Agenda, decisions and minutes

www.abertawe.gov.uk/DatgeluCysylltiadau

Datganodd y Cynghorydd H Lawson gysylltiad personol â Chofnod 17 “Datblygu Strategaeth Gwirfoddoli Cyngor Abertawe”.

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

Datganodd y Cynghorydd H Lawson gysylltiad personol â Chofnod 17 "Datblygu Strategaeth Gwirfoddoli Cyngor Abertawe."

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd.

Penderfynwyd cymeradwyo cofnodion Pwyllgor Cyflawni Corfforedig Diogelu Pobl a Threchu Tlodi a gynhaliwyd ar 25 Gorffennaf 2022 a'u llofnodi fel cofnod cywir.

Nodwyd.

Ar ran Arweinydd y Gweithlu, rhoddodd Cyfarwyddwr y Gwasanaethau Cymdeithasol gyflwyniad ar Raglen y Gweithlu, Gwasanaethau Cymdeithasol; Creu gweithlu i gyflwyno rhagor o wasanaethau gofal yn uniongyrchol.

Roedd y cyflwyniad yn canolbwyntio ar y canlynol:

·         Ar draws Cyfarwyddiaethau - Pethau sy'n ymwneud yn benodol â Llywodraeth Cymru;

·         Mentrau'r Gweithlu ar draws Cyfarwyddiaethau;

·         Pethau y mae modd eu cyflawni yn y Gwasanaethau Plant a Theuluoedd;

·         Pethau y mae modd eu cyflawni yn y Gwasanaethau i Oedolion a Threchu Tlodi

Roedd trafodaethau'n cynnwys y canlynol:

·         Prentisiaethau;

·         Cyfleoedd llwybr carlam/cymhellion recriwtio

·         Mentora a chefnogaeth i bob aelod o staff;

·         Recriwtio Gweithwyr Cymdeithasol o dramor;

Diolchodd y Cadeirydd i Gyfarwyddwr y Gwasanaethau Cymdeithasol am y cyflwyniad a llongyfarchodd holl staff y Gwasanaethau Cymdeithasol am y gwaith a wnaed yn ystod cyfnod heriol iawn.

Er gwybodaeth.

Cyflwynodd Pennaeth y Gwasanaethau i Oedolion a Threchu Tlodi, gyda chefnogaeth y Rheolwr Datblygu Strategaeth Tlodi a'i Atal, adroddiad “er gwybodaeth” a oedd yn amlinellu'r cynnydd o ran datblygu Strategaeth Gwirfoddoli Cyngor Abertawe.

Byddai diweddariad pellach yn cael ei roi i’r Pwyllgor yn ei gyfarfod a drefnwyd ar gyfer 28 Tachwedd 2022.

Diolchodd y Cadeirydd i'r Swyddogion am y diweddariad.

Cymeradwywyd.

Cyflwynodd Pennaeth y Gwasanaethau i Oedolion a Threchu Tlodi, gyda chefnogaeth y Rheolwr Datblygu Strategaeth Tlodi a'i Atal, adroddiad i ddatblygu a mabwysiadu polisi sy'n gwreiddio ymagwedd gorfforaethol at reoli adennill dyledion personol.

Penderfynwyd bod y Pwyllgor Cyflawni Corfforedig Diogelu Pobl a Threchu Tlodi yn argymell bod y polisi drafft yn cael ei symud ymlaen i'r Tîm Rheoli Corfforaethol, y broses AEI ddilynol, Ymgynghoriad Cyhoeddus a'r cyngor er mwyn cymeradwyo'r polisi terfynol.

Nodwyd.

Cyflwynodd y Cadeirydd y Cynllun Gwaith ar gyfer 2022-2023.

Penderfynwyd y dylid nodi'r cynllun gwaith yn amodol ar y diwygiadau canlynol:

1)           Ychwanegu "Datblygu Strategaeth Gwirfoddoli Cyngor Abertawe" at yr agenda ar gyfer y cyfarfod ar 28 Tachwedd 2022;

2)           Cynnal trafodaeth bellach mewn perthynas â "Rhaglen y Gweithlu - Gwasanaethau Cymdeithasol; Creu gweithlu i gyflwyno rhagor o wasanaethau gofal yn uniongyrchol”.