Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)           Cyfarfod y Cabinet a gynhaliwyd ar 18 Mai 2023 a

2)           Chyfarfod Arbennig y Cabinet a gynhaliwyd ar 30 Mai 2023.

Ni wnaed unrhyw gyhoeddiadau gan Arweinydd y Cyngor.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu.

Gall y cyhoedd ddod a gofyn cwestiynau’n uniongyrchol os bydd amser.

Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Aelod y Cabinet dros Addysg a Dysgu adroddiad i fynd i'r afael â'r bylchau yn y ddarpariaeth bresennol ar gyfer dysgwyr sy'n agored i niwed yn Abertawe a defnyddio adnoddau sydd ar gael yn decach i ddiwallu anghenion pob dysgwr y mae angen addysg heblaw yn yr ysgol arno.

Penderfynwyd:

1)           Cynhelir ymgynghoriad gan Bennaeth y Gwasanaethau Dysgwyr Diamddiffyn, mewn ymgynghoriad â Phwyllgor Rheoli Uned Cyfeirio Disgyblion Maes Derw a rhanddeiliaid perthnasol eraill, i ystyried ad-drefnu'r UCD cyfredol yn fewnol er mwyn gwneud y mwyaf o'r cyfleoedd i ddiwallu anghenion ehangach disgyblion ar draws Abertawe.

2)        Yn dilyn yr ymgynghoriad, bydd adroddiad pellach yn cael ei baratoi ar gyfer y Cabinet gyda chanlyniadau'r ymgynghoriad, er mwyn gwneud penderfyniad ynghylch sut i symud ymlaen.

Cyflwynodd Aelod y Cabinet dros Drawsnewid Gwasanaethau adroddiad a oedd yn gofyn am gymeradwyaeth ôl-weithredol ar gyfer cais grant Llywodraeth Cymru ar gyfer y Rhaglen Ôl-osod er mwyn Optimeiddio (ORP). Cyhoeddwyd y grant ORP gan Lywodraeth Cymru i gefnogi mesurau effeithlonrwydd ynni ar gyfer tai cymdeithasol. Bydd y grant yn cefnogi mesurau inswleiddio a chaffael technolegau adnewyddadwy ac offer monitro. Bydd hwn yn ymrwymo'r cynlluniau i'r rhaglen gyfalaf yn unol â Rheolau Gweithdrefnau Ariannol y cyngor.

Penderfynwyd bod y Cabinet yn gwneud y canlynol:

1)           Cymeradwyo cynnig y Rhaglen Ôl-osod er mwyn Optimeiddio a nodir yn 2.0

2)           Dirprwyo awdurdod i'r Cyfarwyddwr Lleoedd, y Prif Swyddog Cyfreithiol a'r Prif Swyddog Cyllid ymrwymo i unrhyw gytundebau sy'n angenrheidiol i sicrhau y caiff y prosiectau eu cyflawni ac i ddiogelu buddiannau'r cyngor.

3)           Dirprwyo awdurdod i'r Cyfarwyddwr Lleoedd a'r Prif Swyddog Cyllid i adennill yr holl wariant sy'n gysylltiedig â chyflawni'r prosiectau gan Lywodraeth Cymru.

4)           Caiff unrhyw benderfyniadau pellach sy'n berthnasol i'r cyllid hwn eu dirprwyo i'r Cyfarwyddwr Lleoedd ac Aelod y Cabinet dros Drawsnewid Gwasanaethau. Bydd y cyllid yn cefnogi cynlluniau a gymeradwywyd drwy'r adroddiad blynyddol ar Gyllideb Gyfalaf HRA.

Cyflwynodd Aelod y Cabinet dros yr Amgylchedd ac Isadeiledd ac Aelod y Cabinet dros Drawsnewid Gwasanaethau adroddiad ar y cyd i gymeradwyo'r ceisiadau am gyllid ar gyfer y Gronfa Trafnidiaeth Leol (LTF), y Gronfa Trawsnewid Cerbydau Allyriadau Isel Iawn (ULEVTF) a'r Gronfa Teithio Llesol (CTLl), a gofynnodd am gymeradwyaeth ddirprwyedig ar ôl derbyn y llythyr dyfarnu grant at y Cyfarwyddwr ac Aelod y Cabinet dros Wariant ar y prosiectau cysylltiedig yn 2023/24.

