Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)             Datganodd y Cynghorydd R V Smith gysylltiad personol a rhagfarnus â Chofnod 118 "Penodiadau Llywodraethwyr yr Awdurdod Lleol", a dywedodd ei fod wedi cael gollyngiad gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

2)             Datganodd y Cynghorydd A H Stevens gysylltiad personol â Chofnod 120 “Rhaglen Grant Cyfleusterau I’r Anabl A Grant Gwella 2025/26”.

3)             Datganodd y Cynghorydd E J gysylltiad personol â Chofnod 122 “Model Newydd Arfaethedig ar gyfer Cyfleusterau Addysgu Arbenigol ar Draws Abertawe”.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)             Cyfarfod y Cabinet a gynhaliwyd ar 20 Chwefror 2025.

Ni wnaed unrhyw gyhoeddiadau gan Arweinydd y Cyngor.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu. Gall y cyhoedd ddod a gofyn cwestiynau’n uniongyrchol os bydd amser.  Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn gofyn am gymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol ar Gyrff Llywodraethu ysgolion.

Penderfynwyd:

1)             Cymeradwyo'r enwebiadau canlynol a argymhellwyd gan y Cyfarwyddwr Addysg ar y Cyd ag Aelod y Cabinet dros Addysg a Dysgu:

Cyflwynodd Aelod y Cabinet dros Wasanaethau Corfforaethol a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 3 2024/25.

Penderfynwyd:

1)             Nodi perfformiad y cyngor wrth gyflawni amcanion lles y cyngor yn Chwarter 3 2024/25.

2)             Cymeradwyo defnyddio'r wybodaeth hon i lywio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywirol i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros Drawsnewid Gwasanaethau adroddiad a oedd yn ceisio cymeradwyaeth i gynnwys cynlluniau'r Grant Cyfleusterau i'r Anabl a'r Grant Gwella yn Rhaglen Gyfalaf 2025-26.

Penderfynwyd:

1)             Y dylid cymeradwyo'r Rhaglen Grant Cyfleusterau i'r Anabl a'r Grant Gwella, fel y'i nodwyd, gan gynnwys ei goblygiadau  ariannol, a chynnwys y rhaglen yng Nghyllideb Gyfalaf 2025-26.

Cyflwynodd yr Arweinydd adroddiad a oedd yn amlinellu ymateb i argymhellion craffu blaenorol ac yn cyflwyno cynllun gweithredu ar gyfer cytundeb.

Penderfynwyd:

1)             Cytuno ar yr ymateb a amlinellwyd yn yr adroddiad a'r cynllun gweithredu cysylltiedig.

Cyflwynodd Aelod y Cabinet dros Addysg a Dysgu adroddiad a oedd yn nodi na dderbyniwyd unrhyw wrthwynebiadau yn ystod cyfnod yr Hysbysiad Statudol, ac yn ceisio cymeradwyaeth ar gyfer y cynnig i ail-ddynodi 25 o Gyfleusterau Addysgu Arbenigol, newid arbenigedd 3 Chyfleuster Addysgu Arbenigol, agor 5 Cyfleuster Addysgu Arbenigol newydd, ehangu 4 Cyfleuster Addysgu Arbenigol a chau 5 Cyfleuster Addysgu Arbenigol mewn ysgolion yn Abertawe fesul cam, yn dechrau ym mis Medi 2025.

Penderfynwyd:

1)             Cymeradwyo'r cynnig i ailddynodi 25 o Gyfleusterau Addysgu Arbenigol, newid arbenigedd 3 Chyfleuster Addysgu Arbenigol, agor 5 Cyfleuster Addysgu Arbenigol newydd, ehangu 4 Cyfleuster Addysgu Arbenigol a chau 5 Cyfleuster Addysgu Arbenigol yn yr ysgolion a restrir yn Atodiad A yr adroddiad fesul cam, yn dechrau ym Mis Medi 2025.

Cyflwynodd Aelod y Cabinet dros Addysg a Dysgu adroddiad a oedd yn ceisio cymeradwyaeth i ymgynghori ar uno ysgolion cynradd Blaenymaes a Phortmead yn un ysgol gynradd ym mis Medi 2027.

Penderfynwyd:

1)             Rhoi cymeradwyaeth i ymgynghori ar uno ysgolion cynradd Blaenymaes a Phortmead yn un ysgol gynradd ym mis Medi 2027 fel yr amlinellir yn Atodiad 1 yr adroddiad.

