Lleoliad: O bell drwy Microsoft Teams. Cyfarwyddiadau
Cyswllt: Gwasanaethau Democrataidd: - 636923
Rhif | Eitem |
---|---|
Datgeliadau o fuddiannau personol a rhagfarnol. Penderfyniad: Yn unol â’r Cod Ymddygiad a
fabwysiadwyd gan Ddinas a Sir Abertawe, datganwyd y buddiannau a ganlyn:- Datganodd y Cynghorwyr PM Black a TM White fuddiant personol yng Nghofnod Rhif 73 – Cynllun Archwilio Mewnol 2020/21 – Adroddiad Monitro ar gyfer y Cyfnod 1 Hydref i 31 Rhagfyr 2021 a Chofnod Rhif 74 – Adroddiad Dilynol Argymhelliad Archwilio Mewnol – Chwarter 3 2021 /22. Cofnodion: Yn unol â'r Côd Ymddygiad a fabwysiadwyd gan Ddinas a Sir Abertawe,
datganwyd y buddiannau canlynol: - Cyhoeddodd y Cynghorwyr P M Black a T M White gysylltiadau personol â
chofnod rhif 73 - Cynllun Archwilio Mewnol 2020/21 - Adroddiad Monitro ar gyfer
y cyfnod rhwng 1 Hydref a 31 Rhagfyr 2021 a chofnod rhif 74 - Adroddiad Dilynol
am Argymhelliad yr Archwiliad Mewnol - Chwarter 3 2021/22. |
|
Cymeradwyo a llofnodi, fel cofnod cywir, gofnodion y cyfarfod(ydd)
blaenorol. Penderfyniad: Cymmeradwy. Cofnodion: Penderfynwyd cymeradwyo cofnodion cyfarfod blaenorol y Pwyllgor Archwilio fel cofnod
cywir. |
|
Canolfan Wasanaeth - Diweddariad Cyfrifon Derbyniadwy. Penderfyniad: Penderfynwyd:- 1) Nodi cynnwys y diweddariad; 2) Y Cyfarwyddwr
Cyllid / Swyddog Adran 151 yn dosbarthu'r nodiadau ynghylch y pynciau a drafodwyd i'r Pwyllgor. Cofnodion: Darparodd Ben
Smith, Cyfarwyddwr Cyllid/Swyddog Adran 151 ddiweddariad llafar ynghylch
Cyfrifon Derbyniadwy, yn enwedig datblygu’r gwaith o adennill anfonebau mor
gyflym ac effeithiol â phosib yn ogystal â'r ôl-groniad o waith adennill
anfonebau. Ychwanegodd fod yr adroddiad ar lafar oherwydd bod pwysau sylweddol
ar adnoddau staff o ganlyniad i gyhoeddiadau Llywodraeth Cymru a'r DU. Ychwanegwyd bod y
maes gwasanaeth wedi dychwelyd i'r un sefyllfa yr oedd ynddi ddwy flynedd yn ôl
o ran y cyd-destun ehangach. Er bod y maes gwasanaeth yn bwysig, defnyddiwyd
adnoddau staff i gefnogi meysydd gwaith ychwanegol ar gyfer yr awdurdod, gan
gynnwys grantiau cefnogi busnesau, grantiau cymorth ardrethi a grantiau
taliadau tanwydd y gaeaf. Amlinellwyd y
camau a gymerwyd o fewn yr adran/maes gwasanaeth, gan gynnwys parhau i gynnal
cyfarfodydd misol y Tîm Adennill Dyledion. Roedd lefelau'r dyledion sy’n
ddyledus hefyd yn cael eu monitro'n agos iawn ac ar ddiwedd mis Ionawr 2022,
roedd dyledion o £11 miliwn, ac roedd 80% o'r rheini'n
ddyledion tymor byr a 20% ohonynt yn ddyledion tymor hir. Fodd bynnag,
cydnabuwyd bod dyledion tymor hir wedi aros ar lefelau tebyg i'r blynyddoedd
blaenorol. Cyfeiriodd at
effaith Deddf Ansolfedd a Llywodraethu Corfforaethol
2020, yn enwedig y mesurau a gyflwynwyd, y gellid eu
rhannu'n ddwy ran: mesurau parhaol i ddiweddaru cynllun ansolfedd
y DU a mesurau dros dro o ran cyfreithiau ansolfedd a
llywodraethu corfforaethol i gynorthwyo busnesau yn ystod y pandemig.
