Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Croesawodd y Cadeirydd bawb a oedd yn bresennol i'r cyfarfod.

Adroddodd y Swyddog Trwyddedu ar y cais am Hysbysiad Digwyddiad Dros Dro mewn perthynas â Cinema & Co., 17-19, Castle Street, Abertawe SA1 1JF.

Cyfeiriodd at yr amcanion trwyddedu, ystyriaethau polisi a'r arweiniad gan y Swyddfa Gartref. Cyfeiriwyd yn benodol at yr Hysbysiad Digwyddiad Dros Dro (TEN) yn Atodiad A, a'r gwrthwynebiad gan y Personau Perthnasol yn Atodiad B.

Dywedodd yr Arweinydd Tîm Rheoli Llygredd a Thai Sector Preifat (Personau Perthnasol), fod y gwrthwynebiad i'r Hysbysiad Digwyddiad Dros Dro (TEN) a gyflwynwyd ar 23 Tachwedd 2022 ar gyfer 8 Rhagfyr 2022 wedi'i dynnu'n ôl ar 29 Tachwedd, 2022.

Tynnwyd y digwyddiad yn ôl gan nad oedd yn ymddangos bod y digwyddiad y gwnaed cais amdano yr un fath â’r digwyddiad a welwyd gan Swyddogion ar 4 Tachwedd 2022.

Bydd swyddogion yn asesu’r lefelau sŵn o’r Hysbysiad Digwyddiad Dros Dro ar 8 Rhagfyr 2022 ac yn trefnu ymweliad safle o fewn y 14 diwrnod nesaf i drafod y digwyddiadau a gynhelir yn yr eiddo mewn perthynas â Niwsans Sŵn Statudol.

Penderfynodd yr Is-bwyllgor gymeradwyo'r hysbysiad digwyddiad dros dro.