2)             Y dylai'r Cabinet ystyried ymatebion yn dilyn y cyfnod ymgynghori.

Cyflwynodd Aelod y Cabinet dros Wasanaethau Gofal adroddiad a oedd yn amlinellu'r model arfaethedig i drawsnewid gwasanaethau dydd mewnol, y camau nesaf a'r cytundeb i symud ymlaen gyda gwneud symudiadau dros dro yn rhai parhaol.

Penderfynwyd:

1)             Cytuno ar y model newydd arfaethedig o gyfleoedd dydd (chwe math o gyfle dydd, o gefnogaeth gymdeithasol a chymunedol, hyd at gymorth dydd arbenigol mewn canolfan) ac ar y sail hon, cytunwyd symud ymlaen gyda chyd-gynhyrchu i adolygu ac ailfodelu gwasanaethau dydd mewnol.

2)             I gefnogi'r uchod, mae symudiadau dros dro yn cael eu gwneud yn rhai parhaol ac mae adeiladau gwag a ddefnyddiwyd yn flaenorol ar gyfer gwasanaethau dydd yn cael eu hailbwrpasu fel a ganlyn:

a.              Bydd Gwasanaeth Anghenion Arbennig Maesglas yn aros yng Nghanolfan Adnoddau Bro Tawe yn barhaol, a bydd hen adeilad Gwasanaeth Anghenion Arbennig Maesglas yn cael ei ailddatblygu'n bedwar fflat Byw â Chymorth dros dro i gefnogi opsiynau symud ymlaen o ofal preswyl Anabledd Dysgu.

b.             Nid fydd Gwasanaeth Dydd i Bobl Hŷn Tŷ Waunarlwydd yn ailagor a bydd y ddarpariaeth yn parhau i gael ei bodloni gan Wasanaethau Dydd i Bobl Hŷn eraill.  Bydd safle blaenorol y Gwasanaethau Dydd i Bobl Hŷn yn cael ei ailddatblygu'n Ganolfan Byw'n Annibynnol.

c.             Bydd Toronto Place yn cael ei adleoli'n barhaol i Wasanaeth Dydd Fforest-fach ac asesir adeilad Toronto Place ar gyfer tai neu ddefnyddiau eraill.

Cyflwynodd Aelod y Cabinet dros yr Amgylchedd ac Isadeiledd adroddiad a oedd yn ceisio cadarnhau Rhaglen Gwaith Cyfalaf ar gyfer asedau'r isadeiledd priffyrdd.

Penderfynwyd:

1)             Caiff y dyraniadau dangosol arfaethedig, ynghyd â'r Goblygiadau Ariannol a nodir yn Atodiad A yr adroddiad, eu cymeradwyo a'u cynnwys yn y Rhaglen Gyfalaf.

2)             Rhoi awdurdod i Bennaeth y Gwasanaeth Priffyrdd a Chludiant, gyda chydsyniad Aelod y Cabinet dros yr Amgylchedd a Rheoli Isadeiledd, i flaenoriaethu, cwblhau a chlustnodi arian i'r cynlluniau priodol yn unol â'r ymagwedd flaenoriaethu a nodwyd yn yr adroddiad hwn.

Cyflwynodd Aelod y Cabinet dros Drawsnewid Gwasanaethau adroddiad a oedd yn gofyn am gydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) i neilltuo ac awdurdodi cynlluniau i'r Rhaglen Gyfalaf.

Penderfynwyd:

1)             Cymeradwyo'r cynllun cyfalaf ar gyfer y swm o £59,175 i osod 3 uned les/cawod ar safle Millstream Way a'i gynnwys yn y rhaglen gyfalaf ar gyfer 2024/25.

2)             Trosglwyddo £150,000 o'r Gyllideb Benthyciadau Arbrisiant Eiddo (C05557) i Gyllideb Cyfalaf y Safle Teithwyr (C07737).

3)             Cyflwyno adroddiadau pellach mewn perthynas â Rheol 7 y Weithdrefn Ariannol i'r Cabinet yn unol â Chyfansoddiad y Cyngor i neilltuo cyllid i'r rhaglen gyfalaf pan ddaw grantiau ar gael yn y dyfodol ar gyfer camau dilynol y prosiect.

