Agenda a chofnodion drafft

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

Y Cynghorydd Mary Jones – mae fy merch yn fydwraig sy’n gweithio i Fwrdd Iechyd Prifysgol Bae Abertawe

Y Cynghorydd Jeff Jones - mae fy merch yn fydwraig sy’n gweithio i Fwrdd Iechyd Prifysgol Bae Abertawe

Martyn Waygood –  mae fy merch yn nyrs sy’n gweithio i Fwrdd Iechyd Prifysgol Bae Abertawe; ymddiriedolwr elusen 'Ospreys in Community'

Yn unol â Mesur Llywodraeth Leol (Cymru) 2011, ni ddatganwyd pleidleisiau chwip na chwipiau'r pleidiau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunwyd bod cofnodion cyfarfod Panel Craffu Perfformiad y Bwrdd Gwasanaethau Cyhoeddus, a gynhaliwyd ar 4 Gorffennaf 2020, yn gofnodion cywir.

Rhaid i gwestiynau ymwneud â materion yn rhan agored agenda'r cyfarfod ac ymdrinnir â hwy o fewn cyfnod o 10 munud.

Ni chafwyd unrhyw gwestiynau gan y cyhoedd.

a)       Adroddiad gan Fwrdd Iechyd Prifysgol Bae Abertawe (Partner

           Arweiniol y BGC)

Bu'r panel yn trafod y Blynyddoedd Cynnar, sef un o bedwar amcan lles y Bwrdd Gwasanaethau Cyhoeddus.

Derbyniodd y panel adroddiad gan Fwrdd Iechyd Prifysgol Bae Abertawe, sef partner arweiniol y BGC ar gyfer yr amcan hwn. Roedd yr adroddiad yn rhoi'r diweddaraf i'r panel am y gweithgareddau a'r cynnydd yn erbyn nifer o gamau 'allweddol' i gyflwyno gwelliannau a'r gwahaniaeth a wnaed.

Clywodd y panel gan amrywiaeth o bobl, gan gynnwys Dr. Keith Reid, Cyfarwyddwr Gweithredol Iechyd Cyhoeddus Bwrdd Iechyd Prifysgol Bae Abertawe, arweinydd strategol newydd yr amcan lles hwn, Siân Harrop-Griffiths (Cyfarwyddwr Gweithredol Strategaeth, Bwrdd Iechyd Prifysgol Bae Abertawe), Nina Williams (Ymddiriedolaeth GIG Iechyd Cyhoeddus Cymru), Claire Fauvel (Ymddiriedolaeth GIG Iechyd Cyhoeddus Cymru) a Gary Mahoney (Swyddog Dilyniant y Blynyddoedd Cynnar, Cyngor Abertawe).

Roedd y drafodaeth yn canolbwyntio ar:

·       Arweinyddiaeth ar yr amcan hwn ac ymdrechion pawb sy'n ymwneud â hyn i roi'r dechrau gorau mewn bywyd i blant

·       Gwerthuso cynllun Peilot Gofal Sylfaenol y Blynyddoedd Cynnar yng nghlwstwr Penderi.

·       Gwerthuso taith prosiect Jig-So.

·       Gweithio i archwilio a mapio system y blynyddoedd cynnar fel bod dealltwriaeth well o'r gwasanaethau sy'n bodoli ac i wella cyd-drefniant ac integreiddiad.

·       Enghreifftiau o'r gwaith a wnaed ac effaith Rhaglen Dechrau'n Deg, Prosiect Jig-So a chynllun peilot y Blynyddoedd Cynnar, o ran gwella iechyd, arferion, perthnasoedd a datblygu sgiliau a gwytnwch.

·       Posibilrwydd cyflwyno/datblygu ymagweddau ar draws Abertawe, o ystyried yr arbedion costau a'r buddion

·       Her adnoddau prin

·       Problem ynghylch y sylw a roddir i Dechrau'n Deg

·       Y gwaith a wnaed i wella ymwybyddiaeth a dealltwriaeth o effaith profiadau niweidiol yn ystod plentyndod.

·       Gwelliannau cynlluniedig ar gyfer gofal iechyd meddwl amenedigol.

·       Pwysigrwydd ymyrryd yn gynnar i helpu plant a theuluoedd ag anghenion a rôl hanfodol bydwreigiaeth fel y pwynt cyswllt cyntaf ar gyfer nodi cefnogaeth ac atgyfeiriadau i’r gwasanaethau priodol.

·       Y gwahaniaeth a wneir o ganlyniad i'r Bwrdd Gwasanaethau Cyhoeddus.

·       Yr angen am gerrig milltir/dangosyddion clir sy'n dangos y gwelliannau tymor byr a thymor hir.

