Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)             Datganodd y Cynghorwyr A Anthony a R V Smith gysylltiad personol â chofnod 91 "Cynigion y Gellideb 2025/26 – 2028/29”.

2)             Datganodd y Cynghorydd R V Smith gysylltiad personol a rhagfarnus â Chofnod 92 "Penodiadau Llywodraethwyr yr Awdurdod Lleol", a dywedodd ei fod wedi cael gollyngiad gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi Llywodraethwyr Awdurdod Lleol.

2)       Datganodd y Cynghorydd A S Lewis gysylltiad personol a rhagfarnus â chofnod 92 "Penodiadau Llywodraethwyr yr Awdurdod Lleol" a gadawodd y cyfarfod cyn iddo gael ei ystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)             Cyfarfod y Cabinet a gynhaliwyd ar 12 Rhagfyr 2024.

Ni wnaed unrhyw gyhoeddiadau gan Arweinydd y Cyngor.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu. Gall y cyhoedd ddod a gofyn cwestiynau’n uniongyrchol os bydd amser.  Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud

Gofynnodd Dereck Roberts, yn cynrychioli aelodau Unite sydd wedi ymddeol, gwestiwn ynghylch Cofnod 91 Cynigion Cyllideb 2025/26 - 2028/29”. Roedd y cwestiwn yn ymwneud yn benodol â’r Taliad Tanwydd Gaeaf.

Ymatebodd Arweinydd y Cabinet a sawl Aelod Cabinet.

Ni ofynnwyd unrhyw gwestiynau.

Gweithdrefn Galw i Mewn - Brys: Mae’r penderfyniad hwn wedi'i eithrio o Weithdrefn Galw i Mewn yr awdurdod gan fod "naill ai Pennaeth y Gwasanaeth Cyflogedig, y Swyddog Adran 151 neu'r Swyddog Monitro'n ardystio y gallai unrhyw oedi sy'n debygol o gael ei achosi gan y Weithdrefn Galw i Mewn wneud niwed i’r Cyngor neu fudd y cyhoedd, gan gynnwys methu cydymffurfio â gofynion statudol”.

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn ystyried cynigion y gyllideb ar gyfer 2025-2026 i 2028-2029 fel rhan o strategaeth cyllideb bresennol y Cyngor.

Penderfynwyd:

1)             Cymeradwyo'r cynigion cyllidebol a grynhowyd yn yr adroddiad ac a nodwyd yn Atodiad B yr adroddiad fel sail ymgynghoriad.

2)             Mabwysiadu'r rhagolwg cyllidebol diweddaredig ar gyfer y dyfodol fel y rhagosodiad cynllunio cychwynnol ar gyfer y cynllun ariannol tymor canolig, a gaiff ei ystyried gan y Cyngor ar 6 Mawrth 2025.

3)             Cytuno ar yr ymagwedd at ymgynghori ac ymgysylltu â staff, undebau llafur, preswylwyr, partneriaid a phartïon eraill â diddordeb fel y'u hamlinellir yn adran 7 yr adroddiad.

4)             Cyflwyno adroddiad ar ganlyniad yr ymgynghoriad a'r cynigion cyllidebol terfynol a dderbyniwyd gan y Cabinet ar 20 Chwefror 2025.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol ar gyrff llywodraethu ysgolion.

Penderfynwyd y dylid:

1)             Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Addysg a Dysgu:

Cyflwynodd Aelod y Cabinet dros Ddiwylliant, Hawliau Dynol a Chydraddoldeb adroddiad a oedd yn gofyn am gymeradwyaeth i gyhoeddi Adolygiad Cydraddoldeb Blynyddol y Cyngor ar gyfer 2023/24 yn unol â Dyletswydd Cydraddoldeb y Sector Cyhoeddus a'r rheoliadau adrodd ar gyfer Cymru.

Penderfynwyd:

1)             Cymeradwyo cyhoeddi cynnwys yr adroddiad.

Cyflwynodd Aelod y Cabinet dros Wasanaethau Gofal adroddiad a oedd yn amlinellu'r adolygiad blynyddol diweddaraf o daliadau gwasanaethau cymdeithasol. Roedd yr adroddiad yn gofyn am ganiatâd i gychwyn ymgynghoriad cyhoeddus ar y rhestr o daliadau arfaethedig i fod yn berthnasol yn 2025/2026 a'r Polisi Codi Tâl Gwasanaethau Cymdeithasol diwygiedig ar gyfer Gofal Cymdeithasol, Gwasanaethau Cymorth a gwasanaethau eraill a ddarperir gan Wasanaethau Cymdeithasol Cyngor Abertawe.

Cynigiodd Aelod y Cabinet dros Wasanaethau Gofal y dylid ychwanegu'r newidiadau canlynol at yr adroddiad:

i)               Tâl untro o £46.00 ar gyfer gosod cyfarpar larymau cymunedol. Ni fyddai hyn yn effeithio ar gwsmeriaid presennol na chwsmeriaid y mae ganddynt angen a aseswyd ar gyfer larwm cymunedol fel rhan o'u cynllun gofal a chymorth, byddai ond ar gyfer cwsmeriaid sy'n dewis cael un.

ii)             Cyflwyno tâl llog a gweinyddol i dalu costau a ysgwyddir gan y Cyngor drwy daliadau gohiriedig.

Penderfynwyd:

1)             Derbyn canfyddiadau adroddiad yr adolygiad blynyddol o daliadau.

2)             Bod y Polisi Codi Tâl drafft ar gyfer Gofal Cymdeithasol, Gwasanaethau Cymorth a gwasanaethau eraill a ddarperir gan Wasanaethau Cymdeithasol Cyngor Abertawe yn destun ymgynghoriad cyhoeddus, yn enwedig unrhyw gynnydd uwchlaw chwyddiant yn Rhestr Taliadau 2025/2026.

3)             Bod y taliadau ychwanegol a gynigiwyd yng nghyfarfod y Cabinet heddiw yn cael eu cynnwys yn Atodiad A a B yr adroddiad fel y bo'n berthnasol.

4)             Bod adroddiad pellach yn cael ei ystyried gan y Cabinet ar ôl i'r ymgynghoriad ddod i ben.