Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

Y Cynghorydd P Lloyd – Personol – Cofnod Rhif 59 – Gyrrwr cerbyd hacni a hurio preifat - RVW - rwyf yn adnabod y person a ddaeth yn gwmni i'r achwynydd a gadawais cyn y drafodaeth

To Cymeradwyo a llofnodi fel cofnod cywir gofnodion y cyfarfod(ydd) blaenorol.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 13 Hydref yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Rhoddodd yr Uwch-swyddog Trafnidiaeth fanylion cefndirol a oedd yn berthnasol i apêl CBB yn erbyn penderfyniad swyddogion i beidio â chymeradwyo trwydded iddo weithio fel gyrrwr ar wasanaethau cludiant o'r ysgol i'r cartref.

Yng nghwmni Mr T (Rheolwr Llinell Gwaith), esboniodd CBB gefndir ac amgylchiadau ei rybudd ac atebodd gwestiynau gan aelodau ynghylch y digwyddiad.

Penderfynwyd caniatáu apêl CBB yn erbyn y penderfyniad i beidio â'i gymeradwyo fel gyrrwr cludiant ysgol. Dylid hefyd anfon llythyr ato yn ei rybuddio ynghylch ei ymddygiad yn y dyfodol.

Rhoddwyd manylion cefndirol gan y Swyddog Adrannol - Trwyddedu, Bwyd a Diogelwch mewn perthynas â chwyn a dderbyniwyd ynghylch RVW a'r ffaith am iddo fethu cludo dau berson a'u cŵn tywys.

Gofynnodd yr aelodau gwestiynau i'r swyddog a ymatebodd yn briodol.

Esboniodd RVW amgylchiadau'r digwyddiad ac atebodd gwestiynau'r aelodau mewn perthynas â'r mater. Amlinellodd ei ddealltwriaeth o'r is-ddeddfau presennol, gan amlinellu a chyfeirio at arweiniad yr oedd wedi ei gael o wefan y Gymdeithas Cŵn Tywys ar gyfer y Deillion.

Esboniodd y ddau achwynydd a'u cynrychiolydd o’r elusen Cŵn Tywys Cymru eu barn ar y digwyddiad, gan ateb cwestiynau'r aelodau mewn perthynas â'r mater.

Wedi cwestiynau gan aelodau, rhoddwyd cyngor i'r pwyllgor gan gyfreithiwr ynghylch y materion i'w hystyried gan yr aelodau.

Penderfynwyd

1)    peidio â chymryd unrhyw gamau yn erbyn RVW ond anfon llythyr cynghori ato ynghylch disgwyliad y Pwyllgor Trwyddedu Cyffredinol iddo roi cymorth i deithwyr yn y dyfodol, gan gynnwys perchnogion cŵn tywys;

2)    y dylai'r Is-adran ystyried y mater o gludo cŵn tywys mewn ceir salŵn, gyda'r bwriad o gyhoeddi arweiniad ar y mater i'r diwydiant.

Rhoddodd y Swyddog Adrannol - Trwyddedu, Bwyd a Diogelwch fanylion cefndirol mewn perthynas â thrwyddedau gyrru cerbyd hacni a hurio preifat a thrwydded yrru BS, gan amlinellu'r euogfarn yn erbyn BS.

Esboniodd fod BS wedi dweud wrth yr Is-adran am ei euogfarn.

Esboniodd BS amgylchiadau personol y tramgwydd a'r euogfarn, ac atebodd gwestiynau'r aelodau mewn perthynas â'r mater.

Penderfynwyd peidio â chymryd camau yn erbyn BS, ond i'w atgoffa o'i gyfrifoldebau a’i ddyletswyddau fel gyrrwr tacsi wrth gludo teithwyr.

Rhoddodd y Swyddog Adrannol - Trwyddedu, Bwyd a Diogelwch fanylion cefndirol mewn perthynas â thrwyddedau gyrru cerbyd hacni a hurio preifat a thrwyddedau cerbyd a gweithredwr MGM, ac amlinellodd y rhybudd a dderbyniwyd gan MGM.

Esboniodd fod MGM wedi dweud wrth yr Is-adran am ei rybudd.

Esboniodd MGM amgylchiadau'r tramgwydd ac atebodd gwestiynau'r aelodau ynghylch y mater.

Penderfynwyd peidio â chymryd unrhyw gamau yn erbyn trwyddedau MGM ond y dylid anfon llythyr cryf o rybudd ato ynghylch ei ymddygiad yn y dyfodol, gan ei atgoffa o'i gyfrifoldeb i gydymffurfio â'r holl reolau a rheoliadau angenrheidiol yn ei rôl fel gyrrwr tacsi, a pherchennog a gweithredwr cerbydau.