) yn Abertawe, gyflwyniad ar waith diweddaraf CNC ym mhenrhyn Gŵyr. Rhoddodd fanylion ynghylch rheoli CNC yn Abertawe a Chwm Tawe; diben y sefydliad; y stadau coetir, y gwarchodfeydd natur a chadwraeth y safleoedd a warchodir y mae'n eu rheoli ym mhenrhyn Gŵyr.

Rhoddodd Chris Lindley, Arweinydd Tîm AoHNE Gŵyr, gyflwyniad ynghylch yr Adolygiad o Dirweddau Dynodedig Cymru. Cyfeiriodd at gynnwys yr adroddiad Tirweddau'r Dyfodol: Cyflawni dros Gymru, sef yr Adolygiad o Ardaloedd o Harddwch Naturiol Eithriadol a Pharciau Cenedlaethol yng Nghymru. Tynnodd sylw hefyd at y goblygiadau i AoHNE Gŵyr.

Rhoddodd Mike Scott, Swyddog AoHNE Gŵyr, adolygiad o Gynllun Gweithredu'r AoHNE 2015-2018. Manylodd ar waith y 2 flynedd flaenorol a'r gwaith arfaethedig tan 2018.  Cyfeiriodd at y prosiectau a oedd wedi'u cefnogi ac a oedd wedi derbyn cymorth ariannol.

Esboniodd y Cadeirydd fod 13 o enwebiadau wedi'u derbyn am 10 o swyddi gwag fel aelodau o Grŵp Llywio'r Bartneriaeth. Felly, roedd angen etholiad.

Dosbarthwyd papurau pleidleisio i bawb a oedd yn bresennol.

PENDERFYNWYD ethol y canlynol i Grŵp Llywio Partneriaeth AoHNE Gŵyr am gyfnod o ddwy flynedd, yn unol â'r cylch gorchwyl:

PENDERFYNWYD ethol Stephen Heard fel Is-gadeirydd y Grŵp Llywio ar gyfer blwyddyn ddinesig  2017/18.

Gohiriwyd yr eitem tan gyfarfod nesaf y Grŵp Llywio ar 25 Medi 2017.

Gohiriwyd yr eitem tan gyfarfod nesaf y Grŵp Llywio ar 25 Medi 2017.

Parcio – Cefn Bryn

Gofynnodd Ian Button gwestiwn am barcio ger Maen Ceti yng Nghefn Bryn. Yn y cyfarfod, trafodwyd pwnc parcio ar Gefn Bryn, effaith parcio ar bentref Reynoldston a'r opsiynau posib a oedd ar gael. Nodwyd bod yr ardal dan reolaeth Cyngor Cymuned Llanrhidian Isaf.

Datganodd Chris Lindley, Arweinydd Tîm AoHNE Gŵyr, y gofynnwyd i'r Bartneriaeth Datblygu Gwledig archwilio'r broblem yn fanwl a bod angen mabwysiadu ymagwedd bartneriaeth.

PENDERFYNWYD cyflwyno adroddiad diweddaru yn y cyfarfod nesaf a drefnir. 

Cefn Bryn – Dŵr ar y Ffordd

Gwnaeth Paul Tucker ymholiad am ddŵr ar y ffordd yng Nghefn Bryn a dywedodd y byddai'n beryglus yn y gaeaf. Ychwanegodd fod angen glanhau'r draeniau'n rheolaidd. Ychwanegodd Roger Button fod y dŵr wedi peri i'r ffordd gwympo o'r blaen.

Adeiladau/Henebion

Gofynnodd Mike Lewis gwestiynau am berchnogaeth Goleudy Whitford a'i gyflwr, yr adeiladau hanesyddol ar Burry Holmes a chyflwr Castell Pennard. Esboniwyd mai Cyngor Sir Gâr biau Goleudy Whitford a chydnabuwyd bod angen cyllid i wneud gwaith ar yr adeilad. Yn ogystal, datganwyd bod CADW yn hollol ymwybodol o'r problemau adeileddol yng Nghastell Pennard ac archwiliwyd y safle.

·         25 Medi 2017

·         11 Rhagfyr 2017

·         26 Mawrth 2018

·         25 Mehefin 2018 – Fforwm Blynyddol (dyddiad i'w gadarnhau)

NODWYD y cynhelir cyfarfodydd 2017/2018 am 7pm ar y dyddiadau canlynol:

·         25 Medi 2017;

·         11 Rhagfyr 2018;

·         26 Mawrth 2018.