Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y cysylltiadau canlynol:

Cynghorwyr

Y Cynghorydd C A Anderson – Personol - Cofnod Rhif 51 - Deddf Llywodraeth Leol (Darpariaethau Amrywiol) 1976 - Cais am Drwydded i Yrru Cerbyd Hurio Preifat Cyfyngedig - Nissan NV200 - rwy'n adnabod yr ymgeisydd. 

Y Cynghorydd N J Davies - Personol - Cofnod Rhif 54 - Deddf Cyfrifoldebau Heddluoedd Trefol 1847 - Deddf Llywodraeth Leol (Darpariaethau Amrywiol) 1976 - Cais am Drwydded i Yrru Cerbyd Hacni a Hurio Preifat - KSR. Rwy'n adnabod yr ymgeisydd yn broffesiynol. Gadawodd y Cynghorydd N J Davies y cyfarfod cyn ystyried yr eitem.

Swyddogion

Samantha Woon - Personol - Cofnod Rhif 55 - Deddf Cyfrifoldebau Heddluoedd Trefol 1847 - Deddf Llywodraeth leol (Darpariaethau Amrywiol) 1976 - Cais AJR am Drwydded i Yrru Cerbyd Hacni a Hurio Preifat - rwy'n adnabod yr ymgeisydd. Gadawodd Samantha Woon y cyfarfod cyn ystyried yr eitem.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cytuno bod cofnodion y Pwyllgor Trwyddedu Statudol a gynhaliwyd ar 9 Tachwedd 2018 yn gofnod cywir.

Cyflwynodd y Rheolwr Trwyddedu, Bwyd a Diogelwch adroddiad a oedd yn ceisio diddymu isafswm maint injan/gofyniad cynhwysedd.

Manylodd ar yr wybodaeth gefndirol, y sefyllfa bresennol, y cynnig, yr ymchwil, yr ystyriaethau a’r argymhellion.

Gofynnodd yr aelodau gwestiynau i'r swyddog a ymatebodd yn briodol.

Penderfynwyd diddymu'r amod sy'n gofyn bod maint injan cerbyd hacni a/neu gerbyd hurio preifat cyfyngedig yn llai na 1500cc.

Penderfynwyd cymeradwyo trwydded cerbyd hurio preifat cyfyngedig Mr Harris mewn perthynas â'r Nissan NV200, rhif cofrestru NK12 FHW, a'i hadnewyddu yn ôl teilyngdod.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â chais MC i gael ei eithrio o gludo defnyddwyr cadair olwyn mewn cerbyd hacni a/neu gerbyd hurio preifat.

Esboniodd MC yr amgylchiadau ac atebodd gwestiynau'r aelodau.

Penderfynwyd cymeradwyo cais MC i gael ei eithrio o gludo defnyddwyr cadair olwyn mewn cerbyd hacni a/neu gerbyd hurio preifat, tan fis Tachwedd 2021.

Dywedodd y Rheolwr Trwyddedu, Bwyd a Diogelwch fod y mater wedi'i ohirio o'r cyfarfod ar 9 Tachwedd, 2018 er mwyn i KSR drefnu cynrychiolaeth gyfreithiol. 

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â chais KSR am drwydded i yrru cerbydau hacni a cherbydau hurio preifat.

Esboniodd KSR yr amgylchiadau ac atebodd gwestiynau'r aelodau.

Penderfynwyd gwrthod cais KSR am drwydded yrru cerbyd hacni a cherbyd hurio preifat.

Rheswm dros y penderfyniad

1.     Nid oedd yr aelodau'n fodlon bod KSR yn berson addas a phriodol;

2.     Mae'r canllawiau'n nodi bod rhaid i gyfnod o o leiaf dair blynedd heb euogfarnau mewn perthynas â thrais fynd heibio cyn yr ystyrir cais;

3.     Ni ddarparwyd rhesymau argyhoeddiadol gan yr ymgeisydd dros fynd yn groes i'r canllawiau;

4.     Ni dderbyniodd yr ymgeisydd unrhyw fai am y troseddau.  

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â chais AJR am drwydded i yrru cerbydau hacni a cherbydau hurio preifat.

Esboniodd AJR yr amgylchiadau ac atebodd gwestiynau'r aelodau.

Penderfynwyd gwrthod cais AJR am drwydded yrru cerbyd hacni a hurio preifat.

Rheswm dros y penderfyniad

1.     Nid oedd yr aelodau'n fodlon bod AJR yn berson addas a phriodol;

2.     Mae'r canllawiau’n ddewisol o ran a ddylid cymeradwyo trwydded ar ôl i drwydded yrru'r DVLA gael ei hadfer yn dilyn gwaharddiad;

3.     Ystyriodd y pwyllgor yn yr achos hwn fod nifer yr euogfarnau am oryrru o fewn cyfnod byr, tair euogfarn o fewn 12 mis, a bod hyn yn dangos patrwm difrifol o droseddu gan warantu ymagwedd gryfach.  

4.     Ystyriodd y pwyllgor na fu troseddau pellach yn ystod y tair blynedd diwethaf, fodd bynnag ni ddangosodd yr ymgeisydd ei fod wedi dysgu o'i gamgymeriadau blaenorol.