Cyfeiriodd hefyd at y mesurau 'Lle i Anadlu' a gyflwynwyd mewn perthynas ag
adennill dyledion. Trafododd y Pwyllgor y canlynol: - ·
Tystiolaeth sy'n dangos bod addysg ychwanegol i adrannau
gwasanaethau ynghylch dyledion yn gweithio; ·
Lefelau cyffredinol dyledion a chymariaethau â
blynyddoedd blaenorol; ·
Mae gan Abertawe’r fantolen gryfaf o bob awdurdod lleol yng Nghymru; ·
Dyledion tymor hir heb eu casglu. Nododd y Prif
Archwilydd y cynhaliwyd archwiliad blynyddol ynghylch Cyfrifon Derbyniadwy ac
adroddir ar y canlyniadau yn yr Adroddiad Monitro ar gyfer Chwarter 4. Ychwanegodd y Cadeirydd
y dylid nodi'r holl bwysau ar draws pob maes ac y byddai angen i'r pwyllgor
gadw llygad ar y sefyllfa gan ei bod yn debygol o waethygu, nid gwella.
Ychwanegodd y byddai angen diweddariad pellach. Penderfynwyd:- 1)
Nodi cynnwys yr wybodaeth ddiweddaraf; 2)
Bydd y Cyfarwyddwr Cyllid/Swyddog Adran 151 yn
dosbarthu'r nodiadau ynghylch y pynciau a drafodwyd i'r pwyllgor. |
|
Dogfennau ychwanegol:
Penderfyniad: Er Gwybodaeth. Cofnodion: Cyflwynodd y Prif
Archwiliwr, Simon Cockings, adroddiad 'er gwybodaeth' manwl a oedd yn dangos yr
archwiliadau a gwblhawyd ac unrhyw waith arall a wnaed gan y Tîm Archwilio
Mewnol yn ystod y cyfnod o 1 Hydref 2020 i 31 Rhagfyr 2020. Cwblhawyd
cyfanswm o 20 o archwiliadau yn ystod y chwarter. Rhestrwyd yr archwiliadau a
gwblhawyd yn Atodiad 1, a oedd hefyd yn dangos lefel y sicrwydd a roddwyd ar
ddiwedd yr archwiliad a nifer yr argymhellion a wnaed ac y cytunwyd arnynt.
Roedd Atodiad 2 yn darparu crynodeb o'r cwmpas o'r adolygiadau terfynol yn
ystod y cyfnod. Rhoddwyd
dadansoddiad o lefelau sicrwydd yr archwiliadau a gwblhawyd a gwnaed cyfanswm o
105 o argymhellion archwilio a chytunodd y rheolwyr i weithredu'r holl
argymhellion. Darparwyd hefyd ddadansoddiad o'r argymhellion y cytunwyd arnynt
yn ystod y chwarter. Esboniwyd bod
mynediad at y rhan fwyaf o safleoedd y cyngor yn wedi'i gyfyngu oherwydd pandemig COVID-19, a achosodd effaith sylweddol ar allu'r
Tîm Archwilio i gwblhau profi ar y safle. Fodd bynnag, gyda llwyddiant y
rhaglen frechu yn erbyn COVID-19 ac wrth i rai cyfyngiadau lacio yn ystod y
chwarter, mae'r Tîm Archwilio wedi llwyddo i gynnal nifer o ymweliadau safle i
gwblhau gwaith profi ar y safle lle’r ystyriwyd bod hyn yn hanfodol er mwyn
cwblhau'r archwiliad. Parhaodd y sefyllfa gyfredol i gael effaith ar allu'r tîm
i barhau â busnes fel arfer mewn rhai achosion ac mae'r tîm wedi parhau i
weithio'n galed i wneud gwaith archwilio o bell yn y lle cyntaf. Dangosodd
ddadansoddiad o'r manylion a ddarparwyd yn Atodiad 3 y cwblhawyd 65 o
weithredoedd archwilio o gynllun archwilio 2021/22 erbyn 31/12/21 i'r cam
adroddiad drafft o leiaf (50%), ac mae 25 archwiliad ychwanegol ar waith (19%).
