Agenda a Chofnodion

Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau

Cyswllt: Liz Jordan, Scrutiny 01792 637314 

Eitemau
Rhif Eitem

1.

Datgeliadau o fuddiannau personol a rhagfarnol.

www.abertawe.gov.uk/DatgeliadauBuddiannau

 

Cofnodion:

Datgelu buddiannau – Alyson Pugh

2.

Cynigion Drafft Cyllideb y Gwasanaethau Plant a Theuluoedd

Isod ceir dolen i bapurau’r Cabinet ar gyfer 15 Chwefror 2018, sy’n cynnwys cynigion y gyllideb. Dylai fod ar gael ddydd Gwener 9 Chwefror 2018:

 

https://democracy.swansea.gov.uk/ieListDocuments.aspx?CId=124&MId=7520&Ver=4&LLL=0

 

Cofnodion:

Trafododd Dave Howes, Prif Swyddog y Gwasanaethau Cymdeithasol, a Julie Thomas, Pennaeth y Gwasanaethau Plant a Theuluoedd, y cynigion cyllidebol arfaethedig mewn perthynas â'r Gwasanaethau Plant a Theuluoedd, gan dynnu sylw at y prif faterion ac ateb cwestiynau.

 

3.

Crynhoi Barn a Chyflwyno Argymhellion

Gofynnir i’r panel drafod ei farn a’i argymhellion ar gyfer cynigion y gyllideb a chytuno arnynt o ran y Gwasanaethau Plant a Theuluoedd er mwyn eu cyflwyno i’r Cabinet.

 

Bydd cynullwyr pob panel perfformiad yn bwydo barn y panel i’r Panel Gwella Gwasanaethau a Pherfformiad Cyllid ar 14 Chwefror sydd wedi’i drefnu’n benodol i edrych ar y gyllideb ddrafft. Yna bydd Chris Holley, Cynullydd y Panel Gwella Gwasanaethau a Pherfformiad Cyllid, yn mynd i gyfarfod y Cabinet ar 15 Chwefror i gyflwyno barn gyfunol y paneli perfformiad craffu.

 

 

Cofnodion:

Cytunodd y panel â'r farn a'r argymhellion canlynol am y cynigion cyllidebol mewn perthynas â'r Gwasanaethau Plant a Theuluoedd yr hoffai eu cyflwyno i'r Cabinet:

 

  • Yn weddol fodlon ar y gyllideb arfaethedig ar gyfer y GPTh ar gyfer 2018/19, gan gynyddu a mwyhau'r gwelliannau.
  • Nodwyd bod y gyllideb gynyddol ar gyfer y GPTh yn bennaf er mwyn talu am gynnydd chwyddiannol cyflogau.
  • Mae'r panel yn meddwl bod angen monitro'r Gwasanaethau Iechyd Meddwl Plant a Phobl Ifanc (GIMPPhI) yn agos.
  • Mae'r panel yn meddwl bod ymyrryd yn gynnar yn bwysig iawn. Mae'n croesawu'r ffordd flaengar o feddwl ond bydd am fonitro hyn wrth symud ymlaen.

 

Yn dilyn y cyfarfod hwn:

 

Bydd y cynullydd yn cyflwyno barn y panel, ar y cyd â chynullyddion paneli eraill, i'r Panel Gwella Gwasanaethau a Chyllid, sy'n cwrdd ar 14 Chwefror. Bydd cynullydd y Panel Gwella Gwasanaethau a Chyllid yna'n mynd i'r Cabinet ar 15 Chwefror i gyflwyno barn gyfunol paneli perfformiad craffu ac ysgrifennu llythyr at Aelod y Cabinet.