Agenda a Chofnodion
Lleoliad: Ystafell Dderbyn yr Arglwydd Faer - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd (01792) 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Côd Ymddygiad a fabwysiadwyd gan
Ddinas a Sir Abertawe, ni ddatganwyd unrhyw fuddiannau. |
|
Cymeradwyo a llofnodi, fel cofnod cywir, gofnodion y cyfarfod
blaenorol. Cofnodion: Penderfynwyd cymeradwyo a llofnodi cofnodion cyfarfod
Cyd-bwyllgor Dinas-ranbarth Bae Abertawe a gynhaliwyd ar 10 Medi 2019 fel
cofnod cywir. |
|
Cyhoeddiad/Cyhoeddiadau'r Cadeirydd. Cofnodion: Cadarnhaodd y
Cadeirydd y cytunwyd ar yr amodau a'r telerau drafft i ryddhau cam cyntaf y
cyllid gwerth £18m ar gyfer y Fargen Ddinesig a'r gobaith yw y caiff yr arian
ei ryddhau yn yr wythnosau nesaf, yn amodol ar sefydliadau partner y Fargen
Ddinesig yn cymeradwyo'r amodau a'r telerau drafft. Nododd ei fod yn siomedig ei bod wedi cymryd 16 o wythnosau i Lywodraeth Cymru gytuno ar yr amodau a'r telerau drafft. |
|
Cwestiynau gan y Cyhoedd Rhaid i'r cwestiynau ymwneud â materion ar ran agored
agenda'r cyfarfod, ac ymdrinnir â hwy o fewn 10 munud. Cofnodion: Ni chafwyd unrhyw
gwestiynau gan y cyhoedd. |
|
Diweddariad am Brosiectau Bargen Ddinesig Bae Abertawe. (ar lafar) Cofnodion: Castell-nedd
Port Talbot Cyflwynwyd yr
achos busnes diwygiedig sy'n cynnwys 4 rhan i'r Bwrdd Strategaeth Economaidd
(BSE) ym mis Medi 2019. Mae'n parhau i
weithio ar amcan Tai fel Gorsafoedd Pŵer i'w gyflwyno i'r BSE y mis nesaf
ac yna i'r Cyd-bwyllgor ym mis Rhagfyr.
Yn ogystal, dylai achos busnes newydd ar gyfer lleoliad y prosiect
Gwyddoniaeth Dur gyrraedd swyddfa'r Is-ganghellor cyn bo hir. Sir
Gaerfyrddin Mae'r prosiect
Pentref Llesiant wedi'i sefydlu â phartneriaid addysg uwch, a llywodraethu yw'r
prif ysgogwr.
Rhoddir diweddariad yn ystod cyfarfod nesaf y Cyd-bwyllgor. Abertawe Caiff amodau a
thelerau drafft eu defnyddio hefyd ar gyfer prosiect Cam Un Abertawe Ganolog,
a'r gobaith yw y caiff ei gymeradwyo yng nghyfarfod y Cabinet ar 21 Tachwedd
2019. Sir Benfro Cafwyd cytundeb
rhwng Cyngor Sir Penfro ac Awdurdod Porthladd Aberdaugleddau mewn perthynas â'r
materion ariannu ar gyfer Prosiect Morol Doc Penfro. Penderfynwyd y byddai'r diweddaraf yn cael ei nodi. |
|
Cofnod o Faterion y Prosiect a Chofrestr Risgiau'r Rhaglen. PDF 183 KB Dogfennau ychwanegol: Cofnodion: Cyflwynodd y
Swyddfa Ranbarthol adroddiad a oedd yn ceisio cymeradwyaeth ar gyfer y Cofnod o
Faterion y Prosiect a Chofrestr Risgiau'r Rhaglen. Nodwyd materion
yn enwedig ynghylch y llif arian ac arian Cronfa Datblygu Rhanbarthol Ewrop ar
gyfer Prosiect Morol Doc Penfro. Roedd
