Agenda, decisions and minutes

www.abertawe.gov.uk/DatgeluCysylltiadau

Datganodd y Cynghorydd R Fogarty gysylltiad personol â Chofnod 35 “Polisi Adennill Dyled Corfforaethol Drafft”.

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

Datganodd y Cynghorydd R A Fogarty gysylltiad personol â Chofnod Rhif 35 "Polisi Adennill Dyledion Personol Corfforaethol Drafft'.

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd.

Penderfynwyd cymeradwyo cofnodion y Pwyllgor Cyflawni Corfforedig Diogelu Pobl a Threchu Tlodi a gynhaliwyd ar 23 Ionawr 2023 a'u llofnodi fel cofnod cywir.

Nodwyd.

Rhoddodd Deborah Reed, Prif Swyddog (Adnoddau) ac Arweinydd Gweithlu ar gyfer Rhaglen Gweithlu'r Gyfarwyddiaeth Gwasanaethau Cymdeithasol gyflwyniad Powerpoint ar y Rhaglen Gweithlu sefydledig o fewn y Gyfarwyddiaeth Gwasanaethau Cymdeithasol.

Amlinellodd y cyflwyniad y canlynol:

Ø    Strwythur y rhaglen a'r prosiectau amrywiol a oedd yn gysylltiedig â rhaglen y gweithlu;

Ø    Y gwaith a wnaed o fewn rhaglen y Gyfarwyddiaeth o ran y canlynol:

Ø   Recriwtio a Chadw;

Ø   Rhaglen Prentisiaethau;

Ø   Data'r gweithlu;

Ø   Absenoldeb;

Ø   Hyfforddiant

Ø    Prosiectau Ychwanegol: 

Ø   Strategaeth y Gweithlu gorfforaethol;

Ø   Oracle Fusion;

Ø   Caffael staff asiantaeth

Ø    Y Gwasanaethau Plant a Theuluoedd:

Ø   Lles;

Ø   Datblygu Staff;

Ø   Addewid Cymru Gyfan - Memorandwm o Gydweithredu

Ø    Y Gwasanaethau i Oedolion:

Ø   Lles;

Ø   Datblygu Staff;

Ø   Strwythurau

Ø    Datblygiadau yn y dyfodol:

Ø   Trawma Eilaidd/Dirprwyol - ataliaeth a chefnogaeth ar draws y gyfarwyddiaeth

Ø   Cynllun Gwobrau a Chydnabyddiaeth y Gwasanaethau i Oedolion

Ø   Llwybr Cynnydd y Gwasanaethau i Oedolion

Ø   Y Gymraeg - sicrhau ei bod wedi'i chynnwys yn holl ddatblygiadau'r rhaglen

Ø   Cyflwyno'r Addewid Cymru Gyfan yn rhanbarthol ar draws y Gwasanaethau i Oedolion

Gofynnodd y pwyllgor gwestiynau amrywiol, ac atebodd y swyddog yn briodol iddynt.

Diolchodd y Cadeirydd i'r Prif Swyddog am y cyflwyniad llawn gwybodaeth a dywedodd ei fod yn edrych ymlaen at dderbyn diweddariadau pellach.

Cymeradwywyd.

Cyflwynodd Rheolwr y Gwasanaeth Trechu Tlodi adroddiad i ddatblygu a mabwysiadu polisi sy'n ymgorffori ymagwedd gorfforaethol at reoli adennill dyledion personol.

Penderfynwyd bod y Pwyllgor Cyflawni Corfforedig Diogelu Pobl a Threchu Tlodi yn cymeradwyo bod y Polisi Adennill Dyledion  Personol Corfforaethol Drafft yn symud ymlaen i ymgynghoriad cyhoeddus ffurfiol.

Er gwybodaeth.

Cyflwynodd y Rheolwr Gwasanaeth Trechu Tlodi adroddiad “er gwybodaeth” i roi’r wybodaeth ddiweddaraf i’r Pwyllgor am y gwaith a wnaed hyd yma o ran llunio Polisi/Strategaeth Gwirfoddoli Cyngor Abertawe.

Caiff yr eitem ganlynol ei hychwanegu at y cyfarfod a drefnwyd ar gyfer 27 Mawrth 2023:

·                    Datblygu Arweiniad Arfer Gorau i Gydlynwyr Ardaloedd Lleol (Diweddariad).

Cyflwynodd y Cadeirydd y Cynllun Gwaith ar gyfer 2022-2023.

Penderfynwyd ychwanegu’r eitem ganlynol at agenda’r cyfarfod a drefnwyd ar gyfer 27 Mawrth 2023:

·                    Datblygu Canllaw Arfer Gorau ar gyfer Cydlynu Ardaloedd Lleol (diweddariad).