Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiant canlynol:

Y Cynghorydd P Lloyd - Personol - Cofnod Rhif 8 - Deddf Cyfrifoldebau Heddluoedd Trefol 1847 a Deddf Llywodraeth Leol (Darpariaethau Amrywiol) 1976 – Trwydded i Yrru Cerbyd Hacni a Hurio Preifat – TAAR. Gadawodd y Cynghorydd P Lloyd y cyfarfod cyn i'r eitem gael ei hystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 12 Mai ac 18 Mai 2023 yn gofnod cywir.

Cyflwynodd yr Arweinydd Tîm, Trwyddedu, adroddiad 'er gwybodaeth' a oedd yn manylu ar Fil Tacsis a Cherbydau Hurio Preifat (Cymru): Ymateb i’r Ymgynghoriad - Papur Gwyn.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd yr Arweinydd Gweithredol, Tacsis, ar y cefndir mewn perthynas â TAAR.

Esboniodd TAAR, yng nghwmni PW, cynrychiolydd cyfreithiol, y sefyllfa mewn perthynas â'r mater ac atebodd gwestiynau gan aelodau.

Yn dilyn cymeradwyaeth gan y Cyfreithiwr Cyswllt, darllenodd PW eirdaon a oedd yn cefnogi TAAR. 

Penderfynwyd:

1)    Dylid diddymu Trwydded i Yrru Cerbyd Hacni a Hurio Preifat TAAR.

Rheswm dros y penderfyniad

Penderfynodd aelodau nad oedd TAAR yn berson addas a phriodol ac nad oeddent yn gallu gweld unrhyw resymau cyfiawnadwy i wyro oddi wrth yr arweiniad priodoldeb.