Agenda a Chofnodion

www.abertawe.gov.uk/DatgeliadauBuddiannau

Ni chafwyd unrhyw ddatganiadau o gysylltiadau.

a) Llythyr y Cynullydd at Aelod y Cabinet (cyfarfod 8 Hydref 2018)

b) Ymateb gan Aelod y Cabinet (cyfarfod 8 Hydref 2018)

 Derbyniodd ac ystyriodd y gweithgor lythyrau o'r cyfarfod diwethaf ar 8 Hydref 2018.

Rhaid i gwestiynau fod yn berthnasol i faterion ar yr agenda ac ymdrinnirâ nhw o fewn cyfnod o 10 munud.

Nid oedd unrhyw aelodau o'r cyhoedd yn bresennol yn y cyfarfod.

Y Cyng. Mark Thomas, Aelod y Cabinet dros yr Amgylchedd a Rheoli Isadeiledd

Mike Sweeney, Prif Beiriannydd

Roedd Mark Thomas, Aelod y Cabinet dros yr Amgylchedd a Rheoli Isadeiledd, yn bresennol, ac aeth drwy'r casgliadau yn llythyr y cynullydd o'r cyfarfod diwethaf, gan roi'r diweddaraf ar gynnydd. Roedd Mike Sweeney, Prif Beiriannydd, hefyd yn bresennol ac aeth drwy'r adroddiad briffio.

Pwyntiau trafod:

• Bydd angen i'r holl ddatblygiadau newydd gynnwys plannu strategol a gwella bioamrywiaeth yn y dyfodol wrth gyflwyno'r ddyletswydd statudol newydd sydd yn gofyn am Systemau Draenio Trefol Cynaliadwy (SuDS). Mae'r tîm cadwraeth natur yn ymwybodol bod angen iddynt fod yn rhan o SuDS er mwyn rhoi cyngor pan fydd ceisiadau'n cael eu derbyn.
• Bydd prosiectau Isadeiledd Gwyrdd yn cael eu cynnal gan yr awdurdod a Cyfoeth Naturiol Cymru mewn partneriaeth. Ymgynghorir ar un prosiect ar gyfer canol y ddinas yn unig ar hyn o bryd.
• Bydd Aelod y Cabinet yn derbyn manylion cyswllt ar gyfer Sion Brackenbury er mwyn trefnu ymweliad â chynllun perygl llifogydd yn seiliedig ar natur yn CNPT. Pan fydd ymweliad yn cael ei drefnu mae gan aelodau'r gweithgor ddiddordeb mewn bod yno.
• Aeth Aelod y Cabinet yn ddiweddar i agoriad cynllun amddiffyn rhag llifogydd ym Mawr ac roedd wedi creu argraff dda iawn arno.
• Cadarnhawyd na all yr awdurdod ddeddfu ar ddefnydd deunyddiau anathraidd yng ngerddi domestig ond gallai'r awdurdod roi cyngor.  Bydd cyflwyno SuDS yn golygu bydd angen i unrhyw gontractwyr neu ddatblygwyr reoli dŵr ffo yn y dyfodol. Byddai deunyddiau athraidd yn cyflawni hyn, felly mae'n debygol iawn y byddant yn cael eu defnyddio yn ddiofyn beth bynnag.
• Rhoddwyd cymeradwyaeth i'r strwythur staffio gwreiddiol er mwyn rhoi'r SuDS ar waith.  Mae hyn ar gyfer 4 aelod o staff.  Mae ein huwch-beiriannydd yn ei le, a bydd peiriannydd cynorthwyol a swyddog cefnogaeth weinyddol yn cael eu penodi'n fuan a bydd arolygydd safle yn cael ei gyflogi nes ymlaen, pan fydd y safleoedd yn dechrau cael eu datblygu.
• Nid yw'r tudalennau Cyngor Ar Lifogydd ar wefan y cyngor yn cynnwys adran ar 'Helpu i atal llifogydd' ar hyn o bryd. Dylem fod yn rhagweithiol wrth helpu i atal llifogydd mewn eiddo domestig. Byddai'n ddefnyddiol cael dolen o dudalennau Cyngor ar Lifogydd y wefan i adran 'atal', gyda geiriad megis ....... Beth allaf ei wneud i leihau effaith llifogydd yn fy eiddo/ardal leol?... er enghraifft, plannu coed, defnyddio deunyddiau athraidd ar gyfer rhodfeydd/patios, gan gadw ardaloedd glaswelltog yn yr ardd. 

           Dylid ysgrifennu hyn mewn iaith syml y gall pawb ei deall.