cyfyngiadau amser ar y cyllid ac roedd risg y byddai'r cyllid yn cael ei golli. Penderfynwyd nodi Cofnod o Faterion y Prosiect a Chofrestr Risgiau'r Rhaglen. |
|
Adroddiad Monitro Ariannol 2019/20 - Sefyllfa Alldro Bargen Ddinesig Bae Abertawe. PDF 540 KB Cofnodion: Cyflwynodd y
Swyddog Adran 151 adroddiad i hysbysu'r Cyd-bwyllgor o sefyllfa diwedd blwyddyn
swyddogaethau gweinyddol Swyddfa Rheoli'r Rhaglen, y Corff Atebol a'r
Cyd-bwyllgor. Penderfynwyd y byddai'r Cyd-bwyllgor yn cymeradwyo cyfrifon blynyddol Bargen Ddinesig Bae Abertawe. |
|
Cynnig Ariannu Adnodd Ychwanegol. PDF 300 KB Cofnodion: Cyflwynodd y
Swyddfa Ranbarthol adroddiad a oedd yn ceisio cymeradwyaeth y Cyd-bwyllgor i
ddatblygu cynnig manwl ar gyfer gwariant cyllid ar gyfer adnodd ychwanegol gan
Lywodraeth Cymru'n unol â'r cynnig amlinellol a gynhwysir yn yr adroddiad hwn. Yn dilyn
trafodaethau yng nghyfarfodydd Bwrdd Rhaglen Dinas-ranbarth Bae Abertawe,
argymhellwyd y dylid ychwanegu'r canlynol at baragraff 2.3.1 fel a ganlyn: (iv) Gofynion
ychwanegol y Bwrdd Strategaeth Economaidd (BSE): Unrhyw
wybodaeth/ymchwil bellach fel argymhelliad y BSE. Gall hyn gynnwys penodi
ymgynghorydd achrededig i wneud gwaith ychwanegol at ddibenion eglurder. Penderfynwyd: 1)
Y
byddai'r Cyd-bwyllgor yn awdurdodi Bwrdd y Rhaglen i ddatblygu cynigion manwl o
ran gwario cyllid ar gyfer adnodd ychwanegol gan Lywodraeth Cymru; 2)
Seilio
cynigion er mwyn gwario cyllid ar gyfer adnodd ychwanegol gan Lywodraeth Cymru
ar lwyddiant y pedwar prif amcan fel a nodwyd yn yr adroddiad hwn; 3) Y byddai'r Cyd-bwyllgor yn cyflwyno'r cynnig amlinellol a nodwyd yn yr adroddiad hwn i Lywodraeth Cymru a'r DU i'w gymeradwyo. |
|
Sefydlu Is-Bwyllgor Trafnidiaeth. PDF 284 KB Cofnodion: Cyflwynodd Prif
Weithredwr Cyngor Castell-nedd Port Talbot adroddiad i sefydlu is-bwyllgor
ffurfiol o Gyd-bwyllgor y Dinas-ranbarth i oruchwylio materion ynghylch
trafnidiaeth ac i ddatblygu cam cyntaf y cynigion er mwyn datblygu cynnig Metro
Bae Abertawe. Dywedodd wrth y
Pwyllgor y cafwyd argymhelliad, yn dilyn rhagor o drafodaethau, i sefydlu cyd-bwyllgor cysgodol a chyflwyno'r cylch gorchwyl yng
nghyfarfod nesaf Cyd-bwyllgor Dinas-ranbarth Bae Abertawe. Penderfynwyd cymeradwyo'r argymhellion yn amodol ar y
diwygiadau canlynol: 1)
Bydd
y Cyd-bwyllgor yn sefydlu cyd-bwyllgor cysgodol yn
ffurfiol, â chylch gwaith penodol ar drafnidiaeth, a bydd yn cynnwys Aelodau’r
Cabinet neu eu henwebedigion gan y pedwar awdurdod cyfansoddol gyda chefnogaeth
swyddog perthnasol; 2)
Yn y
tymor byr, bydd y cyd-bwyllgor cysgodol yn
goruchwylio cwblhau cynnig i'w gyflwyno i Weinidogion Cymru a rhanddeiliaid eraill sy'n amlinellu blaenoriaethau'r
rhanbarth ar gyfer cam cyntaf y prosiect Metro a rhaglenni cysylltiedig.