O ganlyniad, roedd oddeutu 69% o'r Cynllun Archwilio wedi'i gwblhau neu ar
waith. Esboniwyd na
wnaed unrhyw archwiliadau cymedrol dilynol yn ystod y chwarter. Trefnwyd i
gwblhau'r archwiliad Rheoli Absenoldeb dilynol yn ystod yr ail chwarter. Fodd
bynnag, yn dilyn y diweddariad gan Bennaeth y Ganolfan Gwasanaethau yn ystod
cyfarfod y pwyllgor ym mis Medi ac oherwydd pwysau staffio parhaus o fewn yr
adran, aildrefnwyd y gwaith dilynol i’w gwblhau yn ystod y pedwerydd chwarter. Trafododd y
pwyllgor y canlynol: - ·
Archwilio
Hanes Gweithwyr (GDG) - Cadarnhawyd bod yr adroddiad archwilio ar waith a
chaiff ei nodi fel rhan o Adroddiad Monitro Chwarter 4; ·
Profi
diogelu mewn perthynas â'r Gwasanaeth Larwm Cymunedol/Gwasanaeth Cyfarpar
Cymunedol er mwyn rhoi sicrwydd a'i gynnwys yn yr archwiliad Archwilio Hanes
Gweithwyr (GDG); ·
Cynnwys
yr archwiliad Diogelu ar wahân yng Nghynllun Archwilio 2022-23; ·
Y ffaith
nad oes llawer o sôn am reoli risgiau yn y crynodeb o gwmpas yr archwiliadau a
gwblhawyd yn Chwarter 3 2021/22, a'r sicrwydd bod pob risg yn cael ei nodi yn
yr archwiliadau; ·
Sut
mae’r Tîm Archwilio Mewnol yn adolygu'r risgiau'n flynyddol, gan edrych ar bob
cyfarwyddiaeth yn ei thro ac edrych yn fanwl iawn ar bob cyfarwyddiaeth; ·
Y Tîm
Archwilio Mewnol yn edrych ar Risgiau Corfforaethol bob blwyddyn a sut caiff
Risgiau Gwasanaeth eu huwchgyfeirio trwy MPA
adrannol; ·
Sut
mae'r broses bresennol yn ddigonol, yn gweithio'n effeithiol ac yn canolbwyntio
ar y broses yn ei chyfanrwydd a'r rhesymau dros uwchgyfeirio
materion; ·
Y
sicrwydd a roddwyd gan y Prif Archwilydd fod y gwaith ynghylch risgiau'n
ddigonol, y gwaith ychwanegol i archwilio risgiau sy’n cael ei wneud gan y Tîm
Archwilio Mewnol a’r gwelliannau a wnaed gan yr awdurdod mewn perthynas â
rheoli risgiau; ·
Yr
anhawster a wynebir gan y Tîm Archwilio Mewnol wrth edrych ar risgiau lefel
gwasanaeth oherwydd y manylder sy’n ofynnol; ·
Y
posibilrwydd o ddefnyddio ymagwedd o'r gwaelod i fyny yn hytrach na'r
gwrthwyneb; ·
Archwilio
Mewnol yn canolbwyntio ar y broses o uwchgyfeirio
materion wrth symud ymlaen; ·
Cwblhau
gwiriadau GDG yn yr Adran Wastraff, yn enwedig mewn perthynas â gweithwyr
asiantaethau; ·
Contract
Fframwaith Tacsis - yn enwedig gwiriadau GDG ar gyfer darparwyr gwasanaeth a
bod angen i'r broses adnewyddu contractau nodi bod angen i ddarparwyr roi
prosesau GDG ar waith. Nododd y Prif
Archwilydd y camau gweithredu ychwanegol i'w hychwanegu at y gwiriadau GDG ar
gyfer y gwasanaeth Larwm Cymunedol/Cyfarpar Cymunedol i'r archwiliad GDG ac y
