Agenda a chofnodion drafft

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 12 Ebrill ac 16 Mai 2024 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd y Rheolwr Gwasanaeth ar y cefndir mewn perthynas ag MLC.

Esboniodd MLC yr amgylchiadau sy'n ymwneud â'r mater, gyda chymorth Mrs C, ac atebodd gwestiynau'r Aelodau.

Penderfynwyd gwrthod cais MLC am ganiatáu trwydded i yrru cerbyd hacni a hurio preifat.

Rheswm dros y penderfyniad

Nid oedd yr Aelodau'n fodlon bod MLC yn berson addas a phriodol na diogel ac addas. Ar ben hynny, nid oedd digon o dystiolaeth i wyro o'r arweiniad.

Manylodd Arweinydd y Tîm Trwyddedu ar yr wybodaeth gefndir mewn perthynas â CDT.

Esboniodd CDT yr amgylchiadau sy'n ymwneud â'r mater ac atebodd gwestiynau’r Aelodau.

Penderfynwyd gwrthod cais CDT am adnewyddu trwydded i yrru cerbyd hacni a hurio preifat.

Rheswm dros y penderfyniad

Nid oedd yr Aelodau'n fodlon bod CDT yn berson addas a phriodol na diogel ac addas. Ar ben hynny, nid oedd digon o dystiolaeth i wyro o'r arweiniad.