Agenda a Chofnodion
Lleoliad: Ystafell Bwyllgor 3A - Neuadd y Ddinas, Abertawe. Cyfarwyddiadau
Cyswllt: Michelle Roberts, Scrutiny Officer
Rhif | Eitem |
---|---|
Datgeliadau o fuddiannau personol a rhagfarnol Cofnodion: Dim |
|
Gwahardd Pleidleisiau Chwip a Datgan Chwipiau'r Pleidiau Cofnodion: Dim |
|
Dogfennau ychwanegol: Cofnodion: Derbyniwyd
llythyr a chofnodion y cyfarfod ar 14 Tachwedd. |
|
Y gyllideb flynyddol fel y mae'n berthnasol i faterion addysg PDF 336 KB Cofnodion: Darparwyd
adroddiad ysgrifenedig gan y Cyng. Jennifer Raynor, Aelod y Cabinet dros Wella
Addysg, Dysgu a Sgiliau a Mark Sheridan, Pennaeth y Gwasanaeth Dysgwyr
Diamddiffyn ac roeddent yn bresennol yn ystod cyfarfod y panel i ateb unrhyw
gwestiynau. Nodwyd y prif bwyntiau canlynol: ·
Rhoddodd
yr adroddiad y diweddaraf i'r panel ynghylch y cynnydd a wnaed ar y Strategaeth
ADY. Roedd yn cynnwys cynnydd dros flwyddyn academaidd 2018/19, y cyd-destun presennol
gan gynnwys y pwysau arfaethedig a chynllun diwygiedig er mwyn lliniaru yn
erbyn y rhain. ·
Mae'r
awdurdod lleol yn wynebu newidiadau digynsail ym maes ADY yn sgîl cyflwyno Deddf Anghenion Dysgu Ychwanegol a
Thribiwnlys Addysg (Cymru) 2018. ·
Creodd
Llywodraeth Cymru bum swydd Arweinydd Trawsnewid ADY i weithio gyda'r pedwar
rhanbarth a'r sector addysg bellach i gefnogi ac i herio paratoadau'r AL ar
gyfer rhoi'r Ddeddf Anghenion Dysgu Ychwanegol a Thribiwnlys Addysg (Cymru)
2018 ar waith ym mis Medi 2021. ·
Mae
Abertawe wedi gweithio'n dda ar lefel ranbarthol gyda'r pum awdurdod arall yn
Rhanbarth y de-orllewin sy'n cynnwys yr un strwythur ag ERW a'r Arweinydd
Trawsnewid. Datblygwyd Strategaeth ADY a Chynllun Rhoi ar Waith ar y cyd â
Grŵp Llywio Strategaeth ADY gan gynnwys rhieni/gofalwyr er mwyn
goruchwylio'r broses o'i roi ar waith. ·
Ystyriwyd
cynnydd dan y saith thema sydd yn y cynllun rhoi ar waith rhanbarthol (gweler y
manylion llawn yn yr adroddiad a ddosbarthwyd): o
Gwnaed
cynnydd da dan y Thema Cynyddu Ymwybyddiaeth o
Cynnydd
cymysg o ran Rheoli'r Gweithlu o
Cynnydd
cymysg dan thema Arfer sy'n Canolbwyntio ar y Person a Chynllun Datblygu Unigol
(CDU). Clywsom fod angen gwneud rhagor o waith er mwyn ymgorffori'r defnydd o'r
ymagwedd sy'n canolbwyntio ar y person yn niwylliant ac ethos ysgolion a
darparwyr eraill (darparwyd hyfforddiant ond mae angen iddi gael ei hymgorffori
ymhellach yn arferion ysgolion). Clywodd y panel fod pryderon ynghylch gallu'r
tîm i reoli'r newid o Ddatganiadau o Anghenion Addysgol Arbennig a CDU a
gynhelir gan yr AL (cynnal dwy system nes i'r broses drawsnewid gael ei
chwblhau). o
Gwnaed
cynnydd da wrth ddeall yr amrywiaeth o leoliadau a darparwyr blynyddoedd
cynnar. Rhoddwyd y broses o integreiddio'r gwasanaethau hyn ar waith fel rhan
o'r rhaglen Fraenaru. o
Mae
gan yr AL bryderon sylweddol o hyd ynghylch ymestyn yr ystod oedran o 19 i 25.