dylid edrych ar wiriadau GDG ar gyfer gyrwyr/gweithwyr asiantaeth Gwastraff os
nad ydynt eisoes ar waith a chanolbwyntio ar y broses o uwchgyfeirio
materion ynghylch rheoli risg. Ychwanegodd y
Cadeirydd fod ganddi bryderon ynghylch y Contract Fframwaith Tacsis ond ei bod
wedi’i sicrhau ar ôl darllen yr adroddiad llawn. Ychwanegodd y byddai'r
pwyllgor yn elwa o ddarllen yr adroddiadau archwilio llawn ar Bartneriaethau a
Chyflawni'n Well Gyda'n Gilydd - Adfer ac Ailffocysu a oedd yn cynnwys
gwybodaeth fanwl ynghylch llywodraethu a risgiau a gofynnodd i'r rhain gael eu
dosbarthu i'r pwyllgor. Ychwanegodd ei bod wedi derbyn pob adroddiad archwilio
llawn a gofynnodd i aelodau'r pwyllgor gysylltu â hi'n uniongyrchol os hoffent
weld unrhyw adroddiadau. Llongyfarchodd y
Tîm Archwilio Mewnol am eu bod wedi cwblhau nifer o archwiliadau o dan
amgylchiadau anodd iawn. |
|
Adroddiad Dilynol ar Argymhelliad Archwilio Mewnol - Chwarter 3 2021/22. PDF 146 KB Dogfennau ychwanegol:
Penderfyniad: Er Gwybodaeth. Cofnodion: Cyflwynodd y Prif Archwilydd adroddiad 'er gwybodaeth' i'r pwyllgor, a oedd
yn darparu statws yr argymhellion a wnaed yn yr archwiliadau hynny lle y
gwnaethpwyd gwaith dilynol yn Chwarter 3 2021/22, a oedd yn caniatáu i'r
Pwyllgor Archwilio fonitro'r broses o weithredu argymhellion a wnaed gan
Archwilio Mewnol. Darparodd Atodiad 1 grynodeb o'r argymhellion a dderbyniwyd
ac a rhoddwyd ar waith. Darparodd Atodiad 2 fanylion am argymhellion na roddwyd
ar waith. Nododd y
Cadeirydd y dylid dod o hyd i ddatrysiad addas mewn perthynas ag Olrhain
Argymelliadau Archwiliadau Mewnol cyn gynted ag y bo modd er mwyn i'r cyngor
gael mwy o reolaeth dros y sefyllfa. |
|
Trosolwg Risg Corfforaethol - Chwarter 3 2021/22. PDF 313 KB Dogfennau ychwanegol: Penderfyniad: Er Gwybodaeth. Cofnodion: Cyflwynodd Adam Hill, Rheolwr Cyflwyno a Pherfformiad Strategol, adroddiad
Chwarter 3 2021/22 'er gwybodaeth' a oedd yn darparu trosolwg o statws Risgiau
Corfforaethol yn y cyngor i roi sicrwydd i'r Pwyllgor bod risgiau allweddol yn
cael eu rheoli'n unol â pholisi a fframwaith rheoli risgiau'r cyngor. Roedd y canlynol yn crynhoi statws y risgiau a gofnodwyd yn y Gofrestr Risgiau Corfforaethol yn Chwarter 3 2021/22: - ·
nodwyd 9 statws risg coch yn y
Gofrestr Risgiau Corfforaethol ar ddiwedd C3 2021/22; ·
Cofnodwyd bod yr holl risgiau wedi'u hadolygu o leiaf
unwaith yn ystod C3; ·
Ychwanegwyd 2 risg newydd at y gofrestr Risgiau
Corfforaethol: o
Rhif Adnabod Risg 306. WCCIS (System Wybodaeth Gofal
Cymunedol Cymru). o
Rhif Adnabod Risg 309. Oracle Fusion.