Cyflwynodd Aelod y Cabinet dros Drawsnewid Gwasanaethau adroddiad a oedd yn ceisio cymeradwyaeth ar gyfer fersiwn ddiweddaredig y Polisi Ymddygiad Afresymol gan Gwsmeriaid.

Penderfynwyd:

1)             Cymeradwyo fersiwn ddiweddaredig y Polisi Ymddygiad Afresymol gan Gwsmeriaid (Atodiad A i'r adroddiad).

Cyflwynodd Aelodau'r Cabinet dros yr Amgylchedd ac Isadeiledd a Thrawsnewid Gwasanaethau adroddiad ar y cyd a oedd yn ceisio cymeradwyaeth ar gyfer y ceisiadau am gyllid ar gyfer y Gronfa Trafnidiaeth Leol, y Gronfa Ffyrdd Cydnerth, Y Gronfa Trawsnewid Cerbydau Allyriadau Isel Iawn a'r Gronfa Teithio Llesol , a chymeradwyaeth ddirprwyedig ar ôl derbyn llythyr dyfarnu grant at y Cyfarwyddwr ac Aelod y Cabinet dros wariant ar gyfer y prosiectau cysylltiedig yn 2025/26.

Roedd yr adroddiad hefyd yn ceisio cymeradwyaeth i gydymffurfio â Rheol 7 y Weithdrefn Ariannol (Rhaglennu ac Arfarnu Cyfalaf) ac i ymrwymo ac awdurdodi cynlluniau i'r Rhaglen Gyfalaf.

Penderfynwyd:

1)             Cymeradwyo'r ceisiadau am gyllid grant a rhoi awdurdod dirprwyedig i'r Cyfarwyddwr Cyllid ar y cyd ag Aelod y Cabinet dros yr Amgylchedd ac Isadeiledd, Aelod y Cabinet dros Drawsnewid Gwasanaethau a'r Cyfarwyddwr Lleoedd i dderbyn unrhyw arian grant a ddyfernir ar gyfer cynlluniau'r Gronfa Trafnidiaeth Leol, y Gronfa Ffyrdd Cydnerth, Y Gronfa Trawsnewid Cerbydau Allyriadau Isel Iawn (Seilwaith Gwefru Cerbydau Trydan) a'r Gronfa Teithio Llesol.

2)             Ychwanegu'r cynlluniau cymeradwy at raglen gyfalaf y cyngor ar ôl derbyn llythyrau dyfarnu'r grant gan y Swyddog A151, yn unol ag FPR7.

Cyflwynodd yr Arweinydd adroddiad a oedd yn dilyn y gymeradwyaeth flaenorol i ddatblygu cytundeb partneriaeth newydd, drwy Gwmni Menter ar y Cyd , gyda Phrifysgol Abertawe ar gyfer y cyfleusterau Chwaraeon yn Lôn Sgeti, ym Mhwll Cenedlaethol Cymru a'r cyffiniau. Roedd angen cymeradwyaeth i benodi dau swyddog fel Cyfarwyddwyr Cwmni er mwyn symud y strategaeth ymlaen i'r cam olaf.

Penderfynwyd:

1)             Nodi statws presennol strategaeth y Porth fel a gymeradwywyd yn flaenorol yng nghyfarfod y Cabinet ym mis Hydref 2024 a chymeradwyo penodi dau o swyddogion y cyngor, Cyfarwyddwr Lleoedd a Phennaeth y Gwasanaethau Diwylliannol, Parciau a Glanhau yn Gyfarwyddwyr Cwmni er mwyn gallu creu'r Cwmni Menter ar y Cyd erbyn diwedd mis Mawrth 2025 (Porth 2).

2)             Dirprwyir awdurdod i'r Cyfarwyddwr Lleoedd a Phennaeth y Gwasanaethau Diwylliannol, Parciau a Glanhau i ymrwymo i bob trafodaeth a chytundeb ynghylch y Porth nesaf, sef Porth 3 ar ôl ymgynghori â'r Aelodau Cabinet perthnasol.

3)             Dirprwyir awdurdod i Arweinydd y Cyngor, y Swyddog Adran 151 a'r Swyddog Monitro i wneud newidiadau i'r Cyfarwyddwyr enwebedig wrth i'r prosiect fynd yn ei flaen.