Heb weithio integredig rhwng y colegau, y gwasanaeth iechyd, Gwasanaethau
Cymdeithasol i Oedolion, y Gwasanaeth Troseddau Ieuenctid, addysg, cyflogwyr a
darparwyr hyfforddiant. Cytunwyd ei fod yn bwysig sicrhau bod cynnig da o
gefnogaeth ar gael er mwyn galluogi byw'n annibynnol a chyfleoedd cyflogaeth yn
hytrach na pharhau i ddibynnu ar leoliadau addysg hyd at 25 oed. Roeddem ni'n
ddeall y bydd hyn yn gofyn i asiantaethau gydweithio. Beth ydyn ni'n ei wneud i
ddatblygu'r ymagwedd gweithio integredig hon? Pa mor barod yw'r cyrff eraill
gan gynnwys ein Gwasanaethau Cymdeithasol i Oedolion mewnol yn benodol er
enghraifft? o
Ystyriwyd
bod datrys anghydfod cynnar a phartneriaeth gyda rhieni yn allweddol er mwyn
osgoi anghenion, darpariaeth ac, felly, gostau cynyddol. Rhoddwyd y contract ar
gyfer datblygu'r broses hon i SNAP. Mae gwefan partneriaeth â rhieni ar gyfer
Abertawe yn fyw ac mae'r Gwasanaeth Addysg yn cyfathrebu trwy'r fforwm rhieni a
gofalwyr. o
Mae
Abertawe wedi creu dwy swydd Gyswllt Teulu, sydd wedi cael effaith sylweddol ar
nifer y tribiwnlysoedd y caiff eu cofnodi a gwaith gyda rhieni wyneb yn wyneb.
Fodd bynnag, mae'r gwaith hwn yn cymryd llawer o amser ac yn codi materion sy'n
ymwneud â gallu wrth symud ymlaen. ·
Mae
gan yr awdurdod ddealltwriaeth well o effaith y Deddf Anghenion Dysgu
Ychwanegol a’r Tribiwnlys Addysg (Cymru) 2018 erbyn hyn a hefyd y côd drafft sy'n arwain at oblygiadau statudol tebygol yr
AL. Mae staff wedi bod yn nodi'r galw am waith a maint y gwaith dros y pedair
blynedd diwethaf fel bod gan Abertawe ddealltwriaeth dda o'i sefyllfa.
Esboniwyd hefyd y mae'n bosib y bydd cydnerthedd a
pharhad busnes yn lleihau o ganlyniad i'r rhestr o ffactorau a roddwyd. Clywodd
y panel fod pryderon ynghylch y gallu gan y gwasanaeth addysg i ddarparu
cynllun mor fawr. Felly, rhoddwyd cyflwyniadau i'r Tîm Rheoli Corfforaethol i
bwysleisio ymagwedd gydlynol ac i roi hwb i allu'r tîm addysg i ddarparu'r holl
brosiectau yn y cynllun. ·
Bydd
Deddf Anghenion Dysgu Ychwanegol a’r Tribiwnlys Addysg (Cymru) 2018 a'r Côd yn gosod nifer o ddyletswyddau gorfodol ar awdurdodau
lleol a chyrff cyfrifol eraill megis byrddau iechyd a Gweinidogion Llywodraeth
Cymru o fis Medi 2021. Amlinellodd yr adroddiad y dyletswyddau hynny a'r costau
posib. ·
Clywodd
y panel fod Abertawe'n awyddus i fwrw ymlaen gyda
datblygu darpariaeth ysgol arbennig newydd. Mae'r panel hefyd yn ystyried
adolygu nifer ac amrywiaeth y cyfleusterau addysgu arbenigol yn unol â'r
newidiadau yn y galw. ·
Mae'r
panel yn cydnabod y bydd Deddf Anghenion Dysgu Ychwanegol a’r Tribiwnlys Addysg
(Cymru) 2018 a rhoi'r côd ar waith yn her enfawr, nid
yn unig ar gyfer ein tîm addysg ond ar gyfer ysgolion, iechyd, gwasanaethau
cymdeithasol i oedolion ac amrywiaeth o bartneriaid eraill. Roeddent yn falch o
glywed bod Abertawe wedi gwneud cynnydd da wrth ddechrau wrth gynyddu
ymwybyddiaeth ac wedi dechrau gweithio gydag asiantaethau eraill i ddatblygu
cynnig lleol integredig sy'n bodloni anghenion dysgwyr rhwng 0 a 25 oed. Mae'r
panel yn credu mai'r cyllid angenrheidiol er mwyn galluogi'r prosiectau hyn a
gweithio partneriaeth/integredig da fydd y ddau beth a fydd yn ganolog wrth
wneud cynnydd llwyddiannus. Er, roeddent yn bryderus bod Llywodraeth Cymru wedi
dweud ei bod hi'n disgwyl i'r ymarfer fod yn niwtral o ran cost. Mae'r panel yn
cynllunio i ddilyn y cynnydd yn ofalus a bydd yn gofyn am ddiweddariadau
rheolaidd, wrth i'r broses o gynllunio a rhoi'r ddeddf hon ar waith fynd
rhagddo. |
|
Cynllun Gwaith 2019 - 2020 PDF 214 KB Cofnodion: Hysbyswyd y Panel
am gyfarfod ychwanegol ar 18 Chwefror 2020 i edrych ar Gynigion y Gyllideb
Flynyddol gan eu bod yn effeithio ar faterion addysgol. |
|
Er gwybodaeth - Adroddiad Archwiliad Blynyddol PDF 198 KB Dogfennau ychwanegol: Cofnodion: Nodwyd Adroddiad
Archwiliad Ysgolion Blynyddol ar gyfer 2018/19. |
|