·
Cafodd 2 risg corfforaethol eu dadactifadu:
o
Rhif Adnabod Risg 223. Cyflwyno Rhaglen Trawsnewid
Abertawe Gynaliadwy. o
Rhif Adnabod Risg 296. Cyflenwi deunyddiau adeiladu. ·
Uwchgyfeiriwyd 1 risg o
Gofrestr Risgiau Corfforaethol y Gwasanaethau Cymdeithasol i'r Gofrestr Risgiau
Corfforaethol: o
Rhif Adnabod Risg 221. Argaeledd gofal cartref. ·
Rhoddwyd 1 risg gorfforaethol ar Gofrestr Risgiau
Corfforaethol Adnoddau unwaith eto: o
Rhif Adnabod Risg 155. Efadu trethi. Roedd yr
adroddiad yn Atodiad A yn cynnwys y risgiau ar 04/01/22 a gofnodwyd yng
Nghofrestr Risgiau Corfforaethol y cyngor. Roedd yr adroddiadau ar gyfer pob
risg yn cynnwys gwybodaeth esboniadol gyffredinol yn ymwneud â'u dosbarthiad. Ychwanegwyd y
trafodwyd yr angen i swyddogion cyfrifol adolygu'r Mesurau Rheoli a
phwysleisiwyd hyn yng nghyfarfod y Tîm Rheoli Corfforaethol ym mis Awst a
chafwyd trafodaeth ddilynol ym mis Hydref 2021. Mae Mesurau Rheoli a newidiadau
i'r Mesurau Rheoli ar gyfer y Risgiau Corfforaethol hyn yn cael eu hadolygu a
darparwyd adborth/cyngor ar wella’r rhain i'r swyddogion cyfrifol. Trafododd y
Pwyllgor y canlynol: - ·
Bod 4
o risgiau'r adran gwasanaethau cymdeithasol yn cael eu cynnwys yn y 9 risg
statws coch, sy'n adlewyrchu'r pwysau ar yr adran; ·
Y
problemau y mae staff yn eu profi gyda WCCIS, yr ymrwymiad a ddangoswyd i
ddatrys y problemau, cydnabod yr anawsterau a brofwyd wrth drosglwyddo i system
newydd gyda sefydliad partner a chydnabod y cynnydd a wnaed. Ychwanegodd y
Cadeirydd y byddai'n disgwyl problemau cychwynnol pan fydd systemau newydd yn
cael eu cyflwyno. Gofynnodd hefyd i'r Archwiliad Mewnol gynnwys Risg
Gorfforaethol mewn perthynas â WCCIS ac argaeledd gofal cartref ac iddynt gael
eu harchwilio'n gynnar yng Nghynllun Archwilio 2022/23. Ychwanegodd y Dirprwy Brif Weithredwr bod uwchgyfeirio
argaeledd gofal cartref o Gofrestr Risgiau Corfforaethol y Gwasanaethau
Cymdeithasol i'r Gofrestr Risgiau Corfforaethol yn dangos bod y system yn
gweithio'n iawn. |
|
Lleoliad: Amgylchedd Rheoli Mewnol 2021/22. PDF 259 KB Dogfennau ychwanegol: Penderfyniad: Er Gwybodaeth. Cofnodion: Cyflwynodd Martin
Nicholls, y Cyfarwyddwr Lleoedd adroddiad 'er gwybodaeth' a oedd yn darparu
amgylchedd rheoli'r Gyfarwyddiaeth Lleoedd, gan gynnwys rheoli risgiau, ar
waith er mwyn sicrhau: bod swyddogaethau'n cael eu harfer yn effeithiol; bod
