Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau. 

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod y Pwyllgor Datblygu Polisi Cydraddoldebau a Chenedlaethau'r Dyfodol a gynhaliwyd ar 29 Medi 2020 fel cofnod cywir.

Gwahoddodd y Cadeirydd y pwyllgor i drafod y Cynllun Gwaith ar gyfer 2020/2021.

Rhoddodd y Cynghorydd Louise Gibbard, y cyn-Gadeirydd, yr wybodaeth ddiweddaraf am Gynllun Gwaith 2019/2020 a nododd y canlynol:

·            Roedd y strategaeth gydgynhyrchu wedi'i chwblhau ar ffurf ddrafft, y cam nesaf fyddai ei rhoi ar waith.

·            Byddai Bwrdd Cydraddoldeb Strategol a Chenedlaethau'r Dyfodol yn cael ei sefydlu

·            Roedd gwaith yn mynd rhagddo mewn perthynas â'r Cynnig Mae Bywydau Du o Bwys

Trafododd y pwyllgor bynciau posib ar gyfer Cynllun Gwaith 2020/2021 a oedd yn cynnwys:

·            Cydgynhyrchu

·            Strategaeth Ynni

·            Ymgysylltu â Staff – gweithio o bell ac effaith COVID-19

·            Democratiaeth y cyngor – effaith COVID-19

·            Yr Amgylchedd Naturiol

·            Polisi Datblygu Cynaliadwy

·            Lles

·            Cynllun Adfer

·            Materion yn codi o'r Bwrdd Cydraddoldeb a Chenedlaethau'r Dyfodol a COVID-19

Trafododd y pwyllgor hefyd y defnydd o weithgorau a chael adroddiadau ysgrifenedig lle bo hynny'n bosib.

Penderfynwyd ar y canlynol; -

1)          Y byddai'r Cadeirydd yn cysylltu â'r Aelod y Cabinet dros Gyflawni a Gweithrediadau/Y Ddirprwy Arweinydd mewn perthynas â datblygu'r Polisi Datblygu Cynaliadwy drafft; a

2)          Dylid diweddaru'r Cynllun Gwaith i gynnwys Cydgynhyrchu, Ymgysylltu â Staff, y Strategaeth Ynni a'r Amgylchedd Naturiol.