Dylai'r gwaith hwn ddefnyddio ffrydiau cyllido sy'n bodoli (tua £200,000) ac
arwyddo'r cynnig erbyn 31 Mawrth 2020; 3)
Mae'r
Cyd-bwyllgor yn gofyn i gylch gorchwyl penodol gael ei lunio i'w gadarnhau yn ystod
cyfarfod mis Tachwedd er mwyn cyflawni'r (2) uchod; 4) Os cytunir ar argymhellion 1-3 uchod, bydd Cadeirydd y Cyd-bwyllgor yn ysgrifennu'n ffurfiol at y gweinidogion i'w hysbysu o'n bwriad. |
|
Crynodeb o Lif Arian a Phroffil Grantiau. PDF 606 KB Cofnodion: Cyflwynodd y
Swyddog Adran 151 adroddiad i hysbysu'r Cyd-bwyllgor am yr argymhellion mewn
perthynas ag arian dros ben y rhaglenni, benthyciadau ar gyfer y rhaglen a
chefnogaeth i gyflwyno Prosiect Doc Morol Penfro. Penderfynwyd: 1)
Y
byddai'r Cyd-bwyllgor yn cymeradwyo'r gwaith i ddadansoddi'r sefyllfa, gan
werthuso'r gefnogaeth ariannol y gellir ei darparu i Gyngor Sir Penfro er mwyn
cyflwyno Prosiect Doc Morol Penfro; 2) Y byddai'r Cyd-bwyllgor yn cymeradwyo'r argymhellion a gynigiwyd gan Swyddog Adran 151 y Rhaglen (mewn ymgynghoriad â Swyddogion Adran 151 Rhanbarthol), i gynorthwyo Awdurdodau Arweiniol sy'n ysgwyddo pwysau ariannol cyflwyno prosiectau o fewn y Rhaglen. |
|
Llythyr gan Cydbwyllgor Craffu Ardal Dinas-ranbarth Bae Abertawe. PDF 359 KB Dogfennau ychwanegol: Cofnodion: Cyflwynodd y
Swyddog Monitro adroddiad am yr ohebiaeth a dderbyniwyd gan Gyd-bwyllgor Craffu
Dinas-ranbarth Abertawe. Gofynnwyd i'r
Pwyllgor ystyried yr argymhellion a wnaed gan y Cyd-bwyllgor Craffu a
phenderfynu a ddylid gwneud unrhyw ddiwygiadau i Gytundeb y Cyd-bwyllgor. Dyma'r tri phwynt
i'w hystyried: (a)
Lleihau
rhif cworwm y Cyd-bwyllgor i 6. (b)
Ail-ysgrifennu
cymal 9.3 i ddarparu rhagor o eglurder ynghylch yr hyn sy'n cael ei indemnio a
chan bwy. (c)
Mae
angen cael gwared ar y cafeat sy'n gofyn i'r Cyd-bwyllgor Craffu geisio
caniatâd Pwyllgor Craffu'r Awdurdod. Penderfynwyd y byddai'r Swyddog Monitro'n ymateb i Gyd-bwyllgor
Craffu Dinas-ranbarth Bae Abertawe i gadarnhau'r canlynol: (a)
Bydd
Swyddogion Cyfreithiol o bob awdurdod yn ystyried a ellir gwneud y diwygiad i'r
rhif cworwm dan bwerau dirprwyedig. (b) O
ran cymal 9.3, dyma eiriad safonol ar gyfer cymal indemnio a lunnir i
ddiogelu'r corff atebol fel cyflogwr Cyfarwyddwr y Rhaglen a Swyddfa Rheoli'r
Portffolio ond sy'n cydnabod bod Cyfarwyddwr y Rhaglen yn derbyn cyfarwyddiadau
gan y Cyd-bwyllgor ac yn atebol iddo. Felly, os bydd Cyfarwyddwr y Rhaglen neu
Swyddfa Rheoli'r Portffolio'n ymddwyn mewn ffordd sy'n achosi unrhyw golled i'r
cynghorau oherwydd cyfarwyddyd gan y Cyd-bwyllgor, mae'r cynghorau'n cytuno i
rannu'r colledion hyn yn gyfartal. Os ceir colledion oherwydd gweithredoedd
esgeulus y corff atebol fel cyflogwr Cyfarwyddwr y Rhaglen neu Swyddfa Rheoli'r
Portffolio, bydd Cyngor Sir Gâr yn gyfrifol am y colledion hynny. Yn yr
amgylchiadau hyn, ystyrir bod y cymal wedi'i eirio'n addas o safbwynt
