Agenda a Chofnodion

www.abertawe.gov.uk/DatgeluCysylltiadau

Ni ddatgelwyd unrhyw fuddiannau

Ni wnaed unrhyw ddatganiadau

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Ystyriodd y panel gofnodion o gyfarfodydd blaenorol a chytunwyd bod cofnodion y cyfarfod a gynhaliwyd ar 2 Tachwedd 2021 yn gofnod cywir o'r cyfarfod. 

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau gan aelodau'r cyhoedd

Gwahodd i fynychu:

Russell Greenslade – Prif Weithredwr, BID Abertawe

Derbyniodd y panel gyflwyniad trosolwg, a gyflwynwyd gan Russell Greenslade, Prif Weithredwr BID Abertawe. Roedd y trafodaethau'n canolbwyntio ar y pwyntiau canlynol:

• Mae BID Abertawe’n un o Ranbarthau Gwella Busnes gwreiddiol y DU, a'r cyntaf yng Nghymru. Fe'i sefydlwyd ym mis Awst 2006, ar ôl cael mandad cadarnhaol drwy bleidlais o fusnesau/sefydliadau yn ardal ddynodedig y BID.
• Mae BID Abertawe yn gweithredu o fewn yr 20% uchaf o Ranbarthau Gwella Busnes yn y DU yn seiliedig ar ei berfformiad a'i reolaeth. 
• Holodd yr aelodau sut y caiff y perfformiad hwn ei fesur. Clywodd y panel fod hwn yn cael ei gyfrifo gan gorff annibynnol o randdeiliaid cenedlaethol.
• Esboniwyd bod BID Abertawe yn gwmni sector preifat nid er elw, a chanddo ei Fwrdd Cyfarwyddwyr ei hun sy'n cynnwys cynrychiolwyr Preifat, Cyhoeddus a'r Trydydd Sector sy'n cyfrannu'n ariannol tuag at gwmni'r BID.
• Tynnwyd sylw'r panel at y ffaith fod yr Awdurdod Lleol yn bartner strategol allweddol.
• Gofynnodd yr aelodau a yw unrhyw fusnesau bellach wedi tynnu'n ôl neu wedi dewis peidio â chyfrannu at ardoll y BID. Clywodd y panel fod pob busnes yn cyfrannu, sy'n cyfateb i tua 813 o fewn ardal BID Abertawe.
• Holodd yr aelodau am yr union ardal a gwmpesir gan BID Abertawe.
• Clywodd yr aelodau fod llawer o siopau newydd sydd wedi agor yn fanwerthwyr annibynnol, sy'n dangos cynnydd yn nifer y bobl sy'n prynu dillad ddoe a chynnydd mewn manwerthu moesegol, gan gysylltu â'r farchnad myfyrwyr.
• Mae masnachwyr cenedlaethol hefyd wedi agor yn ogystal â masnachwyr annibynnol, gan helpu i gynyddu nifer yr ymwelwyr.
• Holodd yr aelodau a ellid cynnwys unrhyw ardaloedd eraill y tu allan i ardal ganolog y BID. Clywodd y panel fod y Mwmbwls, er enghraifft, wedi dechrau ystyried sefydlu  Rhanbarth Gwella Busnes ar wahân cyn y pandemig.
• O safbwynt y BID, clywodd y panel fod y datblygiadau yng Nghanol y Ddinas wedi creu agwedd gadarnhaol newydd am yr ardal ac maent yn cael eu croesawu a'u cefnogi gan gymuned fusnes Canol y Ddinas.
• Soniodd yr aelodau am waith blaenorol BID Abertawe a natur werthfawr y gwaith a wnaed. 
• Gwnaeth y panel sylwadau ar yr heriau a wynebir gan ganol dinasoedd ledled y wlad.
• Clywodd y panel fod BID Llundain wedi sôn am brosiectau adfywio Abertawe, mewn perthynas â chynnydd a chyflymder y prosiectau.
• Tynnwyd sylw at y ffaith fod busnesau'n addasu i gynnydd yn nifer y bobl sy'n byw yng Nghanol y Ddinas, a bod angen hyrwyddo economi'r nos.
• Holodd yr aelodau am effaith cau manwerthwyr mawr ar fasnach ganol y ddinas a sut y caiff y lle gwag hwn ei hyrwyddo.
• Clywodd y panel mai Abertawe oedd y lle cyntaf yn y DU i osod mannau parcio clicio a chasglu dynodedig yng Nghanol y Ddinas.
• Gwnaeth yr aelodau sylwadau cadarnhaol ar y syniad o roi arddangosfeydd mewn ffenestri siopau gwag, yn hytrach na gadael ffenestri siopau'n wag.
• Cododd y panel ymholiadau ynghylch a oedd siop fwyd Marks & Spencer yn y Mwmbwls wedi cael effaith ar Ganol y Ddinas. Esboniwyd bod Marks & Spencer wedi disgwyl yr effaith hon ac wedi ystyried hyn wrth benderfynu eu cynnyrch a'u gweithrediadau.

Gwahodd i fynychu:

Cllr Robert Francis-Davies – Aelod y Cabinet - Buddsoddi, Adfywio a Thwristiaeth

David Hopkins – Aelod y Cabinet - Cyflawni a Gweithrediadau (Y Ddirprwy Arweinydd)

Geoff Bacon – Pennaeth Gwasanaethau Eiddo

Clywodd y panel drosolwg cyfyngedig o'r sefyllfa bresennol, mewn perthynas â strategaeth bresennol Bae Abertawe. Cytunwyd bod y panel yn ysgrifennu at Aelod y Cabinet yn amlinellu meysydd diddordeb penodol, ac yna gellid cyflwyno ymateb i'r panel in camera os yw'n briodol.

Er gwybodaeth yn unig

Nododd y panel yr adroddiad, er gwybodaeth.

Nododd y panel y cynllun gwaith.