Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Yn unol â Mesur Llywodraeth Leol (Cymru) 2011, ni ddatganwyd pleidleisiau chwip na chwipiau'r pleidiau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunwyd bod cofnodion cyfarfod Panel Craffu Perfformiad yr Amgylchedd Naturiol, a gynhaliwyd ar 6 Hydref 2021, yn gofnod cywir.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chafwyd cwestiynau gan y cyhoedd.

Mark Thomas - Aelod Y Cabinet Dros Gwella'r Amgylchedd a Rheoli Isadeiledd

Chris Howell - Pennaeth Rheoli Gwastraff a Gweithrediadau Parciau

Jeremy Davies - Arweinydd Grŵp Parciau a Glanhau

Mark Barber - Swyddog yr Amgylchedd Naturiol a Bioamrywiaeth

 

 

Derbyniodd y Panel drosolwg gan y Cyng. Mark Thomas, Aelod y Cabinet dros Wella'r Amgylchedd a Rheoli Isadeiledd. Roedd swyddogion hefyd yn bresennol i gynorthwyo'r drafodaeth ac ateb cwestiynau.

 

Canolbwyntiwyd ar y canlynol yn ystod y drafodaeth:

·       Cynyddu bioamrywiaeth drwy raglenni rheoli.

·       Lleihau dibyniaeth o glyffosad a'r defnydd ohono drwy holl wasanaethau'r cyngor.

·       Yr Adran Priffyrdd sy'n defnyddio'r swm mwyaf o glyffosad, nid yr adran parciau (er y defnyddir rhywfaint ar Ganclwm Japan).

·       Mae'r Adran Priffyrdd yn rheoli chwyn ar ffyrdd, felly nid yr adran Parciau sy'n gyfrifol am hyn.

·       Cynhelir y rhaglen bresennol ar gontract 3 blynedd gyda chwmni allanol, a chwblheir y gwaith drwy weithrediad peiriannau. Dyma fu'r dull mwyaf effeithiol ac effeithlon hyd yma.

·       Cododd aelodau bryderon fod rhai ffyrdd pengaead yn cael eu colli gan gontractwyr.

·       Clywodd y panel y gellir gofyn i gontractwyr ddychwelyd ac ailchwistrellu os na fydd y gwasanaeth hwnnw'n foddhaol mewn ardal benodol.

·       Mae'r broses i adnewyddu'r contract ar waith, gan ystyried unrhyw ddulliau cymwys eraill sydd ar gael, i leihau'r defnydd o glyffosad.

·       Nid yw profion y cyngor o dechnolegau/driniaethau eraill wedi arwain at raglen fwy effeithiol eto.

·       Eglurwyd bod y rhaglen wedi wynebu anawsterau yn 2021 oherwydd glaw/stormydd. Daeth chwyn yn anodd ei reoli a derbyniwyd cwynion ynghylch chwyn wedi gordyfu.

·       Mae gan yr Adran Priffyrdd lwfans cyllidebol ychwanegol i greu tîm, a fydd yn canolbwyntio ar fannau lle ceir llawer o chwyn.

·       Mae'r panel yn ymwybodol o risgiau ac agweddau ar bryder sy'n ymwneud â'r defnydd o glyffosad.  Cydnabu aelodau fod ambell opsiwn effeithiol arall i reoli chwyn ar hyd y rhwydwaith priffyrdd.

·       Ailadroddodd y Cyng. Thomas fod glyffosad yn gynnyrch sydd wedi'i drwyddedu'n llawn ac nad yw'r cyngor yn defnyddio cynnyrch sy'n anniogel.

·       Trafododd aelodau ganlyniadau chwyn sy'n cael ei adael i ddifrodi waliau a phalmentydd, gan gynnwys y potensial i aelodau cymunedol gymryd rhan mewn rhaglenni chwynnu.

·       Cododd yr aelodau'r opsiwn o wardiau'n dewis peidio â chwistrellu chwyn, gan ddyfynnu enghraifft 'Strydoedd Byw Uplands', grŵp sydd â diddordeb mewn triniaeth lle defnyddir llai o glyffosad.

·       Clywodd y Panel, er na all tai unigol ddewis peidio â chael y driniaeth, gallai wardiau neu strydoedd ddewis peidio â dilyn y rhaglen chwistrellu chwyn.

·       Clywodd y Panel, o ran gwella bioamrywiaeth, y bydd rhai ardaloedd o wair sy'n cael eu gadael i dyfu'n hirach.

