Agenda, decisions and minutes

Penderfynwyd ethol y Cynghorydd R C Stewart yn Gadeirydd Cyd-bwyllgor Dinas-ranbarth Bae Abertawe.

Bu'r Cynghorydd R C Stewart (Cadeirydd) yn llywyddu.

www.abertawe.gov.uk/DatgeluCysylltiadau

Yn unol â'r Cod Ymddygiad, datganwyd y buddiannau canlynol;

Chris Foxall – Cofnod Rhif 6 - Adolygiad Cadeirydd y Bwrdd Strategaeth Economaidd – budd personol a rhagfarnol.  Gadawodd Chris Foxall y cyfarfod wrth i eitem 6 gael ei hystyried.

Steve Wilks – Cofnod Rhif 7  - Achos Busnes Campysau Bargen Ddinesig Bae Abertawe - cysylltiad personol.

Cymeradwyo a llofnodi, fel cofnod cywir, gofnodion y cyfarfod blaenorol

Penderfynwyd llofnodi a chymeradwyo cofnodion cyfarfodydd y Cyd-bwyllgor Ymgynghorol a gynhaliwyd ar 8 Gorffennaf 2021 a 28 Gorffennaf 2021 fel cofnod cywir.

Ni chafwyd unrhyw gyhoeddiadau.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chafwyd cwestiynau gan y cyhoedd.

Cyflwynodd y Cadeirydd adroddiad a oedd yn ceisio cymeradwyaeth ar gyfer enwebiadau Cadeirydd ac Is-gadeirydd y Bwrdd Strategaeth Economaidd.

Penderfynwyd:

1)    Penodi Chris Foxall yn Gadeirydd y Bwrdd Strategaeth Economaidd; ac

2)    Amanda Davies yn Is-gadeirydd y Bwrdd Strategaeth Economaidd.

Darparodd Keith Lloyd (Arweinydd Prosiect/Uwch-berchennog Cyfrifol) adroddiad/gyflwyniad a oedd yn gofyn am gymeradwyaeth ar gyfer Achos Busnes Amlinellol y Gwyddorau Bywyd, Llesiant a Chwaraeon i'w gyflwyno i Lywodraethau'r DU a Chymru gyda'r bwriad o ddefnyddio gwerth £15m o fuddsoddiad cyfalaf.

Penderfynwyd:

1)    Cymeradwyo'r Achos Busnes i'w gyflwyno i Lywodraeth y DU a Chymru yn ffurfiol.

Penderfynwyd ystyried gohirio'r adroddiad tan y cyfarfod nesaf.

Darparodd Phillip Ryder (Swyddfa Rhaglen Bargen Ddinesig Bae Abertawe) ddiweddariad ‘er gwybodaeth’ ar gynnydd rhaglenni/prosiectau sy’n rhan o Bortffolio Bargen Ddinesig Abertawe.

Rhoddodd yr wybodaeth ddiweddaraf i'r Cyd-bwyllgor ac amlinellodd y cynnydd mewn perthynas â'r canlynol:

·         Ymgysylltu â busnesau

·         Yr Egin.

·         Ardal Ddigidol Dinas Abertawe a'r Glannau.

·         Pentre Awel.

·         Cartrefi fel Gorsafoedd Pŵer.

·         Isadeiledd digidol.

·         Prosiect Morol Doc Penfro.

·         Cefnogi Arloesedd a Thwf Carbon Isel.

·         Sgiliau a doniau.

·         Campysau BDdBA.

Diolchodd y Cadeirydd i Mr Ryder am ei gyflwyniad llawn gwybodaeth a mynegodd ei ddiolch.

Cyflwynodd Ian Williams (Rheolwr Datblygu Portffolio BDdBA) adroddiad a oedd yn gofyn am gymeradwyaeth ar gyfer y Cynllun Gweithredu mewn ymateb i Argymhellion Adolygiad Gateway 0.

Penderfynwyd:

1)    Cymeradwyo Cynllun Gweithredu Adolygiad Gateway (y manylir arno yn Atodiad A) fel yr ymateb i Argymhellion Adolygiad Gateway 0 (manylir arno yn Atodiad B).

Cyflwynodd Richard Arnold (Rheolwr Cyllid Dinas-ranbarth Bae Abertawe) y Strategaeth Gwrth-Dwyll a Gwrth-lygredd ar gyfer Bargen Dinas Bae Abertawe.

Penderfynwyd:

1)    Cymeradwyo'r Strategaeth Gwrth-dwyll a Gwrth-lygredd.

Cyflwynodd Richard Arnold (Rheolwr Cyllid Dinas-ranbarth Bae Abertawe) adroddiad diweddaru am sefyllfa ariannol ddiweddaraf Dinas-ranbarth Bae Abertawe.

Penderfynwyd :

1)    Y bydd y Cyd-bwyllgor yn adolygu’r adroddiad diweddaru monitro ariannol.

Cyflwynodd Amanda Burns (Uwch-swyddog Cymorth Portffolio) adroddiad a oedd yn manylu ar Ganllawiau Cymraeg Portffolio BDdBA.

Penderfynwyd:

1)    Cymeradwyo'r arweiniad a nodwyd gan CSRhP BDdBA (fel y nodir yn Atodiad A).

Cyflwynodd Jonathan Burnes, Cyfarwyddwr (Dinas-ranbarth Bae Abertawe) adroddiad a oedd yn manylu ar Brotocol Cyfarfod Bwrdd Llywodraethu BDdBA.

Penderfynwyd:

1)    Cymeradwyo protocol cyfarfodydd Bwrdd Llywodraethu BDdBA.