Manylion y mater

Mae llunio Cynllun Cyfiawnder Ieuenctid yn ddyletswydd statudol ar yr awdurdod lleol o dan Ran 3, Adran 40 Deddf Troseddu ac Anhrefn 1998.

Mae'r cynllun yn nodi:

a)       sut y dylai gwasanaethau cyfiawnder ieuenctid gael eu darparu a'u hariannu, a

b)       sut y bydd y Gwasanaeth Troseddau Ieuenctid a sefydlwyd gan yr awdurdod lleol yn cael ei gynnal a'i ariannu, sut y bydd yn gweithredu a'i swyddogaeth.

Gosododd Deddf Troseddu ac Anhrefn 1998, Adran 39(1) ddyletswydd ar bob awdurdod lleol, gan weithredu gyda'i bartneriaid statudol (yr Heddlu, y Gwasanaeth Prawf ac Iechyd) i sefydlu Timau Troseddu Ieuenctid yn eu hardal leol i ddarparu gwasanaethau cyfiawnder ieuenctid. Gosododd Adran 38(3) y Ddeddf ddyletswydd ar yr awdurdod lleol a'i bartneriaid statudol i dalu am dreuliau a geir wrth ddarparu gwasanaethau cyfiawnder ieuenctid.

Bwriad Gwasanaeth Cyfiawnder Ieuenctid ac Ymyrryd yn Gynnar Bae'r Gorllewin yw sicrhau bod gwasanaethau cyfiawnder ieuenctid ar gael ar draws ardal Bae'r Gorllewin; Pen-y-bont ar Ogwr, Abertawe a Chastell-nedd Port Talbot. Mae'n cynnwys gwybodaeth sy'n ymwneud â:

-        Chrynodeb o gyflawniadau

-        Strwythur a llywodraethu

-        Adnoddau a gwerth am arian

-        Trefniadau'r bartneriaeth

-        Risgiau i ddarpariaeth y dyfodol yn erbyn mesurau canlyniadau cyfiawnder ieuenctid.