Agenda a Chofnodion

www.abertawe.gov.uk/DatgeliadauBuddiannau

Dim

Dim

Cafodd y llythyrau a'r cofnodion eu hadolygu a'u derbyn gan y Panel.

Rhaid i gwestiynau ymwneud â materion yn rhan agored agenda'r cyfarfod ac ymdrinnir â hwy o fewn cyfnod o 10 munud 

Ni ofynnwyd unrhyw gwestiynau gan y cyhoedd.

Aelod Cabinet dros Gymunedau Gwell, y Cynghorydd Louise Gibbard a Rhian Millar, Mynediad at Wasanaethau.

Darparodd y Cynghorydd Gibbard adroddiad effaith ysgrifenedig a rhoddodd y diweddaraf i'r Panel ar y cynnydd a wnaed gyda'r argymhellion y cytunwyd arnynt gan y Cabinet.  Nodwyd y canlynol o'r drafodaeth:

·       Cafodd Cynllun Cydraddoldeb Strategol newydd ar gyfer 2020/24 ei ddatblygu a'i gyhoeddi ym mis Ebrill 2020. Datblygwyd y cynllun yn unol â chanllawiau'r Comisiwn Cydraddoldeb a Hawliau Dynol ac mae'n ymgorffori argymhellion allweddol yr Ymchwiliad Craffu.

·       Mae Bwrdd Cydraddoldeb a Chenedlaethau'r Dyfodol strategol newydd wedi'i sefydlu. Mae gan y bwrdd gyfrifoldeb allweddol am y camau gweithredu a'r argymhellion yn y Cynllun Cydraddoldeb Strategol a'r Ymchwiliad Craffu. Mae'r elfennau hyn wedi'u cynnwys yng nghynllun gwaith y bwrdd.

·       Mae swydd i gefnogi'r bwrdd wedi’i chreu a'i llenwi ac mae'r bwrdd yn cyfarfod unwaith y mis. Mae enghreifftiau o feysydd y mae'r bwrdd wedi edrych arnynt hyd yma yn cynnwys data'r gweithlu, strategaeth ymgynghori ac ymgysylltu ac ymgyrchoedd cadarnhaol ynghylch cydraddoldeb.

·       Ar 10 Rhagfyr 2021 llofnododd Cyngor Abertawe ynghyd â holl aelodau'r Bwrdd Gwasanaethau Cyhoeddus eu bwriad i ddod yn Ddinas Hawliau Dynol. Clywodd y Panel mai bwriad a rennir yw hwn ac mae'n bwysig bod cymunedau lleol a dinasyddion rhanbarth Abertawe yn cymryd rhan.  Ymgysylltwyd â nifer mawr o bobl gan gynnwys grwpiau cymunedol lleol, ac mae arolwg ar hyn o bryd i'r cyhoedd ei gwblhau.  Gofynnwyd i'r Panel hyrwyddo hwn yn eu cymunedau lleol, lle bo modd.

·       Clywodd y Panel, er mwyn i ni fodloni'n dyhead i ddod yn Ddinas Hawliau Dynol, mae angen i ni sicrhau bod hawliau dynol yn sylfaen i'n gwaith i gynllunio a darparu gwasanaethau. Sefydlwyd pwyllgor llywio i lywio'r nod hwn sy'n cynnwys swyddogion awdurdodau lleol a chynrychiolwyr o bob un o sefydliadau'r BGC.

·       Mewn ymateb i'r camau gweithredu i wella data ein gweithlu, mae Grŵp Cydraddoldebau'r Gweithlu newydd wedi'i sefydlu i gefnogi'r gwaith o ddarparu atebion cydraddoldeb, i ymgysylltu â'r gweithlu i ddarparu'r atebion hynny, ac i'n cefnogi i fod yn gyflogwr rhagorol mewn materion sy'n ymwneud â chydraddoldeb. Mae rhai o'r gweithgareddau cychwynnol a nodwyd ar gyfer y Grŵp hwn yn cynnwys:

­  Cefnogi'r gwaith o gyflwyno ymarfer glanhau data i ddarparu'r

data diweddaraf ar nodweddion gwarchodedig gweithwyr, gan gynnwys dealltwriaeth o'r Gymraeg.