cyfreithiol. (c) Ychwanegwyd y cafeat o ran prosiectau unigol y Cyd-bwyllgor i amddiffyn uniondeb pwyllgorau craffu cyfansoddol unigol ac i osgoi dyblygu unrhyw waith. Disgwylir i bwyllgorau craffu unigol fod yn ystyriol o unrhyw ofyniad gan y Cyd-bwyllgor Craffu a gweithio gyda'r pwyllgor i osgoi dyblygu unrhyw waith craffu. Nid ystyrir ei fod yn addas i gael gwared ar y cafeat ond awgrymir bod unrhyw ofyniadau craffu ar y cyd yn cael eu monitro. |
|
Cydbwyllgor Dinas-ranbarth Bae Abertawe - Dyddiadau yn y Dyfodol 2020-2021. PDF 191 KB Cofnodion: Cyflwynodd
Pennaeth Gwasanaethau Democrataidd Cyngor Abertawe adroddiad i ystyried
dyddiadau ar gyfer cyfarfodydd y pwyllgor yn y dyfodol. Y cofnod diwethaf
am ddyddiad ar gyfer Cyfarfod Cyd-bwyllgor Dinas-ranbarth Bae Abertawe yn y
dyddiadur oedd 25 Chwefror 2020. Roedd yr adroddiad yn ceisio ymestyn y
cyfarfodydd a drefnir hyd at fis Ebrill 2021. Penderfynwyd: 1)
Cymeradwyo'r
dyddiadau ar gyfer y dyfodol fel y'u hamlinellir ym mharagraff 3.3 yr
adroddiad; 2)
Awgrymu
i'r Bwrdd Strategaeth Economaidd (BSE) y dylid cynnal cyfarfodydd yn Abertawe
ar yr un diwrnod â chyfarfod y Cyd-bwyllgor er mwyn iddo ystyried gwneud hynny; 3)
Awgrymu
i Fwrdd y Rhaglen gynnal ei gyfarfodydd oddeutu pythefnos cyn cyfarfod y
Cyd-bwyllgor er mwyn iddo ystyried gwneud hynny; 4) Dosbarthu'r dyddiadau i gyrff cyhoeddus eraill fel Ein Rhanbarth ar Waith (ERW) a Bwrdd Partneriaeth Rhanbarthol (BPRh) Gorllewin Morgannwg er mwyn osgoi gwrthdaro. |
|
Achos Busnes Prosiect Morol Doc Penfro. |
|
Gwahardd y cyhoedd. PDF 283 KB Cofnodion: Gofynnwyd i'r
pwyllgor wahardd y cyhoedd o'r cyfarfod er mwyn iddo ystyried yr eitem
fusnes/eitemau busnes a nodwyd yn argymhellion yr adroddiad ar y sail ei fod yn
debygol o ddatgelu gwybodaeth eithriedig fel y nodir ym mharagraff gwahardd 12A
Deddf Llywodraeth Leol 1972 fel y'i diwygiwyd gan Orchymyn Llywodraeth Leol
(Mynediad i Wybodaeth) (Amrywiad) (Cymru) 2007 mewn perthynas ag eitemau busnes
a nodir yn yr adroddiad. Ystyriodd y
Pwyllgor Brawf Budd y Cyhoedd wrth benderfynu a ddylid gwahardd y cyhoedd o'r
cyfarfod ar gyfer yr eitem fusnes/eitemau busnes lle'r oedd Prawf Budd y
Cyhoedd yn berthnasol fel y nodir yn yr adroddiad. Penderfynwyd y dylid gwahardd y cyhoedd ar gyfer yr
eitemau busnes canlynol. (Sesiwn Gaeëdig) |
|
Creu rhestr fer ar gyfer Cyfarwyddwr Rhaglen. Cofnodion: Cyflwynodd Paul
Thomas, Prif Weithredwr Cynorthwyol - Rheoli Pobl, Cyngor Sir Gâr, adroddiad a
oedd yn amlinellu'r broses ddewis a'r gofynion i benodi Cyfarwyddwr Rhaglen
Rhanbarthol Dinas-ranbarth Bae Abertawe. Penderfynwyd: 1)
Y
byddai Cyd-bwyllgor Dinas-ranbarth Bae Abertawe'n cymeradwyo'r rhestr fer o
ymgeiswyr a nodwyd; 2)
Y
byddai Cyd-bwyllgor Penodi Dinas-ranbarth Bae Abertawe'n cymeradwyo ymagwedd y
Ganolfan Asesu; 3) Y byddai partneriaid/rhanddeiliaid perthnasol yn cael eu gwahodd i gymryd rhan yn y broses asesu. |