• Hefyd dylai cyngor ac arweiniad Cyngor Abertawe ymddangos yn gyntaf ar y tudalennau Cyngor ar Lifogydd, ac yna fanylion cyswllt ar gyfer CNC.
• Nid yw'r awdurdod yn dangos gwybodaeth fyw am lifogydd lleol ar ei wefan fel 'baner fyw' nac yn ei hysbysebu ar Twitter. Cytunodd Aelod y Cabinet i ymchwilio a ellir gwneud hyn ac, os na ellir, a allwn osod dolen i wybodaeth fyw trydydd partïon.
• Mae gwaith yn parhau er mwyn sefydlu arferion cynnal a chadw sydd eisoes yn bodoli ar gyfer cyrsiau dŵr a gylïau ar draws yr awdurdod. Mae gan yr adrannau priffyrdd, Parciau a Thai arferion cynnal a chadw ar waith. Fodd bynnag, mae rhai adrannau'n aneglur am lefelau perygl llifogydd i'w hasedau ac felly'r amserlenni cynnal a chadw y mae angen eu pennu. Nid yw'r ymagweddau'n gyson ar draws yr awdurdod. Bydd yr adran yn parhau i ymchwilio i ddatblygiad ymagwedd gyson.  Fodd bynnag, mae ataliaeth yn llawer gwell na gwellhad.
• Dan 2.2 (tudalen 7) - hepgorwyd cyfeiriad at yr amcan lles corfforaethol newydd ar gyfer cynnal a chadw a gwella adnoddau naturiol a bioamrywiaeth.
• Dan 6.12 (tudalen 12) - dylai'r adroddiad nodi'r hyn sy'n digwydd ar hyn o bryd - bod y gwaith yn symud ymlaen, bod aelodau ward wedi derbyn cysylltiad.

Gofynnir i Gynghorwyr drafod y casgliadau sy'n codi o'r sesiwn hon i'w cynnwys yn llythyr y Cynullydd at Aelod y Cabinet:

a) Beth hoffech ei ddweud am y mater hwn wrth Aelod y Cabinet yn llythyr y Cynullydd (beth yw'ch casgliadau sy'n codi o'r sesiwn hon)?

b) Oes gennych unrhyw argymhellion sy'n codi o'r sesiwn hon i Aelod y Cabinet?

c) Oes unrhyw faterion eraill sy'n codi o'r sesiwn hon yr hoffech dynnu sylw Pwyllgor y Rhaglen Graffu atynt?

Trafododd y gweithgor gynnydd a chytunwyd ar y casgliadau a'r argymhellion canlynol:

1. Rydym yn falch o glywed bod yr awdurdod yn awyddus i ymweld ag awdurdodau eraill sydd wedi defnyddio atebion naturiol i berygl llifogydd, er mwyn ymchwilio ymhellach i gyfleoedd ar gyfer Abertawe. Byddwn yn darparu'r manylion cyswllt priodol er mwyn gallu trefnu ymweliad â chynllun yng Nghastell-nedd Port Talbot. Mae gan y gweithgor ddiddordeb mewn bod yn bresennol yn yr ymweliad a hoffem fod yn ymwybodol o'r dyddiad unwaith y bydd wedi'i drefnu.
2. Rydym yn falch gyda'r diweddariad bod 4 aelod o staff yn cael eu cyflogi ar gyfer darparu SuDS. Byddwn eisiau monitro cynnydd darpariaeth SuDS yn ystod cyfarfodydd yn y dyfodol
3. Mae gennym ddiddordeb mewn clywed mwy am brosiectau Isadeiledd Gwyrdd a hoffem dderbyn y diweddaraf am y prosiect, sy'n destun ymgynghoriad ar hyn o bryd, yn ystod ein cyfarfod nesaf.
4. Mae'r gweithgor yn teimlo bod angen i'r awdurdod newid o sail ddeddfwriaethol tuag at rôl fwy ymgynghorol ar gyfer rheoli perygl llifogydd, er enghraifft, ynghylch defnydd o ddeunyddiau anathraidd. Rydym yn meddwl bod hon yn ffordd well i gynnwys y cyhoedd a defnyddio'r arfer gorau wrth symud ymlaen.
5. Hoffem weld yr awdurdod yn hyrwyddo ataliaeth perygl llifogydd yn well ac rydym yn teimlo dylai'r awdurdod ymchwilio i gael dolen i adran 'ataliaeth' o dudalennau Cyngor ar Lifogydd y wefan.
6. Rydym yn teimlo dylai'r awdurdod ymchwilio i gael gwybodaeth 'fyw' am lifogydd lleol ar ei wefan, neu ei darparu trwy drydydd parti.
7. Mae'r gweithgor yn teimlo dylai'r wybodaeth ar dudalennau Cyngor ar Lifogydd cael ei had-drefnu fel bod cyngor ac arweiniad Cyngor Abertawe yn ymddangos yn gyntaf ac yna fanylion cyswllt CNC. 
8. Hoffem weld yr awdurdod yn ymchwilio i ffyrdd i hysbysebu'r gwaith a gyflawnwyd ganddo er mwyn lleihau perygl llifogydd yn lleol, er mwyn lledaenu negeseuon cadarnhaol. Gall aelodau ward gael eu defnyddio i ledaenu negeseuon i'r cyhoedd gan ddosbarthu'r wybodaeth hon yn eu wardiau.
9. Hoffem dderbyn y diweddaraf yn ystod ein cyfarfod nesaf ar y Cynllun Rheoli Perygl Llifogydd Lleol a'r cynnydd a wnaed.
10. Byddem yn argymell i Bwyllgor y Rhaglen Graffu fod y Gweithgor Rheoli Perygl Llifogydd Lleol yn cwrdd ddwywaith y flwyddyn yn y dyfodol er mwyn monitro cynnydd, yn enwedig wrth ddarparu SuDS, ac yn gyffredinol ar ddarpariaeth atebion naturiol i berygl llifogydd.