Manylion y penderfyniad

Clywodd y Pwyllgor apêl gan riant y disgybl a amlinellwyd yn yr adroddiad.

Cyflwynwyd yr apêl yn erbyn penderfyniad yr adran mewn perthynas â'r hawl am gludiant am ddim o'r cyfeiriad cartref i Goleg Gŵyr Abertawe.

Yna cyflwynodd rhieni’r disgybl a'u cynrychiolydd cyfreithiol sylwadau llafar i’r Pwyllgor i gefnogi eu cyflwyniadau ysgrifenedig ac amlinellwyd amgylchiadau penodol eu hapêl mewn perthynas â’r plentyn a’i amgylchiadau a’i amodau personol.

Cyfeiriwyd at y dystiolaeth a gyflwynwyd yn flaenorol a chyfeiriwyd at y dogfennau ychwanegol a gyflwynwyd y diwrnod cyn y cyfarfod.

Gwnaeth swyddogion yr adrannau Addysg a Thrafnidiaeth sylwadau llafar hefyd i gefnogi eu cyflwyniadau ysgrifenedig, fel y gwnaeth y swyddog o Goleg Gŵyr Abertawe.

Amlinellwyd y materion ynghylch y polisi a oedd yn ymwneud â'r pellter o'r eiddo i'r ysgol, y llwybrau cerdded/bws sydd ar gael ac argaeledd rhieni i gludo'r plentyn i'r ysgol ac amgylchiadau teuluol ychwanegol y manylwyd arnynt gan y swyddogion i'r pwyllgor.

Gofynnodd aelodau'r pwyllgor gwestiynau amrywiol i'r apelydd a'r swyddogion a ymatebodd yn briodol.

Ystyriodd y Pwyllgor yr holl gyflwyniadau llafar ac ysgrifenedig a wnaed gan y rhiant yn llawn.

Penderfynwyd:  -

1)    Cadarnhau'r apêl ar ran y disgybl a amlinellwyd yn yr adroddiad gan nad oedd y pwyllgor yn teimlo bod amgylchiadau eithriadol i'r achos.

2)    Bydd y Gwasanaethau Cymdeithasol a'r Adran Addysg yn cydweithio i ddod o hyd i'r ffordd fwyaf cost-effeithiol o gludo'r disgybl ac aelod arall o'r teulu i'w sefydliad addysg presennol.

3)    Er lles pennaf y plentyn, bydd yn parhau yn ei sefydliad addysgol presennol.