Agenda a Chofnodion
Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd - (01792) 636923
Rhif | Eitem |
---|---|
Derbyn datgeliadau o fuddiannau personol a rhagfarnol. Cofnodion: Yn unol â'r Côd
Ymddygiad a fabwysiadwyd gan Ddinas a Sir Abertawe, ni ddatganwyd unrhyw
gysylltiadau. |
|
Cymeradwyo
a llofnodi, fel cofnod cywir, gofnodion y cyfarfod blaenorol. Dogfennau ychwanegol: Cofnodion: Penderfynwyd cymeradwyo a llofnodi cofnodion
cyfarfodydd y Pwyllgor Datblygu Polisi Pobl a gynhaliwyd ar 25 Gorffennaf ac 15
Awst 2018 fel cofnod cywir. |
|
Cofnodion: Amlinellodd y
Swyddog Strategaeth a Gwella Perfformiad y Gwasanaethau Cymdeithasol Fframwaith
yr Amgylcheddau sy'n Wybodus ynghylch Profiadau Niweidiol yn ystod Plentyndod
ar gyfer Cyflwyno Gwasanaethau a Dylunio, a oedd yn cynnwys y canlynol, 1.
Fframwaith
seicolegol – mae gan sefydliadau sy'n wybodus ynghylch Profiadau Niweidiol yn
ystod Plentyndod ddiben a gallant addasu; 2.
Arfer
sy'n Creu Tystiolaeth – mae sefydliadau sy'n wybodus ynghylch Profiadau
Niweidiol yn ystod Plentyndod yn gynhwysol, 3.
Yr
amgylchedd – mae sefydliadau sy'n wybodus ynghylch Profiadau Niweidiol yn ystod
Plentyndod yn lleoedd diogel i weithio ynddynt neu i gael mynediad atynt, 4.
Hyfforddiant
staff – cefnogaeth i staff 5.
Perthnasoedd
– mae sefydliadau sy'n wybodus ynghylch Profiadau Niweidiol yn ystod Plentyndod
yn cydnabod perthnasoedd fel offeryn allweddol ar gyfer lles, cefnogaeth a
newid. Trafododd y
pwyllgor gynnwys y fframwaith profiadau niweidiol yn ystod plentyndod a'r agweddau
y gellid eu defnyddio er mwyn cyflenwi'n prosesau presennol. Cydnabuwyd ganddynt fod prosesau penodol
eisoes ar waith gan yr awdurdod er mwyn iddo fod yn gynhwysol drwy ganolbwyntio
ar les a diogelu. Fodd bynnag, gofynnodd
a oedd gan ein holl staff y lefel gywir o ymwybyddiaeth ac a ddarparwyd lefel
ddigonol o gefnogaeth i'n staff er mwyn cefnogi Deddf Llesiant Cenedlaethau'r
Dyfodol. Roedd angen
dealltwriaeth hollol glir o ymagwedd at waith sy'n wybodus ynghylch Profiadau
Niweidiol yn ystod Plentyndod y gellir ei disgrifio gan yr holl staff (h.y. mae
staff yn deall sut mae eu gwaith yn atal neu'n lliniaru Profiadau Niweidiol yn
ystod Plentyndod neu'n ymdrin â hwy). Gellid
defnyddio'r fframwaith fel man cychwyn a'i addasu yn ôl yr angen. Yn benodol, paragraffau 4.1 – 4.8 o'r
fframwaith oedd meysydd i ganolbwyntio arnynt.