defnydd economaidd, effeithlon ac effeithiol o adnoddau, a; bod llywodraethu
effeithiol i sicrhau'r trefniadau hyn. Amlinellodd yr
adroddiad y broses o fewn y gyfarwyddiaeth mewn perthynas â rheoli risgiau a
nodwyd bod disgwyl i'r Gyfarwyddiaeth Lleoedd gydymffurfio'n llawn wrth adolygu
mesurau rheoli, geirfa risgiau a lefelau risg bob mis fel rhan o ymagwedd
gydlynol. Roedd Atodiad A yn amlinellu’r Risgiau Corfforaethol a Risgiau’r
Gyfarwyddiaeth mewn adroddiad. Ychwanegwyd bod
gan bob maes gwasanaeth gynllun parhad cadarn, a oedd wedi'i brofi llawer dros
y 18 mis diwethaf yn ystod pandemig COVID, wrth i
feysydd gwasanaeth orfod addasu a newid i fodloni gofynion newydd heb beryglu
cyflwyno gwasanaethau fawr ddim. Darparwyd
manylion rheoli risgiau, parhad busnes, rheoli perfformiad/dangosyddion
perfformiad allweddol, gwneud penderfyniadau, rheoli cyllid ac adnoddau,
gweithdrefnau twyll ac amhriodoldeb ariannol a
chydymffurfio â pholisïau, rheolau a gofynion rheoliadol. Amlinellwyd bod y
gyfarwyddiaeth wedi datblygu tîm rheoli prosiect trawsbynciol i ddatblygu a
chyflwyno amrywiaeth eang o brosiectau a rhoddwyd enghreifftiau ohonynt.
Adolygwyd cynnydd prosiectau bob mis. Amlygodd yr adroddiad
hefyd nodweddion allweddol dulliau rheoli mewnol, diogelu data a llywodraethu
partneriaethau/cydweithio. Gofynnodd y
Pwyllgor nifer o gwestiynau i'r swyddog a ymatebodd yn briodol. Roedd
trafodaethau'n cynnwys y canlynol: - ·
Cadw staff technegol a sut roedd yr Adran yn gwneud
cynnydd o ran tyfu ei adnodd ei hun trwy ddarparu rhaglenni hyfforddi/cyflogi
prentisiaid er mwyn ceisio atal y farchnad breifat rhag cyflogi gweithwyr
dawnus. Fodd bynnag, cydnabuwyd bod bwlch cyflog sylweddol yn bodoli; ·
Gweithio mewn partneriaeth trwy Gyd-bwyllgor
Corfforaethol De-orllewin Cymru a Chyd-bwyllgor Dinas-ranbarth Bae Abertawe, yn
enwedig denu talent newydd a datblygu sgiliau drwy'r Fargen Ddinesig. Cyfeiriodd y
Cadeirydd at ddangosyddion perfformiad allweddol (DPA) a gofynnodd i wybodaeth
ychwanegol gael ei darparu mewn adroddiadau yn y dyfodol o ran canlyniadau
cadarnhaol a negyddol, yn enwedig mewn perthynas â lefelau uchel o absenoldeb
salwch yn yr adran Gwastraff, Parciau a Glanhau. Gofynnodd am sicrwydd ynghylch
y lefelau salwch uchel a'r defnydd o staff asiantaeth i weithio yn eu lle. Diolchodd y
Cadeirydd i'r Cyfarwyddwr am ddarparu adolygiad manwl o'r Gyfarwyddiaeth
Lleoedd. |
