Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 10 Awst 2018 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Bwrdd Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â chais SPL am eithrio rhag dyletswyddau o dan Ddeddf Cydraddoldeb 2010.

Gofynnodd aelodau gwestiynau i'r swyddogion a ymatebodd yn briodol.

Esboniodd SPL yr amgylchiadau ac atebwyd cwestiynau'r aelodau.

Penderfynwyd cymeradwyo cais SPL am eithriad llawn o gludo pobl sy’n defnyddio cadair olwyn mewn cerbydau hacni a/neu gerbydau hurio preifat.

 Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â chais SCM am adnewyddu trwydded yrru cerbyd hacni a hurio preifat.

Gofynnodd aelodau gwestiynau i'r swyddogion a ymatebodd yn briodol.

Esboniodd SCM, yng nghwmni Mr W, yr amgylchiadau, darllenodd eirda cymeriad ac atebodd gwestiynau'r aelodau.

Penderfynwyd y byddai SCM yn derbyn llythyr rhybudd cadarn ynghylch ymddygiad yn y dyfodol.

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â chais JPG am drwydded i yrru cerbydau hacni a cherbydau hurio preifat.

Esboniodd JPG yr amgylchiadau ac atebodd gwestiynau'r aelodau.

Darllenodd y cyfreithiwr a oedd yn cynghori'r pwyllgor eirdaon cymeriad a ddarparwyd gan JPG i gefnogi ei gais.

Penderfynwyd cymeradwyo cais JPG.

Nodwyd y diweddaraf am y camau gweithredu uniongyrchol.

[Ceisiodd yr aelodau gael eglurhad ynglŷn â'r broses ar gyfer dychwelyd bathodynnau tacsis pe bai trwydded yn cael ei dirymu.  Datganodd y Rheolwr Trwyddedu, Bwyd a Diogelwch y byddai'n darparu diweddariad yng nghyfarfod nesaf y pwyllgor].