Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y cysylltiadau canlynol:

1)              Mynegodd y Cynghorydd J A Raynor gysylltiad personol â chofnod 177 "Penodiadau Llywodraethwyr yr Awdurdod Lleol" a dywedodd ei bod wedi cael goddefeb gan y Pwyllgor Safonau i aros, siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol;

2)              Mynegodd y Cynghorydd C E Lloyd gysylltiad personol â chofnod 178 "Adeiladu Rhaglen Cynnal a Chadw Cyfalaf 2019-2020”.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)              Cyfarfod y Cabinet a gynhaliwyd ar 14 Chwefror 2019.

1)              Gweddarlledu Cyfarfod

Dywedodd yr Aelod Llywyddol, fel rhan o'r gwaith cyfredol i fynd ati i weddarlledu cyfarfodydd y Cyngor, y Cabinet, y Pwyllgor Cynllunio a Phwyllgor y Rhaglen Graffu, fod y cyfarfod  yn cael ei recordio at ddibenion gweddarlledu. Ni fydd y cyfarfod yn cael ei ffrydio'n fyw am ein bod yn dal yn y cyfnod profi; fodd bynnag, caiff ei recordio. Os bydd y prawf yn llwyddiannus, caiff y cyfarfod ei gyhoeddi ar-lein.

2)              Diwygiadau/Cywiriadau i Agenda'r Cabinet

Eitem 12 "Dyfarnu'r Contract (Adeiladu) Cam Cyntaf ac Awdurdodi'r Rhaglen Gyfalaf perthnasol ar gyfer y Prosiect Ailfodelu ac Ailwampio yn Ysgol Gyfun Llandeilo Ferwallt.".

Dywedodd Arweinydd y Cyngor y dylid newid Argymhelliad 1 i ddarllen fel a ganlyn:

“Penodi contractwr 4 i gynnal y gwasanaeth cyn adeiladu hyd at £392,000 yn amodol ar gwblhau diwydrwydd dyladwy ariannol priodol.  Ystyrir mai contractwr 4 yw'r tendr mwyaf manteisiol yn economaidd a'r un sy'n rhoi gwerth gorau i'r awdurdod”.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Gofynnwyd nifer o gwestiynau gan aelodau o'r cyhoedd a oedd yn gysylltiedig â chofnod rhif 174 “Trefniadaeth Ysgolion sy’n gysylltiedig â Chynllun Strategol y Gymraeg mewn Addysg - Gan gynnwys y bwriad i gau YGG Felindre a Chynyddu Maint ac Ail-leoli YGG Tan-y-Lan ac YGG Tirdeunaw” a 175 “Adolygiad ysgol bach - Cynnig i gau Ysgol Gynradd Craig-cefn-parc”.

Ymatebodd Aelod perthnasol y Cabinet yn briodol.

Nid oedd angen ymateb ysgrifenedig ar unrhyw gwestiynau.

Gofynnodd y Cynghorydd BJ Rowlands y cwestiwn canlynol yn ymwneud â chofnodion174 “Trefniadaeth Ysgolion sy’n gysylltiedig â Chynllun Strategol y Gymraeg mewn Addysg - Gan gynnwys y bwriad i gau YGG Felindre a Chynyddu Maint ac Ail-leoli YGG Tan-y-Lan ac YGG Tirdeunaw” a 175 “Adolygiad ysgol bach - Cynnig i gau Ysgol Gynradd Craig-cefn-parc”

“Pa gymorth a chefnogaeth a roddwyd i blant yr ysgolion hyn i gynorthwyo eu lles meddyliol yn ystod y broses hon?”

Nododd Aelod perthnasol y Cabinet y byddai ymateb ysgrifenedig yn cael ei ddarparu.

Cyflwynodd y Cynghorydd P Jones, Cynullydd Panel Ymchwiliad Craffu - Yr Amgylchedd Naturiol, y canfyddiadau, y casgliadau a'r argymhellion yn deillio o Ymchwiliad y Panel i'r Amgylchedd Naturiol.