|
Strategaeth Gweithlu.. PDF 709 KB Penderfyniad: Er Gwybodaeth. Cofnodion: Rhoddodd Adrian
Chard, Rheolwr Adnoddau Dynol Strategol a Datblygu Sefydliadol, adroddiad 'er
gwybodaeth' am y broses i roi Strategaeth y Gweithlu ar gyfer Cyngor Abertawe
2022 i 2025 ar waith. Byddai'r
strategaeth yn cael ei datblygu i gyd-fynd â'r blaenoriaethau yn y Cynllun
Corfforaethol. Ychwanegodd fod y
blaenoriaethau strategol yn cynnwys pedair thema, sef: - ·
Arweinyddiaeth
a rheolaeth ·
Gweithlu
sy'n barod at y dyfodol ·
Bod
yn gyflogwr a ddewisir ·
Lles
a chynhwysiant yn y gweithlu Darparodd adborth
hefyd ar yr arolwg staff a nododd fod yr ymateb wedi bod yn wael, yn enwedig
gan staff y rheng flaen, ac eir i'r afael â hyn er mwyn cael darlun mwy
cyflawn. Cynhaliwyd hefyd weithdai a oedd yn cynnwys staff a'r Undebau Llafur
er mwyn trafod y pedair thema. Ychwanegwyd bod y
strategaeth yn cael ei chwblhau ar hyn o bryd gyda'r bwriad o gael cytundeb
terfynol gyda'r Tîm Rheoli Corfforaethol a'r Cabinet ym mis Chwefror. Yn
ogystal, yn amodol ar unrhyw newidiadau ychwanegol, y bwriad yw lansio'r
strategaeth drwy'r sianelu cyfathrebu ac ymgysylltu priodol ym mis Mawrth 2022.
Dilynwyd hyn gan
drafodaethau ar y canlynol: - ·
Y
meysydd gwaith eang o fewn y cyngor; ·
Boddhad
cwsmeriaid y cyngor; ·
Datblygu
llawlyfr/gwasanaethau staff drwy Staffnet; ·
Canolbwyntio
ar adnoddau staff yn hytrach nag ennill gwobrau gwasanaeth; ·
Ymagwedd
y cyngor at faterion cydraddoldeb. Croesawodd y
Cadeirydd gyflwyniad y strategaeth a gofynnodd am ddiweddariadau blynyddol i'r
Pwyllgor. |
|
Adroddiad Olrhain Camau Gweithredu'r Pwyllgor Archwilio. PDF 373 KB Penderfyniad: Er Gwybodaeth. Cofnodion: Darparwyd
Adroddiad Olrhain Camau Gweithredu'r Pwyllgor Archwilio a Llywodraethu 'er
gwybodaeth’. |
|
Cynllun Gwaith y Pwyllgor Archwilio. PDF 229 KB Dogfennau ychwanegol:
Penderfyniad: Er Gwybodaeth. Cofnodion: Adroddwyd am Gynllun Gwaith y Pwyllgor Archwilio 'er gwybodaeth’. Nododd y Cadeirydd Gynllun Gwaith Drafft 2022/2023 yn Atodiad 3, a oedd yn
cynnwys cyfrifoldebau ychwanegol y Pwyllgor. Ychwanegodd fod y broses o gyflogi 3 aelod lleyg yn parhau ac y byddai
rhestr fer o ymgeiswyr yn cael ei chyflwyno yn ystod cyfarfod y Pwyllgor
Penodiadau ar 9 Chwefror 2022. Nododd hefyd y byddai'r Pwyllgor yn parhau i adolygu'r gwaith a wnaed gan
Bwyllgor y Rhaglen Graffu er mwyn osgoi unrhyw ddyblygu. |