Cydymffurfio â Rheol Gweithdrefn Ariannol Rhif 7 (Rhaglennu ac Arfarniadau Cyfalaf): neilltuo ac awdurdodi rhaglenni i’r Rhaglen Gyfalaf.

Penderfynwyd bod y Cabinet yn gwneud y canlynol:

1)            Cymeradwyo'r ceisiadau am arian grant a dirprwyo awdurdod i'r Cyfarwyddwr Cyllid ar y cyd ag Aelod y Cabinet dros yr Amgylchedd ac Isadeiledd, Aelod y Cabinet dros Drawsnewid Gwasanaethau a'r Cyfarwyddwr Lleoedd i dderbyn unrhyw gyllid grant a ddyfernir ar gyfer cynlluniau LTF, ULEVTF (Isadeiledd Gwefru Cerbydau Trydan) a CTLl.

2)           Cymeradwyo'r cynlluniau a'u hychwanegu at raglen gyfalaf y cyngor yn unol â FPR7.

Cyflwynwyd adroddiad gan Aelod y Cabinet dros Fuddsoddi, Digwyddiadau a Thwristiaeth a oedd yn cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi ychwanegu cynlluniau newydd at y Rhaglen Gyfalaf.

Penderfynwyd bod y Cabinet yn:

1)           Cymeradwyo derbyn grant Codi'r Gwastad Llywodraeth y DU o £20m.

2)           Cymeradwyo cyfraniad arian cyfatebol y cyngor o £8.76m drwy fenthyca digymorth.

3)           Awdurdodi ychwanegu'r cynllun a'i oblygiadau ariannol i'r Rhaglen Gyfalaf

4)           Dirprwyo awdurdod i'r Pennaeth Cynllunio ac Adfywio'r Ddinas, y Cyfarwyddwr Lleoedd a'r Prif Swyddog Cyllid i ddatblygu'r cynllun hwn o fewn y gyllideb gymeradwy.

Cyflwynodd Aelod y Cabinet dros yr Amgylchedd ac Isadeiledd adroddiad a oedd yn cadarnhau’r dyraniad grant 20 mya gan Lywodraeth Cymru a chynnwys y gwariant yn y rhaglen gyfalaf ar gyfer 2023/2024.

Penderfynwyd bod y Cabinet yn gwneud y canlynol: 

1)           Cymeradwyo derbyn y grant Gweithredu 20mya o £2,952,000 a chynnwys y gwariant hwn yn y rhaglen gyfalaf ar gyfer 2023/24.

Cyflwynodd Aelod y Cabinet dros yr Amgylchedd ac Isadeiledd adroddiad a oedd yn cadarnhau Dyraniad Cyfalaf Ychwanegol y Rhaglen Waith Priffyrdd 2023-24 ac i gydymffurfio â Rheol 7 y Weithdrefn Ariannol i neilltuo a chymeradwyo cynlluniau.

Penderfynwyd

1)            Cymeradwyo'r dyraniad o £1m ar gyfer Cynnal a Chadw Priffyrdd a'i gynnwys yn y Rhaglen Gyfalaf ar gyfer pob un o'r blynyddoedd ariannol 2023-2024, 2024-25 a 2025-26

2)            Cyflwyno'r dyraniad o £1m a gymeradwywyd yn flaenorol ar gyfer Cynnal a Chadw Priffyrdd ar gyfer 2024-25 a'i gynnwys yn y Rhaglen Gyfalaf ar gyfer 2023-2024.  

3)           Rhoi awdurdod i Bennaeth y Gwasanaeth Priffyrdd a Chludiant, gyda chydsyniad Aelod y Cabinet dros yr Amgylchedd a Rheoli Isadeiledd, i flaenoriaethu, cwblhau a chlustnodi arian i'r cynlluniau priodol yn unol â'r ymagwedd flaenoriaethu a nodwyd yn yr adroddiad hwn.