Bod yn rhan o'r gwaith o ddatblygu polisi ac ymagwedd Recriwtio a Dethol y cyngor i greu gweithlu mwy cynrychioliadol a chynhwysol.

­  Cefnogi'r gwaith o ddatblygu hyfforddiant cydraddoldeb ac amrywiaeth.

­  Ein helpu ni i ennill achrediad fel Arweinydd Hyderus o ran Anabledd.

­  Cefnogi'r gwaith o gyflawni cynlluniau gweithredu Cydraddoldeb Hiliol

ac LHDT+ Llywodraeth Cymru.

·       Clywodd y Panel am ragor o'r gwaith sydd wedi'i gwblhau mewn perthynas â'r 18 argymhelliad y cytunwyd arnynt gan y Cabinet, gan gynnwys er enghraifft:

­   Ailgychwyn y cyfarfodydd Cynghorydd Hyrwyddo a Chynrychiolwyr Cydraddoldeb.

­   Y cyfathrebu parhaus â grwpiau cydraddoldeb drwy gydol y pandemig, er y gwnaed hyn o bell.

­   Creu'r Fforwm Rhyng-ffydd, a chynnydd y fforwm.

­   Cwblhau'r Strategaeth Gofalwyr a ddatblygwyd gan ddefnyddio cydgynhyrchu.

­   Adnewyddu'r hyfforddiant cydraddoldebau gorfodol a chydnabod mai'r camau nesaf fydd monitro'r nifer sy'n manteisio ar yr hyfforddiant a thargedu'r ardaloedd lle nad yw'r nifer gofynnol o staff yn manteisio arno.

­   Cwblhau gwefan newydd Cyngor Abertawe ac ymgynghori wrth ddatblygu hyn.

­   Mae'r gwasanaethau cymdeithasol wedi cwblhau eu strategaeth cydgynhyrchu a'r nod yw defnyddio'r dysgu hwn i wella cydgynhyrchu ar draws y cyngor.

·       Roedd y Panel yn cydnabod bod pandemig COVID-19 yn parhau i ddod â heriau sylweddol i'r cyngor a bod llawer o swyddogion wedi gorfod symud ffocws i sicrhau bod gwasanaethau'r cyngor yn cael eu cynnal a bod y rhai mwyaf agored i niwed yn cael eu cefnogi yn ystod yr argyfwng. Roedd y Panel yn falch o weld y gwaith enfawr a gwblhawyd drwy gydol yr amser hwnnw, gyda'n cymunedau lleol ac ar eu cyfer.

·       Roedd y Panel yn hapus â'r cynnydd a wnaed hyd yma, ac roeddent yn falch o'r effaith gadarnhaol y mae'r ymchwiliad, ac ymrwymiad Aelod y Cabinet dros Gymunedau Gwell a swyddogion iddo, wedi'i chael i helpu i symud yr agenda bwysig hon yn ei blaen yn Abertawe.

·       Cytunodd y Panel i gymeradwyo eu cyfranogaeth ddilynol â'r ymchwiliad ar ôl clywed bod saith o'r argymhellion bellach wedi'u cwblhau a bod cynnydd da wedi'i wneud gyda'r argymhellion hynny sy'n weddill. Roedd y Panel yn falch o glywed bod y darnau angenrheidiol ar waith i sicrhau gwelliant parhaus yn y meysydd hynny lle mae'r argymhellion yn anghyflawn.

·       Hoffai'r Panel gyfeirio un maes ar gyfer camau dilynol yn y dyfodol.  Mae hyn yn ymwneud ag Argymhelliad 13 - Adeiladu ar ddatblygu Strategaeth Cydgynhyrchu gan gynnwys pecyn cymorth i'w ddefnyddio gan staff ledled yr awdurdod.  Bydd hyn yn cael ei gyfeirio at Bwyllgor y Rhaglen Graffu, er mwyn creu gweithgor untro i edrych ar gynnydd yn y flwyddyn ariannol newydd. 

Daeth y cyfarfod i ben am 10.50am