Agenda a Chofnodion

https://www.abertawe.gov.uk/datgelucysylltiadau

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cytuno bod cofnodion y Pwyllgor Safonau a gynhaliwyd ar 3 Mehefin 2016 yn gofnod cywir.

Materion yn codi:

Cofnod 34 - Adborth ar Gyfarfodydd Blynyddol ag Arweinwyr Grwpiau Gwleidyddol, y Prif Weithredwr a Chadeiryddion Pwyllgorau.

Atgoffodd y Cadeirydd y pwyllgor am y cam gweithredu o'r cyfarfod blaenorol mewn perthynas ag Aelodau Annibynnol y Pwyllgor Safonau sy'n mynd i gyfarfodydd Cyngor Cymuned/Tref fel ymarfer casglu tystiolaeth.

PENDERFYNWYD y dylai Pennaeth y Gwasanaethau Democrataidd a Dirprwy Bennaeth y Gwasanaethau Cyfreithiol a Democrataidd/Dirprwy Swyddog Monitro ddrafftio dogfen sy'n amlinellu cylch gwaith a chwmpas yr ymarfer cyn gynted â phosib.

Rhoddodd Dirprwy Bennaeth y Gwasanaethau Cyfreithiol a Democrataidd / Dirprwy Swyddog Monitro y diweddaraf i'r pwyllgor mewn perthynas ag adroddiad y Côd Ymddygiad Enghreifftiol Newydd a gyflwynwyd i'r cyngor ar 19 Mai 2016. 

PENDERFYNWYD y byddai'r adroddiad yn cael ei nodi.

Cyflwynodd Dirprwy Bennaeth y Gwasanaethau Cyfreithiol a Democrataidd / Dirprwy Swyddog Monitro adroddiad yn dilyn ymgynghoriad technegol a gynhaliwyd rhwng 30 Tachwedd 2015 a 10 Ionawr 2016, ar Reoliadau Llywodraeth Leol (Pwyllgorau Safonau, Ymchwiliadau, Gollyngiadau ac Atgyfeirio) (Cymru) (Diwygio) 2016 a ddaeth i rym ar 1 Ebrill 2016. 

Diwygiodd y Rheoliadau 2016 uchod y rheoliadau canlynol:

·       Rheoliadau Pwyllgorau Safonau (Cymru) 2001;

·       Rheoliadau Ymchwiliadau Llywodraeth Leol (Swyddogaethau Swyddogion

Monitro a'r Pwyllgor Safonau) (Cymru) 2001;

·       Rheoliadau Awdurdodau Lleol (Caniatáu Gollyngiadau) (Cymru) 2001.

PENDERFYNWYD y byddai'r adroddiad yn cael ei nodi.

Rhifyn 6 - Hydref 2015

Rhifyn 7 - Ionawr 2016

Rhoddodd y Cadeirydd y diweddaraf ar gyhoeddiadau mwyaf diweddar Llyfrau Achosion Côd Ymddygiad Ombwdsmon Gwasanaethau Cyhoeddus Cymru fel a ganlyn:

·       Rhifyn 6 - Hydref 2015;

·       Rhifyn 7 - Ionawr 2016.

PENDERFYNWYD y byddai'r adroddiad a'r atodiadau yn cael eu nodi.

Huw Evans, Pennaeth Gwasanaethau Democrataidd

Rhoddodd Pennaeth y Gwasanaethau Democrataidd adroddiad ar lafar ar y Broses ar gyfer Penodi Aelod Annibynnol i'r Pwyllgor Safonau.  Byddai'n hysbysebu dwy swydd, un i ddechrau oddeutu mis Medi a'r llall i ddechrau oddeutu mis Rhagfyr 2016.

Cynhaliwyd trafodaeth ynglŷn â'r broses flaenorol a dilynwyd ar gyfer penodi  Aelodau Annibynnol yn ogystal â'r honiad a fyddai’n bosib gwella’r broses hon.

Achubodd Pennaeth y Gwasanaethau Democrataidd ar y cyfle i ddiolch i’r Cadeirydd am ei arweinyddiaeth yn ystod ei gyfnod yn y swydd a dymunodd yn dda iddo am y dyfodol.

PENDERFYNWYD y dylai Pennaeth y Gwasanaethau Democrataidd ddechrau'r broses o hysbysebu ar gyfer yr Aelodau Annibynnol yn haf 2016.

Darparodd Pennaeth y Gwasanaethau Democrataidd Gynllun Gwaith ar gyfer 2016-2017: 

PENDERFYNWYD nodi cynnwys yr adroddiad.

Diolchodd y Cadeirydd i’w gydweithwyr am eu cymorth yn ystod ei gyfnod yn y swydd.