Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Cyd-bwyllgor Dinas-ranbarth Bae Abertawe a gynhaliwyd ar 12 Tachwedd 2020 fel cofnod cywir.

1)              Karen Jones – Prif Weithredwr Cyngor Castell-nedd Port Talbot

 

Llongyfarchodd Cadeirydd y Pwyllgor Karen Jones ar ei phenodiad fel Prif Weithredwr Cyngor Castell-nedd Port Talbot a'i chroesawu i'r cyfarfod.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chafwyd cwestiynau gan y cyhoedd.

Cyflwynodd Rheolwr y Rhaglen Isadeiledd Digidol (Gareth Jones) adroddiad a oedd yn ceisio ystyriaeth o adborth gan y Bwrdd Strategaeth Economaidd ar y Rhaglen Isadeiledd Digidol ac i gymeradwyo cyflwyno'r achos busnes enghreifftiol pum achos yn ffurfiol i Lywodraeth y DU a Llywodraeth Cymru i'w gymeradwyo. Roedd yr adroddiad hefyd yn ceisio awdurdod i roi pwerau dirprwyedig i Uwch-berchennog Cyfrifol y Rhaglen i wneud unrhyw fân ddiwygiadau i'r achos busnes yn ôl yr angen i gael y gymeradwyaeth honno.

 

Penderfynwyd ar y canlynol:

 

1)              Cytunir ar gyflwyno achos busnes enghreifftiol pum achos yr Isadeiledd Digidol yn ffurfiol i Lywodraeth y DU a Llywodraeth Cymru i'w gymeradwyo.

 

2)              Rhoddir Awdurdod Dirprwyedig i Uwch-berchennog Cyfrifol y Rhaglen wneud unrhyw fân ddiwygiadau i'r achos busnes yn ôl yr angen i gael y gymeradwyaeth honno.

Cyflwynodd Cyfarwyddwr Rhaglen Dinas-ranbarth Bae Abertawe (Jonathan Burnes) adroddiad a oedd yn rhoi'r diweddaraf am y prosiectau sy'n rhan o Raglen y Fargen Ddinesig:

 

Isadeiledd digidol

i)                Achos Busnes ar agenda'r Cyd-bwyllgor.

ii)               Paratoi ar gyfer recriwtio adnoddau ar y gweill.

iii)             Risg ynghylch penderfyniadau polisi gan Lywodraeth Cymru - Cydgasglu Band Eang y Sector Cyhoeddus (PSBA).

iv)             Risg o ran diffyg cyflenwyr telegyfathrebiadau sydd â'r gallu angenrheidiol i'w defnyddio.

 

Sgiliau a Thalent

i)                Achos busnes yn cael ei ddatblygu.

ii)               Bwriedir cynnal gweithdy gydag Arweinwyr y Prosiect i adolygu'r Cynllun Busnes a chryfhau'r Achos Economaidd.

iii)             Cyflwyniad Cynllun Busnes i'r Cyd-bwyllgor i'w ystyried yn y Flwyddyn Newydd.

iv)             Risg ynghylch yr oedi cyn cyflwyno'r rhaglen Sgiliau a Thalent sy'n effeithio ar ddarparu'r sgiliau sy'n ofynnol drwy brosiectau cymeradwy.

 

Cartrefi fel Gorsafoedd Pŵer

i)                Cyflwyno Achos Busnes Amlinellol (ABA) wedi'i ddiweddaru i'r Swyddfa Rheoli Portffolio (SRhP) cyn y Nadolig ac yna i Lywodraeth Cymru a Llywodraeth y DU i'w gymeradwyo.

ii)               Adolygiad Porth wedi'i gwblhau ym mis Mehefin 2020, achos economaidd wedi'i ddiwygio.

iii)             Datblygiad braenaru yng Nghastell-nedd wedi'i gwblhau.

iv)             Cytundebau ariannu trydydd parti i'w datblygu/cytuno ar gyfer dwy gronfa Cartrefi fel Gorsafoedd Pŵer.

v)              Cynllunio gweithdy gyda rhanddeiliaid allweddol i ddatblygu'r brand.

vi)             Risg o fethu â phenodi tîm prosiect nes cymeradwyo'r Achos Busnes.

vii)            Recriwtio Rheolwr Prosiect (RhP).

