Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol: -

Y Cynghorydd M Sherwood - personol - Cofnod Rhif 28 - Gweithiwr gyda chwmni Gower Power.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod y Pwyllgor Datblygu Polisi Cydraddoldeb a Chenedlaethau'r Dyfodol a gynhaliwyd ar 17 Rhagfyr 2019 fel cofnod cywir.

Darparodd y Cyfarwyddwr Lleoedd adroddiad ar 'Y Diweddaraf am y Strategaeth Ynni'. Amlygodd y canlynol yn benodol: -

·            Diweddaru'r Strategaeth Ynni gyfredol 

·            Blaenoriaethau Allweddol - Goleuadau stryd LED, cynlluniau ynni adnewyddadwy, cerbydlu gwyrdd

·            Adeiladu tai ynni effeithlon i gyflawni 'Safon Abertawe' ym Mharc yr Helyg, Gellifedw a Ffordd Colliers 2, Penplas

·            Rhaglen carbon isel Refit  

·            Prosiectau ffermydd solar

·            Adrodd am allyriadau - cwmpas a safoni

Roedd y cwestiynau a'r trafodaethau'n canolbwyntio ar y canlynol: -

·            Lleoliadau posib ar gyfer adeiladu ffermydd solar - cam dichonoldeb

·            Ansawdd aer

·            Plannu coed i helpu â chyfyngiad carbon

·            Cynnwys Egwyddor Corfforaethol newydd, cynnal a gwella adnoddau naturiol a bioamrywiaeth Abertawe yn y strategaeth sy'n cael ei diweddaru

·            Cynlluniau sector preifat - rheoli a dylanwadu

·            Polisi'r Cynllun Datblygu Lleol

·            Safon BREEAM ar gyfer ysgolion newydd

·            Clwb Ceir

·            Hyfforddiant ar allyriadau carbon - prosiectau llythrennedd carbon

·            Ynni ardal

·            Partneriaeth gyda Fforwm yr Amgylchedd Abertawe i ystyried ymgysylltu

·            Trafnidiaeth gynaliadwy

Penderfynwyd y dylid cyflwyno'r Strategaeth Ynni ddiwygiedig i'r pwyllgor ei hystyried ym mis Ebrill 2020.

Darparodd y Cadeirydd drosolwg o'r gweithdy a gynhaliwyd ar y Cynllun Cydraddoldeb Strategol.

Roedd y Cynllun Cydraddoldeb Strategol Drafft yn destun ymgynghoriad tan 3 Mawrth 2020.

Cafwyd ymateb cadarnhaol gan y cyhoedd i'r ymgynghoriad hyd yn hyn, ac roedd amser o hyd i bobl gyflwyno'u sylwadau.

Penderfynwyd nodi'r wybodaeth ddiweddaraf.

Darparodd y Cadeirydd ddiweddariad am y Polisi Datblygu Cynaliadwy.

Bwriedid cyflwyno'r polisi drafft i'r pwyllgor ym mis Ebrill i'w ystyried.

Penderfynwyd cofnodi'r wybodaeth ddiweddaraf

Cyflwynodd y Cadeirydd y cynllun gwaith ar gyfer 2019/20.

Nodwyd bod yr eitemau canlynol wedi'u trefnu ar gyfer y cyfarfod nesaf: -

·            Y Diweddaraf am Gydgynhyrchu

·            Y diweddaraf am y Cynllun Gweithredu gan Adnoddau Dynol a Datblygu Sefydliadol

Trefnwyd ymweliad safle ar gyfer 17 Mawrth 2020 i ymweld ag ardal Craig-cefn-parc a Pharc yr Helyg.

Ychwanegu'r diweddaraf am y Strategaeth Ynni a'r diweddaraf am y Polisi Datblygu Cynaliadwy at y cynllun gwaith ar gyfer mis Ebrill.

Penderfynwyd nodi'r diweddariadau i'r Cynllun Gwaith.