Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau. 

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod y Pwyllgor Datblygu Polisi Cydraddoldebau a Chenedlaethau'r Dyfodol a gynhaliwyd ar 21 Gorffennaf 2020 fel cofnod cywir.

Roedd Aelod y Cabinet dros Gartrefi, Trawsnewid Ynni a Gwasanaethau (y Dirprwy Arweinydd), y Cyfarwyddwr Lleoedd, y Rheolwr Ynni a Rheolwr y Prosiect yn bresennol wrth i’r Pwyllgor ystyried Strategaeth Ynni 2020-2030.

Tynnodd y Cyfarwyddwr Lleoedd sylw at:

·            Adrodd am allyriadau - Allyriadau Cwmpas 1, 2 a 3

·            Prosiectau Ffermydd Solar Newydd

·            Rhaglen carbon isel Refit

·            Datblygu’r gwaith i greu Morlyn Llanw Bae Abertawe

·            Cydweithio ag Egni Co-Op ar ysgolion

·            Tynnu goleuadau stryd a phriffyrdd o'r Strategaeth Ynni i’w rhoi ar wahân gyda Phriffyrdd

·            Cynllun Gweithredu Cysylltiedig

Roedd y cwestiynau a'r trafodaethau'n canolbwyntio ar y canlynol:

·            Disgwylir cyhoeddiad gan Lywodraeth Cymru

·            Plannu Coed

·            Y gallu i ddod yn Awdurdod allyriadau di-garbon net erbyn 2030

·            Diddordeb gan gwmnïau preifat mewn datblygiad diweddar a Safon Abertawe

·            Coedwigoedd bychain/bach

Diolchodd Aelod y Cabinet a'r Cadeirydd, ar ran y Pwyllgor, i'r Cyfarwyddwr Lleoedd a Swyddogion am eu gwaith caled.

Penderfynwyd nodi'r adroddiad a'r Diweddariad.

Cyflwynodd y Swyddog Polisi Cynaliadwy adroddiad am y ‘Polisi Datblygu Cynaliadwy’.

Roedd cwestiynau a thrafodaethau'n canolbwyntio ar y canlynol:

·            Gweledigaeth - Mae datblygu cynaliadwy’n ymwneud â chael y gorau o'n holl adnoddau heddiw gan sicrhau bod gennym ddigon o adnoddau ar gyfer yfory

·            Meysydd i'w newid – Cynllunio corfforaethol

·            Llywodraethu

·            Nodau llesiant ac amcanion llesiant

·            Amserlen ar gyfer cynllun gweithredu

·            Pum ffordd o weithio – Cyfranogaeth – newid i gyfeirio at gynnwys pawb yn hytrach na dim ond y rhai sydd â diddordeb mewn cyflawni'r nodau llesiant

Diolchodd y Cadeirydd i'r Swyddog Polisi Cynaliadwy ar ran y Pwyllgor.

Penderfynwyd00103:

1)    Cymeradwyo’r Polisi datblygu cynaliadwy drafft i'w ystyried ymhellach gan y Cyngor; a

2)    Chysylltu’r polisi â chynllun gweithredu datblygu cynaliadwy sy'n adrodd i'r TRhC.

Cyflwynodd y Cadeirydd y Cynllun Gwaith ar gyfer 2019-20.

Nododd y Cadeirydd fod gwaith yn mynd rhagddo mewn perthynas â'r Cynnig Mae Bywydau Du o Bwys a disgwylid y byddai diweddariad yn cael ei roi i'r Pwyllgor yn y cyfarfod nesaf.

Roedd y Swyddog Strategaeth a Pholisi wedi llunio crynodeb drafft o'r gwaith a gwblhawyd gan y Pwyllgor yn ystod y flwyddyn a fyddai'n cael ei ddosbarthu i'r Aelodau.

Diolchodd y Cadeirydd i'r Aelodau a'r swyddogion cefnogi am eu cyfraniad a'u gwaith yn ystod y flwyddyn ddinesig.

Penderfynwyd y dylid nodi'r cynllun gwaith.