Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Bwrdd Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Nododd y Cyfreithiwr Cyswllt y derbyniwyd cais i ohirio'r mater ymhellach.

Manylodd yr Arweinydd Gweithredol, Tacsis, ar y manylion cefndir o ran y cais am ohiriad.

Nodwyd y rhoddwyd pob cyfle i GSL gyfarwyddo cynrychiolydd cyfreithiol ac iddo fynychu trwy amrywiaeth o ddulliau ers y cais gwreiddiol am ohiriad ar 14 Ebrill 2023.

Cyflwynodd yr Arweinydd Gweithredol, Tacis, yr wybodaeth gefndir mewn perthynas â GSL ar y cyd â'r Arweinydd Tîm, Trwyddedu.

Gofynnodd aelodau gwestiynau i'r swyddogion a ymatebodd yn briodol.

Penderfynwyd:

1)    Gwrthod y cais am ohiriad pellach o'r mater.

2)    Gwrthod cais GSL am Drwydded Gyfyngedig i Yrru Cerbydau Hacni a Cherbydau Hurio Preifat.

Rheswm dros y penderfyniad

Gwrthododd yr aelodau'r cais i roi Trwydded Gyfyngedig i Yrru Cerbydau Hacni a Cherbydau Hurio Preifat oherwydd na allant weld unrhyw resymau cyfiawnadwy i beidio â glynu wrth yr arweiniad priodoldeb oherwydd bod gan GSL euogfarnau perthnasol ac felly, penderfynwyd nad yw GSL yn berson addas a phriodol i ddal trwydded o'r fath.