Agenda a Chofnodion
Lleoliad: Ystafell Bwyllgor 3, Canolfan Ddinesig, Port Talbot
Cyswllt: Gareth Borsden - 01792 636824
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Côd Ymddygiad a fabwysiadwyd gan y ddau awdurdod, ni
ddatganwyd unrhyw fuddiannau. |
|
Cymeradwyo a llofnodi cofnodion y cyfarfod(ydd) blaenorol
fel cofnod cywir Cofnodion: Penderfynwyd cymeradwyo cofnodion Pwyllgor Archifau
Gorllewin Morgannwg a gynhaliwyd ar 14 Mehefin 2019 fel cofnod cywir. |
|
Adroddiad Archifydd y Sir. PDF 177 KB Cofnodion: Cyflwynodd yr
Archifydd Sirol adroddiad a oedd yn amlinellu gwaith y Gwasanaeth Archifau ar y
Cyd rhwng mis Mehefin a mis Awst 2019. Defnydd o'r
gwasanaeth Adroddodd am y defnydd o'r gwasanaeth dros y chwarter gan gyfeirio at yr ystadegau ar gyfer 2018/19 a manylodd ar y cefndir a'r rhesymeg y tu ôl i'r ystadegau. Mae'r swm enfawr o ddeunydd sydd bellach ar gael ar-lein hefyd wedi effeithio ar nifer yr ymwelwyr, er yr ymgysylltir yn fwy â'r gymuned oherwydd defnydd o'r cyfryngau cymdeithasol. Cyfeiriodd at y ffordd yr oedd y gwasanaeth wedi cydweithio ag Ymchwiliad Gwaed Heintiedig Llywodraeth y DU, a oedd wedi ymweld sawl gwaith i weld archifau'r Awdurdod Iechyd. Allgymorth y Gwasanaeth
Dywedodd yr Archifydd Sirol fod arddangosfa i ddathlu hanner canmlwyddiant Abertawe fel dinas wedi cael ei harddangos ym Mhafiliwn y Patti ac ym mharti stryd Heol San Helen, yn ogystal ag mewn lleoliadau eraill. Roedd hefyd ar gael i'w harddangos o amgylch y ddinas yn ystod blwyddyn yr hanner canmlwyddiant, a gofynnodd i'r aelodau hyrwyddo a rhannu'r adnodd hwn yn eu cymunedau. Cyfeiriodd at yr arddangosfa a baratowyd gan Gymdeithas Hanes Iddewig De Cymru ac a arddangoswyd ym mis Awst. Soniodd am yr ysgolion a oedd wedi derbyn sesiynau addysg gan y gwasanaeth yn ystod y chwarter, a'r sefydliadau hynny yr oedd y gwasanaeth wedi cyflwyno sgyrsiau iddynt. Amlinellwyd a thrafodwyd y ffactorau a'r dylanwadau sy'n ymwneud â nifer yr ysgolion y mae modd ymweld â nhw. Dywedodd yr Archifydd Sirol y byddai'n parhau i hyrwyddo'r gwasanaeth drwy ddefnyddio'r holl ffyrdd addas o fewn y ddau awdurdod, a gofynnodd unwaith eto i'r aelodau a oedd yn rhan o gyrff llywodraethu ysgolion i hyrwyddo argaeledd y gwasanaeth yn eu hysgolion. Soniodd y byddai cyhoeddiad newydd y Gwasanaeth Archifau, ‘A new, even better Abertawe: the rebuilding of Swansea, 1941-1961', yn cael ei lansio yn hwyrach yn y diwrnod yn Amgueddfa Abertawe. Dywedodd fod croeso i bob aelod o'r Pwyllgor ddod i'r digwyddiad lansio. Cyfeiriodd at gais i ddefnyddio gweddill yr arian wrth gefn ar gyfer cyhoeddiadau i ailargraffu ‘The Three Nights Blitz’ gan Dr John Alban. Soniodd mai dyma oedd y llyfr yr oedd mwyaf o alw amdano gan y cyhoedd, sydd allan o brint ac a gyhoeddwyd gan y Gwasanaeth Archifau a'i ragflaenyddion dros y blynyddoedd. Roedd swm cymedrol o arian wrth gefn ar gyfer cyhoeddiadau ar gael o hyd yn dilyn cyhoeddi ‘Rebuilding Swansea 1941-1961’, ond byddai'r gronfa wedyn yn cael ei chau. Penderfynwyd defnyddio'r arian wrth gefn ar gyfer cyhoeddiadau i ailargraffu nifer cyfyngedig o 'The Three Nights Blitz'. Staff Soniodd yr Archifydd Sirol fod y ddau awdurdod yn ymgynghori ynghylch dyfodol cronfa wrth gefn yr archifau. Rhoddir diweddariad ac adroddiad pellach i'r Pwyllgor ym mis Rhagfyr. Manylodd ar gefndir a sail y tair cronfa wrth gefn wahanol. Soniodd nad oedd swydd yr Hyfforddai Archifau wedi'i hysbysebu eleni. Bydd dyfodol y swydd, yn ogystal â'r materion a thrafodaethau ynghylch nifer y staff yn y gwasanaeth, yn parhau drwy'r holl broses gosod cyllideb ar gyfer 2020/21. Cyfarfodydd
Proffesiynol a Gweithio Mewn Partneriaeth Adroddodd am y cyfarfodydd amrywiol y bu'r staff yn bresennol ynddynt yn ystod y chwarter. Casgliadau
Archifau Adroddodd am y rhestr o archifau a dderbyniwyd gan y gwasanaeth yn ystod y chwarter. |