Lleoliad: O bell drwy Microsoft Teams
Cyswllt: Swyddog Craffu - E-bost: emily-jayne.davies@swansea.gov.uk
Rhif | Eitem |
---|---|
Cadarnhau Cynullydd Cofnodion: PENDERFYNWYD ailbenodi'r Cynghorydd Peter Jones yn gynullydd y panel ar gyfer blwyddyn ddinesig 2020/21. |
|
Datgeliadau o fuddiannau personol a rhagfarnol Cofnodion: Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau. |
|
Gwahardd pleidleisiau Chwip a Datgan Chwipiau'r Pleidiau Cofnodion: Yn unol â Mesur Llywodraeth Leol (Cymru) 2011, ni ddatganwyd pleidleisiau chwip na chwipiau'r pleidiau. |
|
Cofnodion y Cyfarfod(ydd) Blaenorol PDF 239 KB Derbyn nodiadau’r cyfarfod(ydd) blaenorol a chytuno eu bod yn gofnod cywir Cofnodion: Cytunwyd bod cofnodion cyfarfodydd Panel Craffu Perfformiad yr Amgylchedd Naturiol, a gynhaliwyd ar 1 Medi 2020, yn gofnodion cywir. |
|
Cwestiynau gan y Cyhoedd Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud. Cofnodion: Ni chafwyd cwestiynau gan y cyhoedd. Cafwyd rhywfaint o drafodaeth gan Aelodau'r Panel am gyfleoedd i gynyddu ymwybyddiaeth o waith y panel gyda'r cyhoedd a rhanddeiliaid, gan gynnwys sefydliadau amgylcheddol lleol, gan y gobeithir y byddai hyn yn arwain at well ymgysylltiad â'r panel. |
|
Cadwraeth Natur - Diweddariadau am y Prosiect PDF 265 KB Gwahodd i fynychu Paul Meller - Rheolwr Adran Amgylchedd Naturiol Deborah Hill – Arweinydd Tîm: Tîm Cadwraeth Natur Dogfennau ychwanegol: Cofnodion: Cynhaliodd y panel drafodaeth ar waith Tîm Cadwraeth Natur y cyngor. Croesawodd y panel yr wybodaeth ddiweddaraf gyda Chofnod Camau Gweithredu Bioamrywiaeth ac Isadeiledd Gwyrdd yn dangos gwaith cyfredol ac arfaethedig. Roedd yr adroddiad yn canolbwyntio ar y camau gweithredu o dan Amcan Adnoddau Naturiol a Bioamrywiaeth y Cynllun Corfforaethol a gwaith sy'n deillio o argymhellion Ymchwiliad Craffu'r Amgylchedd Naturiol. Nodwyd nad oedd y gwaith prosiect tymor hir hwn yn cwmpasu'r holl weithgareddau, a'i fod yn ychwanegol at gyflawni dyletswyddau statudol dyddiol. Ystyriodd y panel brif weithgareddau'r prosiect, yr amserlenni cyflawni a'r cynnydd, fel y dangosir yn y Cofnod Camau Gweithredu. Canolbwyntiodd y drafodaeth ar y canlynol:
Manteisiodd y panel ar y cyfle i gydnabod gwaith caled ac ymdrechion y Tîm Cadwraeth Natur, sydd wedi ymdrin ag ystod eang o faterion, yn enwedig yn ystod y flwyddyn ddiwethaf gyda'r cyfyngiadau symud. Ystyriodd aelodau'r panel yr wybodaeth a ddarparwyd, gan ofyn cwestiynau, a mynegi'u barn am y gweithgareddau a drafodwyd a chynnydd. Diolchodd y Cadeirydd iddynt am eu mewnbwn. CYTUNWYD y byddai'r Panel yn ysgrifennu at Aelodau'r Cabinet gyda'i farn a'i argymhellion. |
|
Cynllun Gwaith 2021-22 PDF 437 KB Panel i gytuno ar bynciau Cynllun Gwaith 2021-22 Cofnodion: Ystyriodd y panel ffocws cyfarfodydd a blaenoriaethau yn y dyfodol, a chytunodd ar y cynllun gwaith drafft a gyflwynwyd gan y Cynullydd. Ychwanegodd y bydd y cynllun gwaith yn parhau i fod yn hyblyg ac yn destun adolygiad parhaus gan y panel er mwyn sicrhau ffocws ar y pynciau cywir. Cynhelir cyfarfod nesaf y panel ar 19 Mai, oherwydd y'i symudwyd o fis Ebrill, i drafod cynnydd o ran gweithredu ar y Newid yn yr Hinsawdd gan gynnwys adborth yn dilyn ymgynghoriad cyhoeddus gan y cyngor. |
|
Ymgynghoriad Cynllun Gweithredu Newid yn yr Hinsawdd Er gwybodaeth yn unig – ymgynghoriad Cynllun Gweithredu Newid yn yr Hinsawdd (dolen i’r papurau) Cofnodion: Cyfeiriodd y Cynullydd at ymgynghoriad cyhoeddus presennol y cyngor ar Newid yn yr Hinsawdd ac anogodd aelodau'r panel i ymateb i'r arolwg ar yr hinsawdd a ddaeth i ben ar 28 Mawrth. |
|