 

Ardal Ddigidol Dinas Abertawe a'r Glannau

i)                Mae gwaith yn datblygu ar bont eiconig sy'n cysylltu safle'r arena â chanol dinas Abertawe i'w roi ar waith yn gynnar yn 2021.

ii)               Cynnal trafodaethau ar ardal fasnachol ategol yn yr Arena.

iii)             Tendr adeiladu ar gyfer 71/72 Ffordd y Brenin i'w dadansoddi.

iv)             Penderfyniad y Cabinet ar 71/72 Ffordd y Brenin a gynlluniwyd ar gyfer Ch4 2020 bellach wedi'i wthio'n ôl i Ch1 2021.

v)              Trafodaethau cyn ymgeisio ar gynllunio ar gyfer Pentref Blychau i'w cynnal. Mae Pentref Blychau wedi'i ailfrandio i'r Matrics Arloesedd.

vi)             Risg o ran effaith COVID-19 ar adeiladu, gan gynnwys arafu rhaglenni ac effaith ar gostau.

 

Pentre Awel

i)                Mae Achos Busnes wedi'i gyflwyno i Lywodraeth Cymru a Llywodraeth y DU.

ii)               Ymgysylltwyd â Llywodraeth Cymru. Angen sesiwn bellach gyda chynrychiolwyr y Fargen Ddinesig a'r cytundeb twf a benodwyd yn ddiweddar gan Lywodraeth y DU.

iii)             Risg ynghylch y posibilrwydd o golli cyfranogiad partneriaid academaidd ac iechyd oherwydd oedi.

 

Prosiect Morol Doc Penfro

i)                Ymgysylltu'n gadarnhaol â Swyddfa Cyllid Ewropeaidd Cymru (SCEC).

ii)               Mae ceisiadau cynllunio Cam 2 Isadeiledd Doc Penfro (PDI) ac Ardal Prawf Ynni Morol (META) ar fin digwydd.

iii)             Mae'r Swyddfa Rheoli Portffolio wedi cynnig cefnogi Cyngor Sir Penfro/Prosiect Morol Doc Penfro wrth sefydlu trefniadau llywodraethu prosiect ffurfiol.

iv)             Risg o gwmpas y gallu i barhau i gyflawni ymrwymiadau wrth i'r cytundebau ariannu prosiectau gael eu cwblhau.

 

Cefnogi Arloesedd a Thwf Carbon Isel

i)                Gwaith adeiladu Cam 5 Canolfan Dechnoleg Bae Abertawe – Sefydliad Brenhinol Penseiri Prydain (RIBA) wedi'i ddechrau

ii)               Diwygiadau i Achosion Busnes ar y gweill, yn enwedig ynghylch yr achos economaidd a byddant yn cael eu cyflwyno'n ffurfiol i'r Swyddfa Rheoli Portffolio cyn y Nadolig.

iii)             Cynllun gweithredu 'Adolygiad Cyfaill Beirniadol' yn y cam cyflwyno.

iv)             Synwyryddion monitro ansawdd aer a brynwyd mewn perygl cyn cymeradwyo'r Achos Busnes.

 

Campysau

i)                Cynlluniau llawr gosod parthau ac amlinellol wedi'u cwblhau ar gyfer Cam 1 yn ysbytai Singleton a Threforys.

ii)               Datblygu darpariaeth sgiliau newydd ar y gweill.

iii)             Cynllunio i gwblhau astudiaethau dichonoldeb gyda phenseiri ac ymgynghorwyr cost.

iv)             Trefniadau masnachol rhwng Dinas a Sir Abertawe a'r Bwrdd Iechyd i'w cwblhau.

v)              Risg ynghylch effaith dirywiad economaidd COVID-19 ar sicrhau cyd-fuddsoddiad gan y sector preifat.

 

Penderfynwyd ar y canlynol:

 

1)              Dylid nodi diweddariadau'r Rhaglen/Prosiect.

Cyflwynodd Swyddog Adran 151 Dinas-ranbarth Bae Abertawe (Chris Moore) adroddiad a oedd yn rhoi gwybod am sefyllfa alldro ragweledig diwedd y flwyddyn mewn perthynas â swyddogaethau gweinyddol Swyddfa Rheoli'r Rhaglen, y Corff Atebol, y Cyd-bwyllgor a'r Cyd-bwyllgor Craffu.

 

Penderfynwyd ar y canlynol:

 

1)              Derbyn ac adolygu adroddiad Monitro Cyllideb Dinas-ranbarth Bae Abertawe.

Rhoddodd Cadeirydd y Bwrdd Strategaeth Economaidd (BSE) adroddiad llafar yn gofyn am ganiatâd i greu Prosbectws Lefelu Rhanbarthol neu Gynllun Uchelgais.

 

Penderfynwyd ar y canlynol:

 

1)              Bydd y Cyfarwyddwyr Rhanbarthol Datblygu Economaidd, mewn ymgynghoriad â Chyfarwyddwr Rhaglen Dinas-ranbarth Bae Abertawe, yn creu Prosbectws Lefelu Rhanbarthol/Cynllun Uchelgais.