Agenda a Chofnodion

www.abertawe.gov.uk/DatgeliadauBuddiannau

Ni chafwyd unrhyw ddatganiadau o gysylltiadau.

Derbyn nodiadau’r cyfarfod blaenorol a chytuno eu bod yn gofnod cywir.

Cytunodd y panel ar y nodiadau fel cofnod cywir o'r cyfarfod.

Rhaid i gwestiynau fod yn berthnasol i faterion ar yr agenda ac ymdrinnirâ nhw o fewn cyfnod o 10 munud.

Nid oedd unrhyw aelodau o'r cyhoedd yn bresennol yn y cyfarfod.

Amanda Turner, Rheolwr Ôl-Lys Cyfiawnder Ieuenctid ac Ymyriad Cynnar Bae’r Gorllewin

Roedd Amanda Turner, Huw Fyfe a Carl Matthews o Wasanaeth Cyfiawnder Ieuenctid ac Ymyrryd yn Gynnar Bae'r Gorllewin yn bresennol i friffio'r Panel ar berfformiad ac ateb cwestiynau.

Pwyntiau i'w trafod:

• Nifer y plant a phobl ifanc sy'n troseddu am y tro cyntaf yn gostwng yn sylweddol.
• Abertawe oedd yr awdurdod cyntaf i gyflwyno'r system bureau
• Dylai'r Gwasanaeth Cyfiawnder Ieuenctid edrych ar astudiaethau achos etc i nodi a phrofi bod ymyrryd â phobl ifanc yn gweithio.
• Byddai'n ddefnyddiol i olrhain oedolion ifanc i weld a yw ymyrryd yn parhau i weithio unwaith bydd pobl ifanc yn troi'n 18 oed.
• Gostyngodd nifer y dedfrydau o garchar a osodwyd ar bobl ifanc yn yr ardal i 9 yn 2017/18. Dyma stori lwyddiant go iawn.
• Lleihawyd y gyllideb ar gyfer Gwasanaeth Troseddau Ieuenctid Bae'r Gorllewin o £4.2m yn 2015/16 i £3.68m yn 2017/18. Nid oes unrhyw effaith negyddol ar berfformiad wedi bod, ac nid oes neb wedi colli swydd yn orfodol o ganlyniad i hyn. Bellach, mae 19 o swyddi a rennir ar draws y rhanbarth o'u cymharu ag 11 yn 2017/18. Dyma stori gadarnhaol iawn ar gyfer cydweithio.
• Mae cysylltiadau cryf rhwng y Gwasanaeth Troseddau Ieuenctid rhanbarthol a'n Gwasanaethau Plant a Theuluoedd ni yn yr awdurdod ac Info-nation felly mae ymagwedd integredig ar waith.
• Nid oes gan y Gwasanaeth Troseddau Ieuenctid fynediad uniongyrchol at Gwasanaethau Iechyd Meddwl Plant a Phobl Ifanc (CAMHS). Mae achos yn cael ei gyflwyno i'r Bwrdd Iechyd dros gael llwybr diffiniedig i'r Gwasanaethau Iechyd Meddwl Plant a Phobl Ifanc mewn modd amserol.
• Mae'r panel yn teimlo nad yw'r Gwasanaethau Iechyd Meddwl Plant a Phobl Ifanc yn gweithio'n effeithiol. Codir y mater ar nifer o fforymau gan gynnwys y Panel Craffu Addysg.
• Pryder am effaith Pen-y-bont ar Ogwr yn gadael Bae'r Gorllewin. Ar hyn o bryd mae 19 o swyddi a rennir yn y rhanbarth. Mae'n rhaid sicrhau nad yw un o'r 3 ardal dan anfantais, yn enwedig plant a phobl ifanc yr ardaloedd.

Julie Thomas, Pennaeth y Gwasanaethau Plant a Theuluoedd

Aeth Julie Thomas, Pennaeth y Gwasanaethau Plant a Theuluoedd, drwy'r adroddiad perfformiad ar gyfer mis Medi 2018 gan amlygu'r prif bwyntiau ac ateb cwestiynau'r panel.

Pwyntiau i'w trafod:

• Plant sy'n Derbyn Gofal (tudalen 2) - mae'r adran yn ymgymryd ag archwiliad gan fod tuedd ar i fyny wedi bod yn y ffigwr hwn. Cynllun i ddod ag adroddiad briffio i gyfarfod y panel ym mis Rhagfyr.
• Mae'r panel yn teimlo bod yr adran yn mynd yn y cyfeiriad iawn ond mae nifer o faterion y mae angen i'r panel gadw llygad arnynt.

Camau Gweithredu:

• Ychwanegu 'Adrodd ar Archwiliad Plant sy'n Derbyn Gofal' at y rhaglen waith ar gyfer mis Rhagfyr 2018

Julie Thomas, Pennaeth y Gwasanaethau Plant a Theuluoedd

Darparodd Julie Thomas adborth i'r panel ar y canfyddiadau a'r meysydd i'w gwella o ddau arolygiad a gynhaliwyd gan Arolygiaeth Gofal Cymru ym mis Gorffennaf 2018 - sef arolygiad llawn o wasanaethau plant yr awdurdod ac arolygiad o Faethu Abertawe.

Pwyntiau i'w trafod:

• Mae Maethu Abertawe wedi derbyn adroddiadau cadarnhaol yn gyson mewn arolygiadau.
• Mae'r panel yn teimlo bod yr adroddiad arolygu am y Gwasanaethau Plant a Theuluoedd yn wych ar y cyfan ond mae modd gwella o hyd. Mynegodd y panel ddiolchgarwch i Julie a gweddill y tîm gan fod y cynnydd a wnaed yn ganlyniad i waith caled ac ymrwymiad ac yn wych. Mae Julie'n hapus iawn â'r adroddiad ond heb fod yn hunanfodlon a dyna pam mae'r cynllun gwella ar waith.
• O safbwynt craffu, bydd y panel yn parhau i graffu ar y gwasanaeth a chynnig awgrymiadau ac argymhellion er mwyn gwella.

Ystyriodd y panel y rhaglen waith.

a) Llythyr at Aelod y Cabinet (cyfarfod 28 Awst 2018)

Llythyrau a dderbyniwyd ac a ystyriwyd gan y panel.