Penderfynwyd:

1)              Nodi'r adroddiad, a chafodd aelod perthnasol y Cabinet y dasg o gyflwyno ymateb ysgrifenedig i'r Cabinet.

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 3 2018/19 a oedd yn ceisio helpu i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywiro i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Penderfynwyd nodi ac adolygu'r canlyniadau perfformiad i helpu i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywiro i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd y Prif Swyddog Cyllid (Swyddog Adran 151) adroddiad a oedd yn darparu gwybodaeth er mwyn ystyried mabwysiadu Cynllun Cymorth Ardrethi dros dro newydd ar gyfer y Stryd Fawr, yn ymwneud ag Ardrethi Busnes, a gyflwynwyd gan Lywodraeth Cymru ar gyfer blwyddyn ariannol 2019/20.

Penderfynwyd:

1)              Nodi manylion y cynllun a'r cais;

2)              Mabwysiadu'r Cynllun Cymorth Ardrethi a'r broses ymgeisio fel y'u nodir yn yr adroddiad hwn, ar gyfer 2019/20.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ceisio rhoi ystyriaeth i wrthwynebiadau a dderbyniwyd yn ystod cyfnod yr Hysbysiad Statudol a gofynnodd am benderfyniad ar y cynigion yn yr adroddiad:

i)                Cau Ysgol Gynradd Gymraeg Felindre'n weithredol o 31 Awst 2019;

ii)               Cynyddu maint Ysgol Gynradd Gymraeg Tan-y-lan ar safle newydd o fis Ionawr 2021;

iii)             Cynyddu maint Ysgol Gynradd Gymraeg Tirdeunaw ar safle newydd o fis Ionawr 2021;

iv)             Rhoi newidiadau dalgylch sy’n gysylltiedig â 2) a 3) uchod ar waith o fis Medi 2021.

Penderfynwyd:

1)       Cau Ysgol Gynradd Gymraeg Felindre'n weithredol o 31 Awst 2019;

2)       Cymeradwyo cyhoeddiad yr Adroddiad Gwrthwynebu ar gyfer Ysgol Gynradd Gymraeg Felindre (fersiwn ddrafft yn Atodiad A yr adroddiad);

3)       Cynyddu nifer y lleoedd yn Ysgol Gynradd Gymraeg Tan-y-lan i 420 ynghyd â meithrinfa mewn ysgol newydd ei hadeiladu yn Heol Beacons View yn y Clâs o fis Ionawr 2021, gyda newidiadau dalgylch cysylltiedig yn cael eu rhoi ar waith o fis Medi 2021;

4)       Cynyddu nifer y lleoedd yn Ysgol Gynradd Gymraeg Tirdeunaw i 545 ynghyd â meithrinfa mewn ysgol newydd ei hadeiladu ar safle Ysgol Gyfun Gymraeg Bryn Tawe oddi ar Heol Gwyrosydd o fis Ionawr 2021, gyda newidiadau dalgylch cysylltiedig yn cael eu rhoi ar waith o fis Medi 2021.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ceisio rhoi ystyriaeth i wrthwynebiadau a dderbyniwyd yn ystod cyfnod yr Hysbysiad Statudol a gofynnodd am benderfyniad ar y cynnig i gau Ysgol Gynradd Craig-cefn-parc yn weithredol o 31 Awst 2019.

Penderfynwyd:

1)              Rhoi ystyriaeth i a nodi’r adroddiad gwrthwynebu (Atodiad A yr adroddiad);

2)              Cymeradwyo'r cynnig i gau Ysgol Gynradd Craig-cefn-parc yn weithredol o 31 Awst 2019;

3)              Cymeradwyo cyhoeddiad yr Adroddiad Gwrthwynebu.