4)             Nodi bod yr argymhellion llawn a therfynol a gyflwynwyd gan y cyfarwyddwyr enwebedig yn destun adroddiad a chymeradwyaeth bellach gan y Cabinet, ar gyfer Porth 4.

Gweithdrefn Galw i Mewn - Brys: Mae’r penderfyniad hwn yn rhydd o Weithdrefn Galw i Mewn yr awdurdod gan fod “naill ai Pennaeth y Gwasanaeth Cyflogedig, y Swyddog Adran 151 neu'r Swyddog Monitro'n ardystio y gallai unrhyw oedi sy'n debygol o gael ei achosi gan y weithdrefn galw i mewn wneud niwed i'r cyngor neu fudd y cyhoedd, gan gynnwys methu cydymffurfio â gofynion statudol".

Cyflwynodd yr Arweinydd a'r Aelod Cabinet dros Fuddsoddi, Adfywio a Thwristiaeth adroddiad ar y cyd a oedd yn ceisio cymeradwyaeth ar gyfer y trefniadau ar gyfer Blwyddyn Bontio Cronfa Ffyniant Gyffredin y DU 2025/26.

Penderfynwyd:

1)             Rhoi cymeradwyaeth i fwrw ymlaen â rhoi Blwyddyn Bontio'r Gronfa Ffyniant Gyffredin ar waith, fel yr amlinellir yn yr adroddiad, gydag Abertawe'n gweithredu fel Awdurdod Arweiniol De-orllewin Cymru.

2)             Dirprwyir y ddyletswydd o gwblhau unrhyw gytundebau priodol rhwng partneriaid awdurdodau lleol, fel y nodir yn y paragraffau goblygiadau cyfreithiol ac ariannol, i'r Cyfarwyddwr Lleoedd, y Cyfarwyddwr Cyllid a'r Prif Swyddog Cyfreithiol.

3)             Cymeradwyo'r cyllidebau arfaethedig fel y nodir ym mharagraff 6.

4)             Caiff dyfarniadau grant allanol dros £25,000 eu dirprwyo i'r Arweinydd mewn ymgynghoriad â'r Aelod Cabinet perthnasol, y Cyfarwyddwr Cyllid, y Cyfarwyddwr Lleoedd a'r Pennaeth Gwasanaeth Cynllunio ac Adfywio'r Ddinas neu unrhyw swyddog sydd wedi'i awdurdodi i arfer y ddirprwyaeth ar ei ran.

5)             Ar gyfer grantiau hyd at £25,000, dirprwyir penderfyniadau i'r Cyfarwyddwr Lleoedd, y Pennaeth Gwasanaeth Cynllunio ac Adfywio'r Ddinas, a'r Rheolwr Datblygiad Economaidd a Chyllid Allanol, mewn ymgynghoriad â'r Aelod Cabinet perthnasol.

6)             Dirprwyo penderfyniadau ar y prosiectau a gyflwynir yn fewnol o fewn y cyngor i'r Cyfarwyddwr Lleoedd mewn ymgynghoriad â'r Aelod Cabinet perthnasol. (e.e mân addasiadau i'r prosiect.)

7)             Bydd adroddiadau FPR7 pellach yn cael eu cyflwyno i'r Cabinet yn unol â Chyfansoddiad y Cyngor er mwyn nodi prosiectau cyfalaf ychwanegol sy'n deillio o'r Gronfa Ffyniant Gyffredin.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel y nodir yn yr adroddiad.

Penderfynwyd gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Ni ofynnwyd unrhyw gwestiynau.

Cyflwynodd Aelod y Cabinet dros Fuddsoddi, Adfywio, Digwyddiadau a Thwristiaeth adroddiad a oedd ceisio cymeradwyaeth, yn unol â Rheol 7 y Weithdrefn Ariannol (Rhaglennu ac Arfarnu Cyfalaf), i ymrwymo ac awdurdodi cost ddiwygiedig cynllun Sgwâr y Castell i'r Rhaglen Gyfalaf.

Gofynnodd y Swyddog Adran 151 i ddiwygiadau gael eu gwneud i'r adroddiad ac i'r argymhellion.

Penderfynwyd:

1)             Penderfynwyd cymeradwyo'r argymhellion a amlinellwyd yn yr adroddiad fel y’i diwygiwyd.