Agenda, penderfyniadau a cofnodion drafft

www.abertawe.gov.uk/DatgeluCysylltiadau

 

A Dulley – Eitem 4 – Personol

Yn unol â'r Côd Ymddygiad a fabwysiadwyd gan y ddau awdurdod, datganwyd y cysylltiad canlynol:

 

Andrew Dulley - Eitem 5 - personol.

 

 

Nododd y Cadeirydd, yn dilyn diwygiad i gyfrifoldeb portffolio yng nghyngor CNPT, nododd Craig Griffiths mai heddiw fyddai ei gyfarfod olaf.

 

Diolchodd iddo am ei gyfraniadau a'i gyngor i'r pwyllgor dros y blynyddoedd.

 

Croesawodd Chris Saunders hefyd, Pennaeth Diwylliant, Hamdden, Treftadaeth a Thwristiaeth i'w gyfarfod cyntaf.

 

Cymeradwyo a llofnodi cofnodion y cyfarfod(ydd) blaenorol fel cofnod cywir.

 

Cymeradwywyd

Penderfynwyd cymeradwyo cofnodion Pwyllgor Archifau Gorllewin Morgannwg a gynhaliwyd ar 24 Mawrth 2023 yn gofnod cywir.

 

Gohiriedig

Penderfynwyd y byddai ethol Is-gadeiryddion yn cael ei ohirio tan y cyfarfod nesaf.

 

Er Gwybodaeth

 Cyflwynodd yr Archifydd Sirol adroddiad a oedd yn amlinellu gwaith y Gwasanaeth Archifau ar y Cyd rhwng mis Mawrth a mis Mai 2023.

 

Y defnydd o'r gwasanaeth

 

Adroddodd am y ffigurau sy'n ymwneud â'r defnydd o'r gwasanaeth drwy ei lwyfannau amrywiol yn bersonol ac ar-lein.

 

Amlinellodd fod y defnydd o'r gwasanaeth yn cynyddu'n gyson yn dilyn y pandemig a'r cyfyngiadau symud amrywiol.

 

Amlinellodd y disgwylir i Archif Ddarlledu Cymru lansio ar 11 Gorffennaf, a byddai'n ystyried trefnu ymweliad i aelodau'r pwyllgor weld y cyfleuster yn y ganolfan ddinesig maes o law.

 

Amlinellodd ddadansoddiad o'r ystadegau o ran o ble mae'r bobl sy'n defnyddio'r gwasanaeth yn dod, a geir drwy Gerdyn Archifau darllenwyr.

 

Cyfeiriodd at broblemau IT a gafwyd yn Sefydliad y Mecanyddion o ganlyniad i oedran y cyfrifiaduron yno, ac roedd rhaid prynu rhai newydd yn eu lle oherwydd problemau diogelwch posib. Dylai hwn gael ei ddatrys a dylai'r peiriannau newydd gael eu gosod yn fuan iawn.

 

Yn dilyn cwestiwn gan Janet Watkins ynghylch ystadegau defnydd, dywedwyd y byddai'n hapus i gynnwys nifer yr ymwelwyr i Sefydliad y Mecanyddion ar gyfer y cyfnodau lle mae'r cyfleuster ar agor ac wedi'i staffio gan wirfoddolwyr y Gymdeithas Hynafiaethwyr. Byddai'r rhain wedi cael eu cofnodi ar wahân i'r cyfnodau lle mae staff yr archifau'n bresennol o ganlyniad i reoliadau adrodd.

 

Trafodwyd y broblem o'r dirywiad mewn pobl sy'n dwlu ar hanes teulu yn mynd i'r Ganolfan Ddinesig a Sefydliad y Mecanyddion yn ogystal â'r ffactorau sy'n effeithio ar y broblem.

 

Allgymorth a Gweithgarwch Addysgol

 

Cyfeiriodd at adroddiad blynyddol y gwasanaeth a gyhoeddwyd ar-lein ar ddiwedd mis Mai.

 

Gellir dod o hyd iddo yn https://www.abertawe.gov.uk/adroddiadblynyddolarchifyddysir

 

Amlinellwyd nifer yr ysgolion y darparwyd sesiynau addysgol iddynt gan staff.

 

Cynhaliwyd nifer o sesiynau hefyd ar gyfer myfyrwyr Prifysgol Abertawe, a darparwyd sgyrsiau i grwpiau amrywiol gan staff yn ystod y chwarter.

 

Adleoli'r Archifau i Hwb Canol y Ddinas

 

Manylodd fod y gwaith yn parhau i fynd rhagddo ac maent yn parhau i ddatblygu dyluniad y cyfleuster newydd yng nghanol dinas Abertawe i sicrhau ei fod yn cydymffurfio â Safon Prydeinig 4971.

 

Manylodd ar fewnbwn Llywodraeth Cymru a'r ymgynghorydd allanol arbenigol Chris Woods, sydd wedi arwain at osod 2 ddarn o gyfarpar ychwanegol, yn benodol un i gael gwared ar ormodedd o leithder ac un arall o gwmpas system oeri awtomatig.

 

Cyfeiriodd at y broses achrediad y bydd rhaid i'r gwasanaeth fynd drwyddi yn y cyfleuster newydd a manylwyd arni.

 

Staff

 

Amlinellodd fod y gwasanaeth wedi colli 2 aelod o staff yn ystod y misoedd diwethaf, sydd wedi effeithio ar ei allu i ddarparu gwasanaeth llawn yn Abertawe a Chastell-nedd.

 

Amlinellodd fod y broses o recriwtio staff newydd yn lle staff sydd wedi gadael yn barhaus.

 

Cyfarfodydd a Hyfforddiant Proffesiynol

 

Amlinellodd y gwahanol grwpiau proffesiynol a chyfarfodydd yr oedd wedi bod yn bresennol ynddynt yn ystod y chwarter.

 

Mynediad at Gasgliadau’r Archifau

 

Manylodd ar yr archifau amrywiol a dderbyniwyd gan y gwasanaeth yn ystod y chwarter.