Ystyriodd aelodau'r panel yr wybodaeth a ddarparwyd, gan ofyn cwestiynau, a mynegi'u barn am y cynnydd.

Diolchodd y Cadeirydd iddynt am eu mewnbwn.

CYTUNWYD y byddai'r Panel yn ysgrifennu at Gadeirydd y Bwrdd Gwasanaethau Cyhoeddus gyda'i farn am gynnydd cyflwyno'r camau mewn perthynas ag amcan y Blynyddoedd Cynnar, a'r canlyniadau.

a)       Adroddiad gan Gyngor Abertawe (Partner Arweiniol y BGC)

Bu'r panel yn trafod Byw'n dda, Heneiddio'n dda, sef un o bedwar amcan lles y Bwrdd Gwasanaethau Cyhoeddus.

Derbyniodd y panel adroddiad gan Gyngor Abertawe, sef partner arweiniol y BGC ar gyfer yr amcan hwn. Roedd yr adroddiad a ddarparwyd i'r panel yn ei alluogi i ddeall y cynnydd a wnaed hyd yn hyn o ran yr amcan Byw'n dda, Heneiddio'n dda a'r camau allweddol, yn ogystal â'r blaenoriaethau ar gyfer y dyfodol.

Clywodd y panel gan y Cynghorydd Clive Lloyd, Cadeirydd BGC Abertawe, y Cynghorydd Mark Child, Aelod y Cabinet dros Ofal, Iechyd a Heneiddio'n Dda, a chadeirydd y Grŵp Cyflwyno Amcanion, Adam Hill, Swyddog Arweiniol Strategol a'r swyddogion arweiniol gweithredol, Jane Whitmore a Julie Gosney.

Roedd y drafodaeth yn canolbwyntio ar y canlynol:

·       Y gwaith ar gynnwys dinasyddion a chyfranogiad drwy ddulliau megis y Sgwrs Fawr, Fforwm Byw'n Dda, Heneiddio'n Dda (fersiwn wedi'i diwygio o Fforwm 50+) a chyfleoedd eraill rhwng y cenedlaethau.

·       Mae prosiect adrodd straeon digidol parhaus 'Digital Friendly Generations' wedi bod yn llwyddiannus wrth ddod â phobl hŷn ac ifanc at ei gilydd yn Abertawe.

·       Ymagwedd y Cydlynwyr Ardaloedd Lleol.

·       Y tair ymagwedd thematig allweddol ar gyfer y dyfodol – cyflawni’r amcan lles a sicrhau ymrwymiad i’r bartneriaeth, gyda chamau gweithredu wedi'u cynllunio ar gyfer y flwyddyn sydd i ddod: Dinas i Bawb;  Teithio Llesol; a Llythrennedd Iach/Heneiddio'n Iach.

·       Rôl grwpiau cymunedol eraill, gan gynnwys eglwysi, ynghyd â’r gymuned ehangach mewn ymdrechion i ymgysylltu â phobl.

·       Y gwaith a wnaed yn y trydydd sector, gyda CGGA fel y corff ymbarél, sy'n arbed costau ar gyfer y partneriaid statudol.

·       Pryder ynghylch effaith llygredd aer ar ein gallu i fyw'n dda a heneiddio'n dda.

Ystyriodd aelodau'r panel yr wybodaeth a ddarparwyd, gan ofyn cwestiynau, a mynegi'u barn am y cynnydd.

Diolchodd y Cadeirydd iddynt am eu mewnbwn.

CYTUNWYD bod y panel yn ysgrifennu at Gadeirydd y Bwrdd Gwasanaethau Cyhoeddus gyda'i farn am gynnydd o ran cyflwyno'r camau gweithredu mewn perthynas â phob amcan, a'r canlyniadau.

Cyfarfod y Panel 4 Gorffennaf 2019:

a)        Llythyr at/oddi wrth Gadeirydd y Bwrdd Gwasanaethau

           Cyhoeddus.

Derbyniodd y panel yr ohebiaeth a anfonwyd gan y panel at Gadeirydd y Bwrdd Gwasanaethau Cyhoeddus a'r ymateb a dderbyniwyd yn dilyn cyfarfod y panel a gynhaliwyd ar 4 Gorffennaf 2019.

Nodwyd cynllun gwaith y panel ar gyfer y flwyddyn ddinesig hon. Dyma'r eitemau ar gyfer cyfarfod nesaf y panel, ym mis Ebrill 2020:

·       Y diweddaraf am gynnydd Amcanion Lles y BGC: Cymunedau Cryfach

·       Y diweddaraf am gynnydd Amcanion Lles y BGC: Gweithio gyda Natur

·       Adolygiad Blynyddol o'r Cynllun Gwaith