Agenda a Chofnodion

www.abertawe.gov.uk/DatgeluCysylltiadau

Yn unol â'r Cod Ymddygiad, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Cyd-bwyllgor Dinas-ranbarth Bae Abertawe a gynhaliwyd ar 10 Mawrth 2022 fel cofnod cywir.

Croesawodd y Cadeirydd Darren Price (Arweinydd Cyngor Sir Gaerfyrddin) a'r Cynghorydd Steve Hunt (Arweinydd Cyngor Castell-nedd Port Talbot) i'w cyfarfod cyntaf erioed o Gyd-bwyllgor Dinas-ranbarth Bae Abertawe.

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni chafwyd cwestiynau gan y cyhoedd.

Cyflwynodd Gareth Jones (Swyddfa Rhaglen Dinas-ranbarth Bae Abertawe) adroddiad gwybodaeth a oedd yn amlygu'r cynnydd a wnaed a statws Rhaglen Isadeiledd Digidol Bargen Ddinesig Bae Abertawe.

Cyflwynodd Jon Burnes (Cyfarwyddwr Portffolio Dinas-ranbarth Bae Abertawe) adroddiad a oedd yn rhoi'r diweddaraf am Adroddiad Monitro Chwarterol Bargen Ddinesig Bae Abertawe (BDdBA) ar gyfer y Portffolio BDdBA a'i raglenni/brosiectau cyfansoddol.

Darparodd yn benodol ddiweddariadau am gynnydd ynghylch y canlynol:

·                    Adroddiad Uchafbwyntiau BDdBA

Ø    Ymgysylltu â busnesau

Ø    Cyfathrebu a Marchnata

Ø    Prosiect Morol Doc Penfro.

Ø    Isadeiledd digidol.

Ø    Pentre Awel.

Ø    Ardal Ddigidol Dinas Abertawe a'r Glannau.

Ø    Cartrefi fel Gorsafoedd Pŵer.

Ø    Cefnogi Arloesedd a Thwf Carbon Isel.

Ø    Yr Egin.

Ø    Campysau BDdBA.

Ø    Sgiliau a doniau.

·                    Dangosfwrdd Monitro Chwarterol.

·                    Adroddiad Monitro Chwarterol BDdBA (Portffolio a Rhaglenni/Phrosiectau).

·                    Cynllun Cymeradwyo a Sicrwydd Integredig.

·                    Cofrestr Risg Portffolio.

·                    Asesiad Effaith COVID-19.

·                    Cynllun Gweithredu ar gyfer Adolygu Portffolio 'Gateway' 0

·                    Gwaith caffael sydd ar y gweill.

·                    Cofnod o faterion y portffolio.

·                    Gwireddu buddion.

·                    Crynodeb o'r effaith adeiladu

Penderfynwyd nodi'r Adroddiad Monitro Chwarterol ar gyfer y Portffolio BDdBA a'i raglenni/prosiectau cyfansoddol.

Cyflwynodd Richard Arnold (Swyddfa Dinas-ranbarth Bae Abertawe) adroddiad a oedd yn rhoi'r diweddaraf am sefyllfa ariannol ddiweddaraf Dinas-ranbarth Bae Abertawe.

Penderfynwyd adolygu'r adroddiad diweddaru am Fonitro Ariannol a'i gymeradwyo.

Cyflwynodd Richard Arnold (Swyddfa Rhaglen Dinas-ranbarth Bae Abertawe) adroddiad a oedd yn rhoi'r diweddaraf am gyllideb ddiwygiedig mewn perthynas â gweinyddu a chefnogi swyddogaethau ar gyfer portffolio Bargen Ddinesig Bae Abertawe.

Penderfynwyd ystyried y gyllideb ddiwygiedig mewn perthynas â'r weinyddiaeth y mae ei hangen i gefnogi a chyflwyno Bargen Ddinesig Bae Abertawe, a'i chymeradwyo.

Cyflwynodd Matthew Holder (Archwilio Mewnol Dinas-ranbarth Bae Abertawe) adroddiad a oedd yn ceisio cymeradwyaeth ar gyfer canfyddiadau a chamau gweithredu’r adolygiad Archwilio Mewnol i Bortffolio Bargen Ddinesig Bae Abertawe.

Penderfynwyd y dylid nodi canfyddiadau a chamau gweithredu'r adolygiad Archwilio Mewnol i Raglen Bargen Ddinesig Bae Abertawe.

Cyflwynodd Jason Blewitt a Non Jenkins (Archwilio Cymru) adroddiad a oedd yn rhoi gwybod am y cynllun a'r cwmpas mewn perthynas ag archwiliad allanol o Ddatganiad o Gyfrifon Bargen Ddinesig Bae Abertawe.

Penderfynwyd adolygu cynllun a chwmpas arfaethedig yr archwiliad allanol fel a amlinellwyd yn Atodiad A yr adroddiad a chytuno arnynt, a bod Archwilio Cymru'n archwilio i Ddatganiad o Gyfrifon Cyd-bwyllgor Bargen Ddinesig Bae Abertawe.

Cyflwynodd Heidi Harries (Swyddfa Rhaglen Dinas-ranbarth Bae Abertawe) adroddiad gwybodaeth am yr adroddiad ar ôl digwyddiad a oedd yn trafod Digwyddiad Arddangos y Fargen Ddinesig a gynhaliwyd ar 3 Mawrth 2022, fel a amlinellwyd yn Atodiad A yr adroddiad.

Cyflwynodd Phil Ryder (Swyddfa Rhaglen Bargen Ddinesig Bae Abertawe) adroddiad a oedd yn ceisio cymeradwyaeth ar gyfer darparu dogfennaeth i'r Cyd-bwyllgor a'r Cyd-bwyllgor Craffu yn y dyfodol.

Penderfynwyd cymeradwyo'r cynnig a amlinellwyd yn Adran 2 yr adroddiad a'r ddogfennaeth i'w darparu i'r Byrddau Llywodraethu.