Agenda a chofnodion drafft

Penderfynwyd ethol y Cynghorydd R C Stewart yn Gadeirydd ar gyfer Blwyddyn Ddinesig 2020-2021.

Penderfynwyd ethol y Cynghorydd A S Lewis yn Is-gadeirydd ar gyfer Blwyddyn Ddinesig 2020-2021.

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Penderfynwyd cymeradwyo a llofnodi  cofnodion cyfarfod Pwyllgor Arfarnu a Chydnabyddiaeth Ariannol y Prif Weithredwr a gynhaliwyd ar 9 Medi 2019 fel cofnod cywir.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitem fusnes a nodwyd yn argymhellion yr adroddiad ar y sail ei fod yn debygol o ddatgelu gwybodaeth eithriedig fel y nodir ym mharagraffau gwahardd 12 ac 13 Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas â'r eitem fusnes fel a nodir yn yr adroddiad.

Ystyriodd y pwyllgor brawf budd y cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd prawf budd y cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd.

(Sesiwn Gaeëdig)

Cyflwynodd y Prif Weithredwr adroddiad a amlinellodd ei berfformiad yn erbyn amcanion 2019-2020 y cytunwyd arnynt gan Bwyllgor Arfarnu a Chydnabyddiaeth y Prif Weithredwr ar 9 Medi 2019.  Ar gyfer y cyfnod penodol rhwng mis Medi 2019 a mis Medi 2020.

Roedd themâu’r amcanion yn cynnwys y meysydd canlynol: Enw da, Ad-drefnu/Cydweithredu Llywodraeth Leol, Adfywio Dinasoedd, y Rhaglen Trawsnewid, y Gyllideb a Blaenoriaethau Corfforaethol.

Nododd y Prif Weithredwr yr amcanion arfaethedig y dylid eu gosod ar gyfer 2020-2021.

Ystyriodd y Pwyllgor ei berfformiad yn ystod 2019-2020 a'i amcanion arfaethedig ar gyfer 2020-2021 a gofynnodd nifer o gwestiynau. Gofynnwyd cwestiynau ynghylch yr amcanion amrywiol, meysydd pwnc a pherfformiad.

Penderfynodd y Pwyllgor ar amcanion y Prif Weithredwr ar gyfer 2020-2021 yn gyffredinol dan y themâu canlynol: Enw da, Ad-drefnu/Cydweithredu Llywodraeth Leol, Adfywio Dinasoedd, Rhaglen Trawsnewid, Cyllideb, Blaenoriaethau Corfforaethol ac Ymateb i COVID-19.

Penderfynwyd ar y canlynol:

1)              Roedd y Pwyllgor yn fodlon â pherfformiad y Prif Weithredwr yn erbyn amcanion 2019-2020.

2)        Cytunodd y Pwyllgor ar amcanion y Prif Weithredwr ar gyfer 2020-2021.

Cyflwynodd y Dirprwy Brif Weithredwr adroddiad gwybodaeth a amlinellodd ei berfformiad rhwng mis Medi 2019 a mis Medi 2020. Rhoddodd y wybodaeth ddiweddaraf i'r Pwyllgor am yr hyn yr oedd yn meddwl ei fod wedi'i gyflawni yn ystod y cyfnod hwnnw.

Ystyriodd y Pwyllgor ei berfformiad a'r cyflawniadau hynny fel yr amlinellwyd.

Amlinellodd y Dirprwy Brif Weithredwr hefyd ei amcanion arfaethedig ar gyfer 2020-2021 a ystyriwyd gan y Pwyllgor.

Gofynnwyd i'r Prif Weithredwr ystyried sylwadau'r Pwyllgor wrth benderfynu ar amcanion 2020-2021 ar gyfer y Dirprwy Brif Weithredwr.