·       Holodd Aelodau ynghylch sut i adrodd wrth y cyngor am chwyn/blanhigion na ellir eu henwi. Dywedodd swyddogion y gellid cyflwyno cofnod ar ffurf llun, neu ddefnyddio apiau enwi allanol. Roedd swyddogion yn mynd ati i ddarparu dolenni i apiau o'r fath er gwybodaeth.

·       Cododd Aelodau'r Panel rai pryderon ynghylch y posibilrwydd o werthu mannau gwyrdd i aelodau'r cyngor.

·       Dyfynnodd yr Aelodau gastell Casllwchwr fel enghraifft o fan gwyrdd sy'n cael ei adael yn llwyddiannus i droi'n ddôl, gan annog twf blodau gwyllt.

·       Amlygwyd bod twf blodau gwyllt yn cael ei hyrwyddo drwy bridd â llai o faeth ynddo. Mae toriadau gwair sy'n cael eu gadael ar y tir felly'n wrthgynhyrchiol i dwf blodau gwyllt.

·       Bu angen defnyddio cyfarpar arbenigol i gael gwared ar doriadau gwaith o safleoedd blodau gwyllt. Mae cyllid gan Lywodraeth Cymru wedi galluogi'r cyngor i brynu peiriant 'torri a chasglu' arbenigol.

·       Gwnaeth yr Aelodau sylwadau ar y toriadau gwair sy'n cael eu gadael ar ôl i ymylon ffyrdd gael eu torri, a'r maeth sy'n cael ei adael i gynorthwyo twf yn y dyfodol, gan ddweud y gall y toriadau gyfrannu weithiau at rwystro gylïau

·       Eglurodd swyddogion fod yr amser a dreulir a'r arian a gaiff ei wario wrth gasglu toriadau gwair cyffredinol yn annhebygol o fod yn effeithiol wrth wneud gwahaniaeth sylweddol i nifer y toriadau.

·       Tynnodd yr adroddiad sylw at yr heriau a wynebir, fel cael gwared ar ardaloedd mawr o wair.

·       Clywodd y Panel fod y cyhoedd weithiau'n ystyried ardaloedd sy'n cael eu gadael i ddatblygu'n ddolydd yn fannau wedi'u hesgeuluso. Roedd yr Aelodau'n deall bod angen gwella cyfathrebu i sicrhau bod y cyhoedd yn deall pam/ble y daw rhai ardaloedd yn ddolydd a reolir. 

·       Awgrymodd yr Aelodau y dylid codi arwyddion dros dro ar safleoedd dolydd i hysbysu'r cyhoedd yn well.

·       Cododd yr Aelodau bryderon ynghylch pwyntiau mynediad i'r ddinas a'r argraffiadau cyntaf i ymwelwyr.

·       Gwnaeth yr Aelodau sylwadau ffafriol ar y camau a gymerwyd ym Mharc Singleton i wella bioamrywiaeth.

·       Holodd yr Aelodau a fyddai arian grant ar gael i ddarparu cynlluniau/coed i ardaloedd lleol.

·       Eglurodd Swyddogion fod dwy swydd ran-amser yn cael eu hariannu i weithio o fewn ardaloedd ward i gefnogi bioamrywiaeth, creu cynefinoedd a rheoli blodau gwyllt yn gyffredinol.

·       Roedd yr Aelodau'n falch o glywed bod swyddog bioamrywiaeth wedi'i benodi ers yr argymhelliad hwn gan Banel Ymchwiliad Craffu'r Amgylchedd Naturiol, fodd bynnag, codwyd pryderon ynghylch natur ran-amser y swydd hon o ystyried y galwadau. Cytunodd yr Aelodau y byddai ymrwymiad tymor hir i ariannu swydd amser llawn yn fuddiol.

·       Gofynnodd yr aelodau ynghylch y "Cwestiynau drafft ar gyfer Ymgynghoriad" gan awgrymu y dylai'r cwestiynau gael eu mynegi'n wahanol er mwyn cael atebion ehangach.

 

CYTUNWYD y byddai'r Panel yn ysgrifennu at Aelod y Cabinet gyda'u barn a'u hargymhellion.

 

Trafododd y Panel bynciau arfaethedig ar gyfer y cyfarfodydd i ddod.

- Diweddariad gan y Tîm Cadwraeth Natur (mis Mawrth)

- Awgrymodd yr Aelodau y dylid cynnwys y pwnc Gorfodi Cynllunio (Bioamrywiaeth) mewn cynlluniau gwaith yn y dyfodol.

Derbyniodd y Panel yr ohebiaeth a anfonwyd yn dilyn cyfarfod y Panel a gynhaliwyd ar 6 Mai 2021.