Cyflwynwyd adroddiad gan Aelod y Cabinet dros Wella Addysg, Dysgu a Sgiliau, a oedd yn ceisio cymeradwyaeth i:

i)                Ddyfarnu contract Cam Un ar gyfer y gwaith i Dendr Rhif 4;

ii)               Ceisio caniatâd i ymrwymo cyfanswm o £551,469 i'r rhaglen gyfalaf i ariannu costau'r cyfnod cyn adeiladu. Cydymffurfio â Rheol 7 y Weithdrefn Ariannol ac awdurdodi cynllun newydd i'r Rhaglen Gyfalaf.

Penderfynwyd:

1)              Penodi contractwr 4 i gynnal y gwasanaeth cyn adeiladu hyd at £392,000 yn amodol ar gwblhau diwydrwydd dyladwy ariannol priodol.  Ystyrir mai contractwr 4 yw'r tendr mwyaf manteisiol yn economaidd a'r un sy'n rhoi gwerth gorau i'r awdurdod”.

2)              Ymrwymo £554,469 i'r Rhaglen Gyfalaf i ariannu costau'r cyfnod cyn adeiladu, gan gynnwys gwasanaeth cyn adeiladu contractwyr a ffïoedd mewnol;

3)              Awdurdodi'r Prif Swyddog Cyfreithiol i lunio dogfennaeth angenrheidiol i gwblhau'r contract a chyflawni'r prosiect;

4)              Dylid cyflwyno adroddiad pellach ar ddiwedd 2019 i ystyried cymeradwyo dyfarniad contract Cam Dau ac yn amodol ar gadarnhad a derbynioldeb costau adeiladu i ymrwymo cost y prosiect i'r Rhaglen Gyfalaf cyn i unrhyw waith ffisegol gael ei wneud.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn ceisio cytundeb ar y cynlluniau i'w hariannu drwy'r Rhaglen Cynnal a Chadw Cyfalaf.

Penderfynwyd:

1)              Cymeradwyo Cynlluniau Cynnal a Chadw Cyfalaf ar gyfer Gwasanaethau Adeiladu, fel y'u rhestrir yn Atodiad A;

2)              Rhoi awdurdod dirprwyedig i'r Cyfarwyddwr ac Aelod y Cabinet gymeradwyo cynlluniau Gwasanaethau Cymdeithasol unigol;

3)              Cymeradwyo a chynnwys y goblygiadau ariannol a nodwyd yn Atodiad C a D yn y Rhaglen Gyfalaf.

Cyflwynodd Aelod y Cabinet dros yr Amgylchedd a Rheoli Isadeiledd adroddiad a oedd yn ceisio cadarnhad am y Rhaglen Gwaith Cyfalaf ar gyfer asedau'r isadeiledd priffyrdd.

Penderfynwyd:

1)    Cymeradwyo'r dyraniadau arfaethedig, ynghyd â'r Goblygiadau Ariannol a nodir yn Atodiad A, ac y dylid eu cynnwys yn y Rhaglen Gyfalaf;

2)    Rhoi awdurdod dirprwyedig i Bennaeth Gwasanaeth Priffyrdd a Chludiant ar y cyd ag Aelod y Cabinet dros yr Amgylchedd a Rheoli Isadeiledd i flaenoriaethu, cwblhau a dyrannu cyllid i'r cynlluniau hynny a gynhwysir o fewn cwmpas yr adroddiad hwn ond nad oes cyfeiriad penodol atynt.

Cyflwynodd Aelod y Cabinet dros Gartrefi ac Ynni adroddiad a oedd yn darparu manylion y Rhaglen Grant Cyfleusterau i'r Anabl a'u Gwella ac yn ceisio cymeradwyaeth i gynnwys cynlluniau yn Rhaglen Gyfalaf 2019/20, er mwyn cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) ac i ymrwymo i’r cynlluniau a’u cymeradwyo yn unol â'r Rhaglen Gyfalaf.

Penderfynwyd:

1)              Y dylid cymeradwyo'r Rhaglen Grant Cyfleusterau i'r Anabl a'u Gwella, fel y'i nodwyd, gan gynnwys ei goblygiadau ariannol, ac y dylid ei chynnwys yng Nghyllideb Gyfalaf 2019/20.