Dylid darparu hyfforddiant ymwybyddiaeth sylfaenol i'r holl staff – yn
unol â'n hyfforddiant diogelu cyfredol, ac yna ar raddfa symudol i'r rhai sy'n
fwy tebyg o weithio yn y maes Profiadau Niweidiol yn ystod Plentyndod. Dylai
gwmpasu dysgu a datblygu hefyd a darparu cefnogaeth i staff a fydd, yn eu tro,
yn darparu cefnogaeth i ddefnyddwyr y gwasanaeth. Awgrymodd
Pennaeth y Gwasanaethau Dysgwyr Diamddiffyn y byddai ymagwedd ar sail gwydnwch
yn fwy cynhyrchiol na chanolbwyntio'n unig ar ymagwedd Profiadau Niweidiol yn
ystod Plentyndod. Mae angen i ni greu'r
gwasanaethau a'r amgylchedd fel y gallwn gydnabod yn gynnar pan fydd defnyddwyr
gwasanaeth yn profi Profiadau Niweidiol yn ystod Plentyndod a darparu
cefnogaeth briodol i liniaru'r peryglon i les, ynghyd â defnyddio ymyriadau ar
sail tystiolaeth i wella gwydnwch. Roedd y pwyllgor
eisoes wedi trafod yr angen am "Ddatganiad o Ddiben" fodd bynnag,
dywedodd Pennaeth y Gwasanaethau Dysgwyr Diamddiffyn fod y Strategaeth Lles
Integredig Ddrafft eisoes yn cydnabod effaith Profiadau Niweidiol yn ystod
Plentyndod ac yn hyrwyddo datblygu gwydnwch. Mae'r strategaeth yn amlinellu
ymagwedd integredig at hyrwyddo, meithrin a chefnogi lles plant a phobl
ifanc. Cynigodd ddiffiniad o les ynghyd
ag amlinellu fframwaith ar gyfer asesu lles person, gan gynnwys risgiau posib i
les. Darparodd hefyd fodel i arwain yr
ymyriadau amlasiantaeth fel eu bod yn ataliol, yn brydlon ac yn ddiysgog. Mae'r
strategaeth newydd hon yn rhan o'r blaenoriaethau lles ehangach a amlinellir
yng Nghynllun Corfforaethol yr awdurdod a Chynllun Lles Lleol y Bwrdd
Gwasanaethau Cyhoeddus. Cytunodd y
pwyllgor fod Cyngor Abertawe, ar hyn o bryd, yn wybodus ynghylch Profiadau Niweidiol
yn ystod Plentyndod ond gall fod rhai anghysondebau ynghylch ymwybyddiaeth
staff, a fydd yn gofyn am ymagwedd fwy diysgog at ddysgu, hyfforddi a datblygu
yn y dyfodol. Dywedodd y
Cadeirydd wrth y pwyllgor ei fod wedi cwrdd â Phennaeth y Gwasanaethau Dysgwyr
Diamddiffyn a Swyddog Strategaeth a Gwella Perfformiad y Gwasanaethau
Cymdeithasol er mwyn dechrau llunio adroddiad ar waith y pwyllgorau ynghylch
Profiadau Niweidiol yn ystod Plentyndod.
Byddai'r adroddiad yn cael ei ddosbarthu rhwng aelodau'r pwyllgor er
mwyn iddynt roi eu sylwadau a byddai'r fersiwn ddiwygiedig yn cael ei chyflwyno
yn y cyfarfod nesaf, cyn iddi gael ei chyflwyno i'r Cabinet. Penderfynwyd dosbarthu'r adroddiad drafft am Brofiadau Niweidiol yn ystod Plentyndod i'r Cabinet i aelodau'r pwyllgor er mwyn iddynt roi eu sylwadau a chyflwyno'r fersiwn ddiwygiedig yn y cyfarfod nesaf. |
|
Cynllun Gwaith 2018-2019. PDF 93 KB Cofnodion: Cyflwynodd y
Cadeirydd y Cynllun Gwaith ar gyfer 2018-2019. Penderfynwyd diwygio'r cynllun gwaith fel a ganlyn, 1)
Gan y
trefnir y cyfarfod nesaf ar gyfer 17 Hydref 2018, dylai'r pwyllgor ystyried y
canlynol: a.
Profiadau
Niweidiol yn ystod Plentyndod – Llunio adroddiad ar gyfer y Cabinet b.
Cyflwyniad
ar "Drosglwyddo – Sut mae Trosglwyddo'n gweithio ar hyn o bryd yn y
systemau Iechyd, Gofal Cymdeithasol ac Addysg, gan ganolbwyntio'n benodol ar
brofiad dinasyddion". |